Աստվածաբանության ամբիոնի դասավանդման ծանրաբեռնվածությունն առանձնանում է իր առարկայացանկով: Հիմնականում դասավանդվում են տեսական և պատմական աստվածաբանության ճյուղերին պատկանող առարկաներ, որոնցից են. Աստվածաշնչի ներածությունը, Հին ու Նոր Կտակարանների մեկնությունը, հայրաբանությունը, տոմարագիտությունը, աստվածաբանական մատենագրությունը, վարդապետական աստվածաբանությունը, կանոնագիտությունը, եկեղեցական իրավունքի պատմությունը, Հայ եկեղեցու դավանաբանությունը և այլն: Հատկանշական է, որ համաշխարհային համատեքստում այս առարկաներից շատերը (բացի Էջմիածնի Գևորգյան հոգևոր ճեմարան (աստվածաբանական համալսարան)-ից) դասանադվում են միայն այս ամբիոնի առարկայացանկի շրջանակներում: Ամբիոնում հիմնականում դասախոսում են տարբեր գիտական աստիճան և միջազգային ճանաչում ունեցող մասնագետներ, ովքեր հայագիտության մեջ լուրջ ներդրում ունեն: Ամբիոնի դասախոսական կազմը համալրվել է ֆակուլտետի շրջանավարտներով, ինչն ավելի է նպաստում աստվածաբանության մասնագիտական դասընթացների զարգացմանը: 2021-2022թթ. ուստարվանից ամբիոնի վարիչն է փ.գ.դ. Հակոբ Հովհաննեսի Քյոսեյանը: Դասախոսական անձնակազմի անդամները հաճախ են զեկուցումներով հանդես գալիս հայագիտական միջազգային գիտաժողովներում և հոդվածներով հանդես գալիս միջազգային գիտական ամսագրերում:

Կրոնագիտության ամբիոնում դասավանդվում են կրոնագիտական մի շարք առարկաներ՝ Կրոնագիտության ներածություն, Դիցաբանության տեսություն և պատմություն, Արևելյան ազգային կրոնների, Հուդայականության պատմություն, Բուդդայականության և Իսլամի պատմություն, Քրիստոնեության տարբեր ճյուղավորումների ժամանակակից դենոմինացիաների և ներփակ հոսանքների պատմություն: Դասավանդվում են նաև կրոնագիտական ժամանակակից այնպիսի դիսցիպլիններ, ինչպիսիք են Կրոնի սոցիոլոգիան, Կրոնի հոգեբանությունը, Կրոնի փիլիսոփայությունը, Կրոնի ֆենոմենոլգիան և տեսական ու պատմական կրոնագիտության այլ դիսցիպլիններ: Կրոնագիտության ամբիոնը պատրատում է կրոնագիտության բակալավրեր և մագիստրոսներ:

Հայ եկեղեցու պատ­մության և եկեղեցաբանության ամբիոն, որտեղ ուսու­ցանվում են Հայ եկեղեցու պատ­մություն, ընդհանուր եկեղեցու պատ­մություն, ավանդական կրոնական դենո­մինացիաների պատմություն, Հայ կաթոլիկ և ավետարանական եկեղեցիների պատմություն, ինչ­պես նաև բազմաթիվ ժամանակակից եկեղեցագիտական դիս­ցիպ­լիններ: Ամբիո­նը պատրաս­տում է Հայ եկեղեցու պատ­մության և եկեղեցագիտու­թյան բակալավ­րեր և մագիստրոս­ներ: