Հարց տալ
Ամենաշատ տրվող հարցերը
1
Երկրորդ կուրսի ուսանող եմ։ Ուզում եմ իմանալ՝ ե՞րբ են սկսվում դասերը։
ԵՊՀ-ում դասերն առկա ուսուցման համակարգի ուսանողների համար կսկսվեն փետրվարի 5-ից, իսկ հեռակա ուսուցման համակարգի ուսանողների համար՝ մարտի 12-ից:
2
Եթե չկարողանամ հաղթահարել լուծարքի առաջին փուլը, ապա ե՞րբ կարող եմ վերահանձնել։
Լուծարքները ընթանալու են 2 փուլով. բակալավրիատի և մագիստրատուրայի առկա ուսուցման համակարգով սովորողների համար 1-ին փուլը կանցկացվի փետրվարի 6-15-ը, 2-րդ փուլը՝ փետրվարի 22-ից մարտի 1-ը, հեռակա ուսուցման համակարգի ուսանողներն իրենց պարտքերը հնարավորություն կունենան մարելու մարտի 7-15-ը (1-ին փուլ) և մարտի 22-30-ը (2-րդ փուլ):
3
Ե՞րբ է ավարտվում քննաշրջանը։
Մայր բուհում առկա ուսուցման համակարգի սովորողների համար քննաշրջանը սկսվել է հունվարի 8-ից և կանցկացվի մինչև հունվարի 27-ը:
Liana Gasparyan
23.10.19
Բարև Ձեզ, ե՞րբ են սկսվելու հեռակայի դասերը:
Հանրային կապերի ծառայություն
24.10.19
Հարգելի՛ Լիանա, հեռակայի դասերը մեկնարկելու են նոյեմբերի 1-ից:
Անահիտ Վարդանյան
04.10.19
Բարև ձեզ։
Խնդրում եմ պարզաբանել, թե
1․ ինչպես կարող ենք այլ բուհի մագիստրատուրայից տեղափոխվել Մայր բուհ՝ թեկուզ հեռակա։
2․ավարտելով ԵՊՀ բակալավրիատը, ԳԱԱ մագիստրատուրան, բակալավրիատի ո՞ր կուրս կարող ենք ընդունվել և՛ առկա, և՛ հեռակա ուսուցման տարբերակով։
Շնորհակալություն։
Հանրային կապերի ծառայություն
07.10.19
Հարգելի՛ Անահիտ,

Ուսանողի՝ բուհի ներսում, ինչպես նաև բուհից բուհ տեղափոխությունը, որի ընթացքում կարող է անցում կատարվել մեկ մասնագիտությունից մյուսը կամ փոխվել ուսուցման ձեւը (առկա, հեռակա, հեռավար), իրականացվում է բուհի ռեկտորի հրամանով, ուսանողի անձնական դիմումի համաձայն: Ձեզ ենք ներկայացնում բուհում սովորողների ակադեմիական շարժունության կարգը:
Վարդուհի Հարությունյան
03.10.19
Բարև Ձեզ,
Ես Հայ-ռուսական համալսարանի տարածաշրջանագիտության բաժնի երրորդ կուրսի ուսանող եմ։ Ցանկանում եմ շարունակել ուսումս Ձեր համալսարանում, բայց Հոգեբանության բաժնում։ Հետաքրքրված եմ հեռակա ուսուցման ծրագրով։ Հնարավոր է արդյո՞ք շարունակել նման ուղղվածությամբ, ինչ փաստաթղթեր և քննություններ (տարբերություններ) են անհրաժեշտ հանձնել։

Հ.գ.
Հնարավոր է արդյո՞ք շարունակել ուսումը երրորդ կուրսում։
Շնորհակալություն։
07.10.19
Հարգելի՛ Վարդուհի,

Ուսանողի՝ բուհի ներսում, ինչպես նաև բուհից բուհ տեղափոխությունը, որի ընթացքում կարող է անցում կատարվել մեկ մասնագիտությունից մյուսը կամ փոխվել ուսուցման ձեւը (առկա, հեռակա, հեռավար), իրականացվում է բուհի ռեկտորի հրամանով, ուսանողի անձնական դիմումի համաձայն: Ձեզ ենք ներկայացնում բուհում սովորողների ակադեմիական շարժունության կարգը:
Նարեկ
05.09.19
Բարև Ձեզ։
Կասեք մագիստրատուրա ընդունվելու համար ՄՕԳ-ը նվազագույնը որքա՞ն պետք է լինի
Հասարակայնության հետ կապերի և լրատվության վարչություն
05.09.19
Հարգելի՛ Նարեկ,
Մագիստրատուրա ընդունվելու համար ՄՕԳ-ը չափորոշիչ չէ:
Նունե Անանյան
15.07.19
Բարև ձեզ։
Խնդրում եմ պարզաբանեք..Մենք դիմել ենք ԵՊՀ ֊ի կառավարման անվճար բաժինը առաջի հայտով, իսկ երկրորդ անվճար հայտով նշել ենք ԵՊՀ֊ի ֆինանսների բաժինը, նոր 3֊րդ հայտով կառավարման վճարովի բաժինը։ Հավաքել ենք 56,25 բալ։ Առաջին հայտով անվճարի անցողիկ շեմը 56,75 բալն է, իսկ 2֊րդ հայտով մեր նշած ֆինանսներ բաժնի անվճար անցողիկ շեմը 56,00 բալը։ Չգիտեմ ինչի, մենք անցանք կառավարման վճարովին 3֊րդ հայտով նշված, 56,25 բալով։ Ինչպե՞ս դա կարող էր պատահել, երևի թյուրիմացություն էր ։ Խնդրում եմ ասեք, ում կամ որտեղ կարող ենք դիմել այս թյուրիմացությունը շտկելու համար։
Հ.Գ. Բոլոր դիմորդները, ովքեր անվճար հակարգ ընդունվելու համար հաղթահարել են մրցույթի անցողիկ նվազագույն շեմը և ունեն հավասար միավորներ, կնդունվեն անվճար համակարգ։
Հասարակայնության հետ կապերի և լրատվության վարչություն
17.07.19
Հարգելի՛ Նունե,

Անվճար համակարգում աշխատում է 1-ին հայտի գերակայությունը, և դա թյուրիմացություն չէ, որ դուք ընդունվել եք կառավարման վճարովին 3֊րդ հայտով: