ՀՀ տնտեսական մրցակցության պաշտպանության պետական հանձնաժողովը ստեղծվել է տնտեսական մրցակցության պաշտպանության բնագավառում պետական քաղաքականության իրականացման նպատակով: Հանձնաժողովի առաջին կազմը հաստատվել է 2001 թվականին: Հիմնական նպատակն է պաշտպանել և խրախուսել ազատ տնտեսական մրցակցությունը, ապահովել բարեխիղճ մրցակցության համար անհրաժեշտ միջավայր, նպաստել ձեռնարկատիրության զարգացմանը և սպառողների շահերի պաշտպանությանը ՀՀ-ում:

Հանձնաժողովն ԱՊՀ անդամ-պետությունների Հակամենաշնորհային քաղաքականության միջպետական խորհրդի (МСАП), «Մրցակցության միջազգային ցանց»-ի (ICN), ԱՊՀ հակամենաշնորհային քաղաքականության միջպետական խորհրդի ներքո գործող գովազդի կոորդինացիոն խորհրդի անդամ է:

ՀՀ տնտեսական մրցակցության պաշտպանության պետական հանձնաժողովի աշխատակազմի հետ համագործակցում են ԵՊՀ իրավագիտության, Տնտեսագիտության և կառավարման ֆակուլտետները և Շրջանավարտների և կարիերայի կենտրոնը:

Աշխատակազմի ղեկավար` Անահիտ Սարգսյան

Հասցե՝ ՀՀ, ք. Երևան, Մհեր Մկրտչյան 5
Հեռ.` (+374 10) 54-40-04
Ֆաքս` (+374 10) 54-39-85
Էլ. հասցե` info@competition.am
Կայք՝ www.competition.am