24.07.2017 | 
ԿՈԳՆԻՏԻՎ ԳՈՐԾԱՌՈՒՅԹՆԵՐԻ ՏԱՐԲԵՐՈՒԹՅՈՒՆՆԵՐԻ ԿԱՊԸ ՄՇԱԿՈՒՅԹԻ և ՏԱՐԻՔԻ ՀԵՏ
ԿՈԳՆԻՏԻՎ ԳՈՐԾԱՌՈՒՅԹՆԵՐԻ ՏԱՐԲԵՐՈՒԹՅՈՒՆՆԵՐԻ ԿԱՊԸ ՄՇԱԿՈՒՅԹԻ և ՏԱՐԻՔԻ ՀԵՏ
Քեմբրիջի և Հոնկոնգի համալսարանների հոգեբանները պարզել են, որ Մեծ Բրիտանիայի և Հոնկոնգի դեռահասների մոտ իմացական կարողությունների զարգացման միջին մակարդակը տարբերվում է, իսկ նրանց ծնողների մոտ՝ ոչ:

Համաձայն կատարված հետազոտությունների՝ գործադիր գործառույթները (իմացական գործընթացների համախումբ), որոնք մենք օգտագործում ենք պլաններ կազմելու և նոր պայմաններին հարմավելու համար, ձևավորվում են տարբեր գործոնների անմիջական ներգործության արդյունքում, ինչպես օրինակ՝ ծնողական և մշակութային ազդեցությունը:

 

Միշել Ռ. Էլլեֆսոնն իր գործընկերների հետ մշակել է այս հմտությունների ուսումնասիրման նոր մոտեցում. նոր հետազոտության մեջ հոգեբաններն ուսումնասիրեցին կոգնիտիվ գործընթացների զարգացման մակարդակը տարիքային և մշակութային տարբերություններում:

Հետազոտման համար հոգեբանները խնդրեցին 886 դեռահասների և 541 ծնողների անցնել իրենց կոգնիտիվ գործառույթները ստուգող 4 թեստ. կատարվեցին ռեակցիայի արագության, հիշողության, ձևերի համեմատության և պլանավորման առաջադրանքներ: Հետազոտման արդյունքները ցույց տվեցին, որ Հոնկոնգի երեխաների գործադիր ֆունկցիաների զարգացվածության աստիճանը շատ ավելի բարձր միջինում էր, քան բրիտանացիներինը: Ծնողների մոտ, սակայն, չնկատվեց այդպիսի տաբերություն:

 

Երբ հետազոտողները համեմատեցին այս 2 տարիքային խմբերի արդյունքները, հայտնաբերեցին, որ ծնողները որպես կանոն ունեին ավելի շատ ճիշտ պատասխաններ, սակայն ճիշտ պատասխաններ ստանալու համար նրանք վատնում էին ավելի շատ ժամանակ, քան երեխաները: Դա նշանակում է, որ ծնողները խուսափել են սխալ պատասխաններից՝ առաջադրանքների կատարման արագության հաշվին:

Հոնկոնգում և Մեծ Բրիտանիայում նկատվել է նաև, որ բարձր արդյունքներ ունեցող ծնողների երեխաները նույնպես ունեին բարձր արդյունքներ:

 

Ստացված արդյունքները վկայում են այն մասին, որ մշակութային տարբերություններով առաջացած կոգնիտիվ գործընթացների տարբերությունները տարիքի հետ փոփոխվում են, չեզոքացվում՝ ծերության ժամանակ:

 

Էմիլիա Աթանեսյան
Դավիթ Աքելյան

Այլ նորություններ
«ԵՊՀ-Ն ՇՈՒՏՈՎ ԿՈՒՆԵՆԱ ՀԱՆՐԱԿԱՑԱՐԱՆ` ՆԱԽԱՏԵՍՎԱԾ ՇՈՒՐՋ 500 ՈՒՍԱՆՈՂԻ ՀԱՄԱՐ»
Հանրակացարանը լինելու է ժամանակակից, ունենալու է երկտեղանոց սենյակներ, որոնք ունենալու են առանձին լվացարաններ: Լինելու է մեկ մեծ ճաշարան, և յուրաքանչյուր հարկում` խոհանոց:
ՎԵՐՋԸ՝ ՆՈՐԻ ՍԿԻԶԲ
Ի՞նչ կլինի, եթե ամբողջ մարդկությունը մի օր վերանա: Մոլորակը կապրի՞ առանց մեզ, ինչպե՞ս:
ՄԵՆՔ ՁԱԽԼԻԿ ԵՆՔ
Գիտական ընկալմամբ ձախլիկությունը մարմնի ձախ մասի առաջնությունն է աջի նկատմամբ, այլ խոսքով՝ մարդկային հատկանիշ է, որի դեպքում աջ եւ ձախ ձեռքերի շարժունակության մեջ գերակշռողն ու ճկունը ձախն է:
Կոնտակտներ

Հասցե՝
Ալեք Մանուկյան 1
ԵՊՀ կենտրոնական մասնաշենք
609 սենյակ

Հեռ.՝
(+374 60) 710193
11-93 (ներքին)
student_council@ysu.am