«Վարդանանց ասպետներ» կազմակերպությունը հայտարարում է Թաբիբյան ընտանիքի տրամադրած կրթաթոշակային ծրագրի մեկնարկի մասին:

Կրթաթոշակի համար դիմելու հնարավորություն ունեն՝

1. ԵՊՀ ինֆորմատիկայի և կիրառական մաթեմատիկայի, ֆիզիկայի, մաթեմատիկայի և մեխանիկայի, ռադիոֆիզիկայի, քիմիայի, կենսաբանության, աշխարհագրության և երկրաբանության ֆակուլտետների առկա բակալավրիատի, մագիստրատուրայի ուսանողները և ասպիրանտները:
2. Ուսանողները, ըստ «Փոխըմբռնման հուշագրի», ուսումն ավարտելուց հետո պետք է հինգ տարի բնակվեն Հայաստանում:

Տրամադրվող կրթաթոշակը համարժեք է մեկ ուսումնական տարվա վարձին: Այն ուսանողները, որոնք ստանում են այլ կրթաթոշակ, Թաբիբյան հիմնադրամի կրթաթոշակը շահելու դեպքում կստանան վարձավճարի մյուս մասը:

«Վարդանանց ասպետների» նախկին մրցանակակիրները ևս հնարավորություն ունեն դիմելու կրթաթոշակի համար:

Դիմելիս անհրաժեշտ է ներկայացնել հետևյալ փաստաթղթերը՝

1. կրթաթոշակի դիմումը, որի լրացման ձևը հնարավոր է գտնել այստեղ,
2. ակադեմիական տեղեկանք,
3. երկու երաշխավորագիր,
4. դիմումին կցված լուսանկար (անձնագրի լուսանկարի չափի):

Դիմումը պետք է լրացնել անգլերենով, անհրաժեշտության դեպքում՝ ավելացնել նոր էջեր:

Ակնարկը (essay) հնարավոր է ներկայացնել 2 լեզվով՝ անգլերենով (պարտադիր) և հայերենով, վերջում՝ ստորագրել:

Դիմումի ֆայլը և պահանջվող փաստաթղթերն անհրաժեշտ է մեկ PDF ֆայլի տեսքով ուղարկել հետևյալ էլհասցեին՝ amarkarov@ysu.am:

Դիմումների ընդունման վերջնաժամկետն է 2023 թվականի մարտի 20-ը՝ ժամը 18:00-ն:

Ծրագրի վերաբերյալ հարցերի դեպքում հնարավոր է կապվել հետևյալ էլհասցեով՝ knightsofvartan@gmail.com:

Ընտրության արդյունքների և մրցանակի մասին կտեղեկացվեն միայն մրցանակակիրները մինչև 2023 թվականի մայիսի 5-ը: