Տեղեկատվական համակարգերի (ՏՀ) բաժնի հիմնական և կարևորագույն ֆունկցիան է նորագույն տեխնոլոգիաների օգտագործումը ԵՊՀ ուսումնական պրոցեսի մշակման ու ղեկավարման, ընդունելության և փաստաթղթաշրջանառության ոլորտում:

ՏՏ կրթական և հետազոտական կենտրոնի ստեղծման պահից բաժնում մշակվել և ներդրվել են «Կրթական պրոցեսի ավտոմատացում» և «Հեռակա ընդունելություն» համակարգերը, որոնք զգալիորեն արագացրել և հեշտացրել են ուսումնական պրոցեսի ղեկավարումը:

Համակարգերը իրենց մեջ ներառում են մի քանի ենթահամակարգեր, որոնք նախատեսված են մշակելու և ղեկավարելու ուսումնական պրոցեսի տարբեր ճյուղերը:

Ուսումնական և աշխատանքային պլաններ

Նախատեսված է ուսումնական և աշխատանքային պլանների, անհատական ծանրաբեռնբածությունների մշակման համար:

Ուսումնառության ընթացք

Նախատեսված է ուսումնառության ընթացքի գրանցման և պահպանման համար: Գրանցվում են բոլոր ստուգարքների և քննությունների (ինչպես միջանկյալ, այնպես էլ եզրափակիչ) արդյունքները, ֆիքսվում և պահպանվում են տվյալների հենքում: Արդյունքների մուտքագրման համար ստեղծվել են հատուկ ֆորմատի ամփոփոգրեր, որոնք մուտքագրվում են ավտոմատ՝ առանց մարդու միջամտության՝ բացառելով կեղծիքներն ու վրիպակները: Հենքում ֆիքսված տվյալները նույնպես ենթակա չեն հետագա որևէ փոփոխության:

Ավարտական փաստաթղթեր

Նախատեսված է ուսանողին տրվող բոլոր փաստաթղթերի ավտոմատ կազմման համար. այն է՝ դիպլոմ, ակադեմիական թերթիկ և այլ ընթացիկ փաստաղթեր: Այս փաստաթղթերը կազմվում են հենքում ֆիքսված տվյալների հիման վրա:

Ուսանողական հարցում

Նախատեսված է ուսանողների կողմից դասախոսների աշխատանքի գնահատման արդյունքների մշակման ավտոմատացման համար: Ուսանողները գնահատում են իրենց դասախոսներին նախապես մշակված հատուկ ֆորմատով թերթիկների վրա, որոնք ավտոմատ մուտքագրվում են տվյալների հենք:

Հեռակա ուսուցման ընդունելություն

Նախատեսված է հեռակա ուսուցման ընդունելության քննությունների անցկացման և արդյունքների ամփոփման ավտոմատացման համար:

ՏՀ բաժինը մշտապես նորացնում և թարմացնում է իր համակարգերը, օգտագործելով նորագույն տեխնոլոգիաները և համակարգերը համապատասխանեցնելով ԵՊՀ կրթական բարեփոխումներին:

Ուսումնական գործընթացի ապահովման բաժինը իրականացնում է «Համակարգչից օգտվելու հմտություններ» առարկայի դասավանդումը ԵՊՀ բակալավրիատի բոլոր ֆակուլտետներում, ինչպես նաև ԵՊՀ որոշ ֆակուլտետների մագիստրատուրայի «ՏՏ մասնագիտության մեջ» առարկայի դասավանդումը: Յուրաքանչյուր մասնագիտության համար մշակվում է դասընթացի պլան-ծրագիրը: Դասերն անցկացվում են ՏՏԿՀ կենտրոնի 5 կոմպյուտերային լսարաններում, որոնք գտնվում են ԵՊՀ տարբեր մասնաշենքերում:

Բաժնում մշակվել են ՀՀ ԲՈՒՀերի ասպիրանտուրայի ընդունելության նախապատրաստական դասընթացի պլան-ծրագիրը, գործնական առաջադրանքների ձեռնարկը և քննության թեստերը, որոնց հիման վրա էլ անցկացվում են նախապատրաստական դաընթացներն ու ընդունելության քննությունը:

Արթուր Արամայիսի Ավագյան, տ.գ.թ., ասիստենտ, լաբորատորիայի ղեկավար

ԵՊՀ «Համակարգային ծրագրավորման լաբորատորիան» հիմնադրվել է 2009թ․ ՌԴ ԳԱ ակադեմիկոս Վիկտոր Պետրովիչ Իվաննիկովի կողմից։

Լաբորատորիայի գիտական ղեկավարն է ֆիզմաթ. գիտ. թեկնածու, դոցենտ՝ Ռուբեն Վարդանի Թոփչյանը։

Լաբորատորիան կատարում է գիտահետազոտական աշխատանքներ հետևյալ ուղղություններով՝

1․ Կոմպիլյատորներում նոր օպտիմալացնող ձևափոխությունների մշակում
2. Կոմպիլյատորների միջոցով ծրագրային ապահովման պաշտպանություն մշակում
3. Ծրագրային կոդի որակի ապահովման ավտոմատ համակարգեր մշակում