26.10.2017 | 
ՀՈԳՈւՍ ԿԱՐՄԻՐ ԶՍՊԱՇԱՊԻԿԸ
ՀՈԳՈւՍ ԿԱՐՄԻՐ ԶՍՊԱՇԱՊԻԿԸ
Օգնի'ր ինձ անուշանալ.
ինձ միշտ հետաքրքրելեն մարդիկ, որոնք նայել են վեր...

Օգնի՛ր ինձ անուշանալ.
ինձ միշտ հետաքրքրելեն մարդիկ, որոնք նայել են վեր,
իսկ ո՞վ ես դու, եթե իմ ու քո մերկ սրտից արյան նույն հոտն է գալիս.
ո՞վ ես դու, որ տվել ես թևեր, բայց չես տվել երկինք,
ցույց կտա՞ս հոգուցդ ևս մի հատված ինքնամփոփ,
կիսաբաց քո հայացքով:

Օգնի՛ր ինձ անուշանալ,
սովորեցրու՛ մաշկի տակ սիրտ նկարել,
ինչպես նկարումես դու` մաշկի վրա,
ու վրան հազար շերտ մաշկ փռում...
մաշկային գերեզման դարձնում հոգիս անվնաս,
ցույց կտա՞ս... ընկերս ես,
չգիտես, որ երգում եմ պարտվածների մասին,
կիսվի՛ր ինձ հետ քո խնդիրներով,
պատմի՛ր ինձ ամենի մասին,
բացի՛ր այն սենյակի դուռը, որտեղ ես չկամ, ու բղավի՛ր` «գնա՛», չեմ գնա,
այդտեղես չկամ, քեզ կմոգոնեմ վաղվա օրվա մեջ,
գրկելու չբացահայտված հնարք ցույց կտամ,
որ վերջապես աչքերդ փակես,
քանզի բաց աչքով ոչինչ չես կամենում պատմել
ու  այդպես էլ գլուխ կոտրելով
չես կարողանա հասկանալ, թե որն էր հնարքիս իմաստը,
բայց կնստես սենյակում
ու կպատմես` փորձելով աչքերդ փակել
այն սենյակում, որտեղ ես չկամ,
այն սենյակում, որն ուղղակի իմ փակված աչքերի արդյունքն է:

 

Զավեն Տոնոյան

Այլ նորություններ
ՄԱՐԶԱԴԱՀԼԻՃԻՑ  ԱՐՎԵՍՏԱՆՈՑ
Նկարիչը ԵՊՀ ուսանողներին ծանոթ ֆիզկուլտուրայի դասախոս Հրաչյա Հակոբյանն է, ով կարողացել է համադրել սպորտի, նկարչության, գրականության և երաժշտության գույներն իր կյանքի կտավում:
Ու՞Ր Է ԻՄ ԱՌԱՐԿԱՅԻ ՊԼԱՆԸ
Հաճախ շփոթմունք է առաջանում նաև հարցաշարերի տրամադրման ժամանակ. կամ դասախոսը նախօրոք չի պատրաստել և ուշացնում է, կամ ուսանողները չեն պահանջում:
7-ՐԴ ՋՈԿԻ ՕՐԱԳԻՐԸ
Զենքը սեղմում եմ ուսիս, մյուս ձեռքով պինդ պահում, նշան բռնում և ձգանը քաշում: Վերջ. «Թշնամին մեռած է»:
Կոնտակտներ

Հասցե՝
Ալեք Մանուկյան 1
ԵՊՀ կենտրոնական մասնաշենք
609 սենյակ

Հեռ.՝
(+374 60) 710193
11-93 (ներքին)
student_council@ysu.am