Կարինե Դավթյան
ԵՊՀ Շառլ Ազնավուրի անվան Մշակույթի կենտրոնի տնօրեն
Կարինե Ավետի Դավթյան (տնօրեն)
Ծնվել է 1959 թվականի սեպտեմբերի 28-ին Երևանում: 1966-1976 թթ. սովորել է Երևանի թիվ 54 միջն. դպրոցում:
1976-1979 թվականներին ուսանել է Երևանի գեղարվեստա-թատերական ինստիտուտ, ուսանել Վարդան Աճեմյանի, Հրաչյա Աշուղյանի, Արտաշես Հովսեփյանի և Էլզա Գյուլեսերյանի արվեստանոցում:
1979 թվականին ուսումը շարունակել է Երևանի հայկական մանկավարժական իստիտուտի կուլտուրայի ֆակուլտետում:
1987 թվականից սկսած` ծավալել է մանկավարժական գործունեություն` սկսելով Երևանի Նար-Դոսի անվան թիվ 14 միջն. դպրոցից, որտեղ դասավանդել է «Էթիկա և էսթետիկա» առարկան իր իսկ հեղինակային ծրագրով` միևնույն ժամանակ վարելով դպրոցի գրադարանի վարիչի պարտականությունները:
1995 թվականից սկսել է դասավանդել նույն առարկան Խ. Դաշտենցի անվան թիվ 114 միջն. դպրոցում, որտեղ և ստեղծել է «Ինդիվիդիում» դպրոցական թատրոնը, որը գործել է շուրջ 7 տարի: Այդ տարիների ընթացքում բեմադրել է շուրջ 15 ներկայացումներ: Դպրոցում հիմնել է Խ. Դաշտենցի թանգարանը և նշանակվել թանգարանի տնօրեն:
2000 թվականից Երևանի Ե. Չարենցի անվան դպրոցում ստանձնել է կազմակերպչական և դաստիարակչական գծով փոխտնօրենի պաշտոնը: Վերապատրաստվել է և դասավանդել «Իրավունք» առարկայաշարը:
2005 թվականի փետրվարից ստանալով հրավեր ԵՊՀ շրջանավարտների միավորման կողմից` ստեղծել է «Համալսարանական» թատրոն-ստուդիան, որի գեղարվեստական ղեկավարն ու բեմադրիչն է մինչ այժմ: Կարինե Դավթյանը նաև համալսարանում իրականցված մի շարք մշակութային ծրագրերի հեղինակ է (ԵՊՀ մեծարման և 1-ին կուրսեցիների երդման արարողություն, մշակութային դաստիարակությունը որպես ուսանողի հոգեկերտվածքի խթան, ԵՊՀ կինոակումբ և այլն):
2006 թվականի հունիսի 6-ին նշանակվել է ԵՊՀ Շառլ Ազնավուրի անվան մշակույթի կենտրոնի տնօրեն` համատեղելով «Համալսարանական» թատրոն-ստուդիայի գեղ. ղեկավարի և բեմադրիչի աշխատանքները:

Բեմադրված ներկայացումներն են՝

• Վ.Սարոյան «Հե˜յ, ո՞վ կա», պատասխանում է «Ջիմ Դենդին»,
• Դ Դեմիրճյան «Քաջ նազար»,
• Ե.Չարչենց «Ես իմ անուշ Հայաստանի… »,
• Ա.Այվազյան « Ցուցակը»,
• Ն.Դումբաձե «Կարոտ»,
• Ա.Գեղամյան «ընկեր Բ. Փանջունի»,
• Պ.Սևակ «Եվ Այր մի Մաշտոց»,
• Շեքսպիր «Ռոմեո և Ջուլիետ»,
• Վ. Պետրոսյան «Հայկական Էսքզներ»,
• Տ. Չուղաջյան «Կարինե»,

2021թ.-ին մասնակցել է Լիտվայում կայացած «Baltic Voice 2021» վոկալիստների մանկական և երիտասարդական միջազգային մրցույթին՝ որպես միջազգային ժյուրի:
2021թ.-ին մասնակցել է Հայաստանում կայացած «Golden voices - 2021» վոկալիստների միջազգային մրցույթին՝ որպես միջազգային ժյուրի:
2021թ.-ին ստեղծել է «Հայ մշակույթի միջազգային ասոցիացիա» ՀԿ-ն և հանդիսանում է կազմակերպության հիմնադիր-նախագահը:
2021թ.-ին «AAD 12-րդ ամենամյա մրցանակաբաշխությանը» ճանաչվել է «Տարվա լավագույն մշակութային գործիչ» և պարգևատրվել՝ «Նվիրյալ Հայորդի» մրցանակով:
2022թ.-ին մասնակցել է Հայաստանում կայացած «Հզոր բանակ - Հզոր մշակույթ» միջազգային մրցույթին՝ որպես միջազգային ժյուրիի նախագահ: