ՀՀ կենտրոնական բանկը պետական գործառույթներով օժտված իրավաբանական անձ է, որի հիմնական խնդիրը ՀՀ-ում գների կայունության ապահովումն է: Այն միասնական կենտրոնացված համակարգ է, որը ներառում է բանկի գլխավոր գրասենյակը և տարածքային ստորաբաժանումները:

Կենտրոնական բանկի խնդիրներն են` ՀՀ ֆինանսական համակարգի կայունության և բնականոն գործունեության ապահովումը, այդ թվում` ՀՀ բանկային համակարգի կայունության, իրացվելիության, վճարունակության և բնականոն գործունեության համար անհրաժեշտ պայմաններ ապահովելը, գործուն վճարահաշվարկային համակարգ ստեղծելն ու զարգացնելը, ՀՀ արժույթի թողարկումը, դրամաշրջանառության կազմակերպումը, կարգավորումը և այլն:

Բանկը հանդիսանում է ՀՀ կառավարության ֆինանսական գործակալն ու խորհրդատուն, լիցենզավորում է բանկերը, կարգավորում և վերահսկում է դրանց գործունեությունը, որպես վերջին ատյանի վարկատու՝ վարկեր է տրամադրում բանկերին, կարգավորում և վերահսկում է վճարահաշվարկային համակարգի գործունեությունը, տիրապետում, օգտագործում և տնօրինում է ՀՀ-ի միջազգային պահուստները։ Կենտրոնական բանկի գլխավոր գրասենյակը գտնվում է Երևանում:

ՀՀ կենտրոնական բանկի հետ համագործակցում են ԵՊՀ իրավագիտության և Տնտեսագիտության և կառավարման և Մաթեմատիկայի և մեխանիկայի ֆակուլտետները:

Նախագահ՝ Արթուր Ջավադյան

Հասցե՝ ՀՀ, ք. Երևան, Վազգեն Սարգսյան 6
Հեռ.՝ (+374 10) 56-37-61
Ֆաքս` (+374 10) 52-38-52
Կայք՝ www.cba.am