Հարց տալ
Ամենաշատ տրվող հարցերը
1
Երկրորդ կուրսի ուսանող եմ։ Ուզում եմ իմանալ՝ ե՞րբ են սկսվում դասերը։
ԵՊՀ-ում դասերն առկա ուսուցման համակարգի ուսանողների համար կսկսվեն փետրվարի 5-ից, իսկ հեռակա ուսուցման համակարգի ուսանողների համար՝ մարտի 12-ից:
2
Եթե չկարողանամ հաղթահարել լուծարքի առաջին փուլը, ապա ե՞րբ կարող եմ վերահանձնել։
Լուծարքները ընթանալու են 2 փուլով. բակալավրիատի և մագիստրատուրայի առկա ուսուցման համակարգով սովորողների համար 1-ին փուլը կանցկացվի փետրվարի 6-15-ը, 2-րդ փուլը՝ փետրվարի 22-ից մարտի 1-ը, հեռակա ուսուցման համակարգի ուսանողներն իրենց պարտքերը հնարավորություն կունենան մարելու մարտի 7-15-ը (1-ին փուլ) և մարտի 22-30-ը (2-րդ փուլ):
3
Ե՞րբ է ավարտվում քննաշրջանը։
Մայր բուհում առկա ուսուցման համակարգի սովորողների համար քննաշրջանը սկսվել է հունվարի 8-ից և կանցկացվի մինչև հունվարի 27-ը:
Աստղիկ Բաղդասարյան
16.08.22
Բարև Ձեզ։ Իմ որդին ընդունվել է առաջին կուրս վճարովի համակարգ։ Կուզենայի իմանալ, թե ե՞րբ կարող ենք կատարել վճարումը։
Եվ եթե կարելի է տրամադրեք հաշվեհամար, որի սոցփաթեթի գումարը փոխանցվի։
Կանխավ շնորհակալ եմ։
Հարգելի՜ Աստղիկ,

սեպտեմբերի 1-ին մոտեցեք համապատասխան ֆակուլտետի դեկանատ, նրանք Ձեզ կտրամադրեն:
Մանե Սարգսյան
15.08.22
Բարև Ձեզ: Ես դիմորդ եմ, մրցույթից դուրս եմ մնացել, ուզում եմ մասնակցել հեռակա ուսուցման ընդունելությանը: Ընդունվելու դեպքում, կարո՞ղ եմ փոխել առկա։
Նախապես շնորհակալություն։
Հարգելի՜ Մանե,

2022/2023 ուսումնական տարվա հեռակա ուսուցման ձևով մագիստրատուրայի ընդունելության փաստաթղթերն ընդունվում են ընթացիկ տարվա սեպտեմբերի 7-ից մինչև հոկտեմբերի 10-ը՝ ժամը 18:00-ն ներառյալ: Ընդունելության քննություններն անցկացվում են ս.թ. հոկտեմբերի 13-ին և 14-ին:
Այլ մանրամասների համար անհրաժեշտ է զանգահարել ԵՊՀ ընդունելության և դիմորդների հետ տարվող աշխատանքների կենտրոն՝ 060-710-132 հեռախոսահամարով:
Իրինա Ղազարյան
15.08.22
Ինչպե՞ս կարող եմ տեղեկություն ստանալ ֆակուլտետի փոփոխման համակարգի մասին։
Հարգելի՜ Իրինա,

անհրաժեշտ է օգոստոսի 25-ից հետո զանգահարել ԵՊՀ ուսումնամեթոդական վարչության կազմակերպչական բաժին՝ 060-710-033 հեռախոսահամարով:
Միլենա
15.08.22
Բարև Ձեզ։ Դեկանատից ե՞րբ են հայտարարում ռոտացիայի մասին:
Հարգելի՜ Միլենա,

սեպտեմբերի 1-ին մոտեցեք համապատասխան ֆակուլտետի դեկանատ, նրանք Ձեզ կտեղեկացնեն:
Մարիամ
15.08.22
Բարև Ձեզ։ Ցանկանում եմ իմանալ՝ արդյո՞ք հնարավոր է միաժամանակ 2 մագիստրոսական ծրագրերի դիմել (ԵՊՀ տարբեր ֆակուլտետներում), եթե մեկին դիմել են 1-ին փուլում, մյուսին մտադրվում են դիմել 2-րդ փուլի 2րդ ենթափուլին։
Հարգելի՜ Մարիամ,

անհրաժեշտ է օգոստոսի 25-ից հետո զանգահարել ԵՊՀ ուսումնամեթոդական վարչության կազմակերպչական բաժին՝ 060-710-033 հեռախոսահամարով: