24.07.2017 | 
«ԵՊՀ-Ն ՇՈՒՏՈՎ ԿՈՒՆԵՆԱ ՀԱՆՐԱԿԱՑԱՐԱՆ` ՆԱԽԱՏԵՍՎԱԾ ՇՈՒՐՋ 500 ՈՒՍԱՆՈՂԻ ՀԱՄԱՐ»
«ԵՊՀ-Ն ՇՈՒՏՈՎ ԿՈՒՆԵՆԱ ՀԱՆՐԱԿԱՑԱՐԱՆ` ՆԱԽԱՏԵՍՎԱԾ ՇՈՒՐՋ 500 ՈՒՍԱՆՈՂԻ ՀԱՄԱՐ»
Հանրակացարանը լինելու է ժամանակակից, ունենալու է երկտեղանոց սենյակներ, որոնք ունենալու են առանձին լվացարաններ: Լինելու է մեկ մեծ ճաշարան, և յուրաքանչյուր հարկում` խոհանոց:

Առողջ ապրելակերպի համար նախատեսված է մարզասրահի կառուցում: Այս տվյալները մեզ տրամադրել է Ուսանողների հետ տարվող աշխատանքների կենտրոնի տնօրեն Վահագն Վարագյանը։

 

 

-Պարոն Վարագյան հանրակացարանի կառուցման մասին լուրը լսելուց հետո եղան մարդիկ, ովքեր արձագանքեցին հետևյալ կերպ. «Ինչո՞ւ օտարեցին հին հանրակացարանը, եթե պիտի նորը կառուցեին»: Հարցին կարո՞ղ եք պարզաբանումներ տալ:

 

-Խորհրդային միության փլուզումից հետո, կառավարությունը սկսել է տնօրինել համալսարանի հանրակացարանը և այլ համալիրներ: Օտարելու նախաձեռնությունը եղել է կառավարության կողմից, և համալսարանը հնարավորություն չի ունեցել այն պահել: Այժմ ԵՊՀ հոգաբարձուների խորհրդի նախագահ Սերժ Սարգսյանի հանձնարարականով կառուցվում է բոլորովին նոր և ժամանակակից, հյուրանոցային համալիրներին չզիջող հանրակացարան:

 

-Հանրակացարանի կառուցման գործում ներդրումներ եղե՞լ են։

 

-Այո՛, ամերիկահայ բարերար Ջորջ Ասատուրյանը ԵՊՀ-ին կտակել է 1 000.000 դոլար, որը դրված է հանրակացարանի կառուցման հիմքում, մնացյալ ծախսերը կատարվում են համալսարանի բյուջեով:

 

-Ո՞րն է այդ ուսանողների ցանկում ընդգրկվելու կարգը:

- Այժմ հանրակացարանի կառուցման աշխատանքները գտնվում են շինարարության փուլում, և նախագծի հաստատվելուց հետո համալսարանը կունենա մինրև 500 ուսանողների համար նախատեսված հանրակացարան: Կանոնակարգը դեռևս հաստատված չէ, բայց հիմնականում ներառված են լինելու սոցիալապես անապահով, բարձր առաջադիմություն և հասարակական ակտիվություն ունեցող ուսանողները:

 

-Ե՞րբ կավարտվեն հանրակացարանի շինարարական աշխատանքները։

 

-Շինարարական աշխատանքներն ամենայն հավանականությամբ կավարտվեն 2018 թվականի ամռանը: Մինչ այդ ուսանողների հերթագրումը, փաստաթղթերի ընդունումը կատարված կլինի և պարզ կլինի, թե ովքեր են բնակվելու նորակառույց հանրակացարանում:

 

-Շահագործման հանձնելուց հետո հանրակացարանում հսկողություն լինելո՞ւ է։

 

-Իհարկե, կարգուկանոն ապահովելու նպատակով հանրակացարանում լինելու են պատասխանատուներ ուսանողական կառույցներից: Բացի ադմինիստրատիվ աշխատողներից, ուսանողական խորհուրդը ևս աշխատանքներ կունենա:

 

-Հանրակացարանը կառուցվում է «Ծարավ աղբյուր» փողոցում, ուսանողներին փոխադրամիջոցներ տրամադրելո՞ւ է:

 

-Քանի որ հանրակացարանից համալսարան հեռավորությունն այնքան էլ մեծ չէ և համալսարանին մոտ կանգառներից «Ծարավ աղբյուր» գնացող երթուղայիններ կան, համալսարանը փոխադրամիջոցներ չի տրամադրի ուսանողներին: Քաղաքապետարանից ևս տեղեկացել ենք, որ «Ծարավ աղբյուր» գնացող երթուղայինների ավելացում է նախատեսվում առաջիկայում։ Ուսանողները երթուղայինի խնդիր չեն ունենա:

 

 

Սիլվարդ Տիգրանյան 

Այլ նորություններ
ՎԵՐՋԸ՝ ՆՈՐԻ ՍԿԻԶԲ
Ի՞նչ կլինի, եթե ամբողջ մարդկությունը մի օր վերանա: Մոլորակը կապրի՞ առանց մեզ, ինչպե՞ս:
ԿՈԳՆԻՏԻՎ ԳՈՐԾԱՌՈՒՅԹՆԵՐԻ ՏԱՐԲԵՐՈՒԹՅՈՒՆՆԵՐԻ ԿԱՊԸ ՄՇԱԿՈՒՅԹԻ և ՏԱՐԻՔԻ ՀԵՏ
Քեմբրիջի և Հոնկոնգի համալսարանների հոգեբանները պարզել են, որ Մեծ Բրիտանիայի և Հոնկոնգի դեռահասների մոտ իմացական կարողությունների զարգացման միջին մակարդակը տարբերվում է, իսկ նրանց ծնողների մոտ՝ ոչ:
ՄԵՆՔ ՁԱԽԼԻԿ ԵՆՔ
Գիտական ընկալմամբ ձախլիկությունը մարմնի ձախ մասի առաջնությունն է աջի նկատմամբ, այլ խոսքով՝ մարդկային հատկանիշ է, որի դեպքում աջ եւ ձախ ձեռքերի շարժունակության մեջ գերակշռողն ու ճկունը ձախն է:
Կոնտակտներ

Հասցե՝
Ալեք Մանուկյան 1
ԵՊՀ կենտրոնական մասնաշենք
609 սենյակ

Հեռ.՝
(+374 60) 710193
11-93 (ներքին)
student_council@ysu.am