կամ
Ինտերնշիփի հնարավորություն ԵՊՀ շրջանավարտների և կարիերայի կենտրոնում
ՊՐԱԿՏԻԿԱ
ԵՊՀ շրջանավարտների և կարիերայի կենտրոնը ընձեռում է ինտերնշիփի (լրացուցիչ պրակտիկայի) հնարավորություն (կհատկացվի 2 տեղ):

Ընտրված թեկնածուներն ինտերնշիփի շրջանակում կմասնակցեն կենտրոնի կողմից իրականացվող աշխատանքներին, կստանան մասնակցության վկայական:

Մենք փնտրում ենք Ձեզ, եթե Դուք

• ԵՊՀ ուսանող կամ շրջանավարտ եք

Տիրապետում եք

  • հայերենին, ռուսերենին և անգլերենին,
  • «Microsoft Office» փաթեթին և այլ համակարգչային ծրագրերի («Adobe Photoshop», «CorelDraw» ծրագրերի իմացությունը կդիտվի որպես առավելություն),
  • համացանցի հետ աշխատելու հմտություններին:

Ունեք

  • անհատական կարողությունների բացահայտման ցանկություն,
  • բուհ-ձեռնարկություն փոխգործակցության առանձնահատկություններին ծանոթանալու ցանկություն,
  • ուսանողների և շրջանավարտների կարիերայի խթանմանը ուղղված ծրագրերի իրականացմանը մասնակցելու ձգտում,
  • աշխատաշուկայի ուսումնասիրության և առկա խնդիրների բացահայտման ցանկություն,
  • հաղորդակցման հմտությունների զարգացման ձգտում,
  • թիմային աշխատանքի մոտիվացիա:

Պայմաններ

Ինտերնշիփի տևողությունը 3 ամիս է:

Ընտրված մասնակիցը ներգրավված կլինի ԵՊՀ շրջանավարտների և կարիերայի կենտրոնի կողմից իրականացվող ծրագրերում, հնարավորություն կունենա հանդես գալ նոր նախաձեռնություններով և շաբաթական նվազագույնը 10-15 ժամ պետք է հատկացնի իր առաջադրանքների շրջանակում իրականացվող աշխատանքներին:

Վերջնական ընտրությունը կիրականացվի հարցազրույցի ընթացքում: 

Մեկնարկը՝ 2018 թ. փետրվարի 1-ից:

Ցանկացողները կարող են իրենց մոտիվացիոն նամակը և CV-ն ուղարկել ԵՊՀ շրջանավարտների և կարիերայի կենտրոնի acc@ysu.am էլեկտրոնային հասցեին` թեմա (subject) բաժնում նշելով՝ Ինտերնշիփ Շրջանավարտների և կարիերայի կենտրոնում:

Դիմումների ընդունման վերջնաժամկետն է՝ 17.01.2018թ.:

(Հաշվի առնելով քննաշրջանի հետ կապված ուսանողների բազմաթիվ խնդրանքները ՝ դիմելու վերջնաժամկետը երկարաձգվել է):

ՄԱԳԻՍՏՐԱՏՈՒՐԱՅԻ ԿՐԹԱԹՈՇԱԿ՝ ՀԱՄԱՅՆՔԱՅԻՆ ԽՆԴԻՐՆԵՐԻ ՆՈՐԱՐԱՐ ԼՈՒԾՈՒՄՆԵՐԻ ՀԱՄԱՐ
ՄԱԳԻՍՏՐԱՏՈՒՐԱՅԻ ԿՐԹԱԹՈՇԱԿ՝ ՀԱՄԱՅՆՔԱՅԻՆ ԽՆԴԻՐՆԵՐԻ ՆՈՐԱՐԱՐ ԼՈՒԾՈՒՄՆԵՐԻ ՀԱՄԱՐ
Այսօր տեղի ունեցավ «Աջակցություն ուսմանը՝ ապագայի ներդրում» խորագրով ծրագրի արդյունքների ամփոփիչ միջոցառումը, որն իրականացվում էր ԵՊՀ շրջանավարտների և կարիերայի կենտրոնի ու «ԱՄՔՈՐ Հայաստան» բարեգործական հիմնադրամի հետ:
ՈՒՍԱՆՈՂԱԿԱՆ ՏԱՐԻՆԵՐԻՑ ՄԻԱՅՆ ԴՐԱԿԱՆ ՀՈՒՇԵՐ ԵՆ ՄՆՈՒՄ. ԵՊՀ ՇՐՋԱՆԱՎԱՐՏ-2018
ՈՒՍԱՆՈՂԱԿԱՆ ՏԱՐԻՆԵՐԻՑ ՄԻԱՅՆ ԴՐԱԿԱՆ ՀՈՒՇԵՐ ԵՆ ՄՆՈՒՄ. ԵՊՀ ՇՐՋԱՆԱՎԱՐՏ-2018
Ամեն տարի՝ հունիսի 15-ից հուլիսի 27-ն ընկած ժամանակահատվածում, ԵՊՀ շրջանավարտները ստանում են իրենց դիպլոմները: Այսօր հանդիսավոր արարողությամբ իրենց ավարտական վկայականները ստացան Միջազգային հարաբերությունների ֆակուլտետի շրջանավարտները:
ԵՊՀ-ՈՒՄ ՀԱՆԴԻՊԵՑԻՆ ԳՈՐԾԱՏՈՒՆԵՐՆ ՈՒ ՈՒՍԱՆՈՂՆԵՐԸ
ԵՊՀ-ՈՒՄ ՀԱՆԴԻՊԵՑԻՆ ԳՈՐԾԱՏՈՒՆԵՐՆ ՈՒ ՈՒՍԱՆՈՂՆԵՐԸ
Այսօր ԵՊՀ գրադարանի ճեմասրահում տեղի ունեցավ «Intership Hunt. Որոնի՛ր և գտի՛ր քո հնարավորությունը» խորագրով տոնավաճառը: