24.07.2017 | 
ԲՈՂՈՔԱՐԿԻՐ ՔՆՆՈՒԹՅԱՆԴ ԳՆԱՀԱՏԱԿԱՆԸ, ԵԹԵ ՈՂՋԱՄԻՏ ՀԻՄՔԵՐ ՈՒՆԵՍ
ԲՈՂՈՔԱՐԿԻՐ ՔՆՆՈՒԹՅԱՆԴ ԳՆԱՀԱՏԱԿԱՆԸ, ԵԹԵ ՈՂՋԱՄԻՏ ՀԻՄՔԵՐ ՈՒՆԵՍ
Յուրաքանչյուր ուսանող իրավունք ունի բողոքարկելու իր ստացած գնահատականը: Սա վերաբերում է ոչ միայն ամփոփիչ ատեստավորման, այլև ընթացիկ և եզրափակիչ քննություններին:

Սակայն այս կարգին, ԵՊՀ ուսումնամեթոդական վարչության պետ Հրանտ Ժամհարյանի խոսքով, ոչ բոլոր ուսանողներն են տեղյակ:

 

2011 թվականին ընդունված կարգի համաձայն՝ յուրաքանչյուր ուսանող գնահատականը իմանալուց հետո կարող է հանձնաժողովի նախագահի անունով գրավոր դիմում ներկայացնել՝ խնդրելով, որ գնահատականը վերանայվի: Նախարարության պահանջով և կարգի դրույթով՝ բոլոր քննությունները ձայնագրվում են, և բողոքարկման դեպքում հանձնաժողովը պարտավոր է այդ ձայնագրությունը լսել ու ուսանողին բացատրել, թե որտեղ է նա թերացել, ինչի համար է գնահատականը իջեցվել:

 

ԵՊՀ ավարտական աշխատանքների, մագիստրոսական թեզերի պաշտպանության, պետական քննությունների արդյունքների բողոքարկման հանձանժողովի անդամ Մարգարիտա Ղազարյանն ավարտական աշխատանքների բողոքարկումներին մասնակցել է տնտեսագիտության, կառավարման և իրավագիտության ֆակուլտետներում, առաջին դեպքում ուսանողի գնահատականը բարձրացվել է, երկրորդում՝ չի փոխվել:

«Բողոքարկումների վիճակագրություն չկա, բայց բոլոր ֆակուլտետներում էլ լինում են, ուղղակի միշտ չէ, որ դրանք հասնում են վերջին մակարդակին»,- «Ալեք Մանուկյան 1» ամսագրի հետ զրույցում ասաց Մարգարիտան:

 

Հրանտ Ժամհարյանը նույնպես բողոքարկումների վիճակագրություն չունի. «Ուսանողներ կան, որոնց  համար նպատակը վերջնական միավորն է, այլ ոչ թե հասկանալը, որ ինչ-որ գիտելիքների պակաս ու թերություն ունեն: Հասնում են ուսխորհրդին, պրոռեկտորներին, իսկ երբ հետաքրքրվում ես, թե բողոքի էությունը որն է, պարզվում է, որ միայն գնահատականը»,- ասաց Հրանտ Ժամհարյանը:

 

Պրոֆեսորադասախոսական կազմի և ուսանողական խորհրդի տեսակետներն այստեղ համընկնում են՝ ուսանողը պետք է բողոքարկման դիմի ողջամիտ պատճառներով, ոչ թե մագիստրատուրայի ընդունելության, կարմիր դիպլոմի կամ զեղչ ստանալու նպատակով:

 

Նորայր Շողիկյան
ժուռնալիստիկայի ֆակուլտետ, 1-ին կուրս

Այլ նորություններ
«ԵՊՀ-Ն ՇՈՒՏՈՎ ԿՈՒՆԵՆԱ ՀԱՆՐԱԿԱՑԱՐԱՆ` ՆԱԽԱՏԵՍՎԱԾ ՇՈՒՐՋ 500 ՈՒՍԱՆՈՂԻ ՀԱՄԱՐ»
Հանրակացարանը լինելու է ժամանակակից, ունենալու է երկտեղանոց սենյակներ, որոնք ունենալու են առանձին լվացարաններ: Լինելու է մեկ մեծ ճաշարան, և յուրաքանչյուր հարկում` խոհանոց:
ՎԵՐՋԸ՝ ՆՈՐԻ ՍԿԻԶԲ
Ի՞նչ կլինի, եթե ամբողջ մարդկությունը մի օր վերանա: Մոլորակը կապրի՞ առանց մեզ, ինչպե՞ս:
ԿՈԳՆԻՏԻՎ ԳՈՐԾԱՌՈՒՅԹՆԵՐԻ ՏԱՐԲԵՐՈՒԹՅՈՒՆՆԵՐԻ ԿԱՊԸ ՄՇԱԿՈՒՅԹԻ և ՏԱՐԻՔԻ ՀԵՏ
Քեմբրիջի և Հոնկոնգի համալսարանների հոգեբանները պարզել են, որ Մեծ Բրիտանիայի և Հոնկոնգի դեռահասների մոտ իմացական կարողությունների զարգացման միջին մակարդակը տարբերվում է, իսկ նրանց ծնողների մոտ՝ ոչ:
Կոնտակտներ

Հասցե՝
Ալեք Մանուկյան 1
ԵՊՀ կենտրոնական մասնաշենք
609 սենյակ

Հեռ.՝
(+374 60) 710193
11-93 (ներքին)
student_council@ysu.am