Հարգելի՛ Վարդուհի,

Ուսանողական տոմսը կորցնելու դեպքում ուսանողը պարտավոր է անհապաղ տեղեկացնել գրադարանի աբոնեմենտի բաժնին: Կորցրած տոմսը վերականգնելու կամ վնասված տոմսը փոխարինելու համար ուսանողը դիմում է ներկայացնում ԵՊՀ պրոռեկտորին: Նոր տոմսը տրամադրվում է 7 աշխատանքային օրվա ընթացքում վճարովի հիմունքներով (5000 ՀՀ դրամ): Ուսանողը տոմսը ստանալու համար ԵՊՀ գրադարան պետք է ներկայացնի ուսանողական տոմսի վերականգնման համար կատարված վճարման կտրոնը և մեկ լուսանկար (3×4սմ):

Հիշեցնենք, որ Երևանի պետական համալսարանում գործում է ԵՊՀ ուսանողի և ԵՊՀ Սարգիս և Մարի Իզմիրլյանների անվան գրադարանի ընթերցողի միասնական տոմսը (ուսանողական տոմս): Ուսանողական տոմսը համարվում է ԵՊՀ-ում սովորողի (ուսանողի) կարգավիճակը հաստատող փաստաթուղթ, և այն ուսանողին տրամադրվում է անվճար (ուսանողի կարգավիճակ ձեռք բերելուց հետո):

Տոմսն իր մեջ ներառում է նաև ԵՊՀ գրադարանի ընթերցողի տոմսի համարը, որը հնարավորություն է տալիս ուսանողին օգտվելու ԵՊՀ գրադարանից:

Ուսանողական տոմսում նշվում են ուսանողի ազգանունը, անունը, հայրանունը, ընդունվելու տարին, ֆակուլտետը, կրթական աստիճանը (բակալավրիատ, մագիստրատուրա), ուսանողական տոմսի համարը, վավերականության ժամկետը: Ուսանողական տոմսը ուսանողներին հանձնում են ֆակուլտետների դեկանները (ինստիտուտների, կենտրոնների տնօրենները):

Հարգելի՛ Արման,
Բուհից բուհ տեղափոխությունն իրականացվում է համաձայն շարժունության վերաբերյալ համապատասխան կարգի՝ առարկայական տարբերությունների 20 կրեդիտը չգերազանցելու պայմանով, մանդատային հանձնաժողովի դրական կարծիքի եւ ընդունող բուհի ռեկտորի թույլտվությամբ: Ձեզ ենք ներկայացնում ԲՈՒՀ-ում սովորողների ակադեմիական շարժունությանկարգը:

Հարգելի Աննա ,
«ԵՊՀ օլիմպիադա-2018»-ի I փուլի արդյունքներին կարող եք ծանոթանալ այցելելով այս հղմամբ՝ www.ysu.am:

Հարգելի՛ Մարիամ Տերտերյան,
Ոչ, ձեր ուսման վարձը չի զեղչվում, առավել մանրամասն տեղեկատվություն ստանալու համար կարող եք ծանոթանալ ԵՊՀ ուսանողական նպաստների, պետական եւ ներբուհական կրթաթոշակների հատկացման կանոնակարգին:

Հարգելի՛ Արսեն,
Այո՛, կարող եք օգտվել զեղչից, եթե մինչև լուծարքային շրջանի ավարտը հանձնեք Ձեր լուծարքը: