16.11.2022 | 
Կրթություն, Գիտություն
ԵՊՀ ՈՒՍԱՆՈՂՆԵՐՆ ԻՐԵՆՑ ՓՈՐՁԱՌՈՒԹՅՈՒՆԸ ՆԵՐԿԱՅԱՑՐԵԼ ԵՆ ԱՇԱԿԵՐՏՆԵՐԻՆ. ԳՅՈՒՄՐԻՈՒՄ ԱՆՑԿԱՑՎԵՑ «ԻՐԱԶԵԿ ԴՊՐՈՑԱԿԱՆ» ԾՐԱԳԻՐԸ
ԵՊՀ ՈՒՍԱՆՈՂՆԵՐՆ ԻՐԵՆՑ ՓՈՐՁԱՌՈՒԹՅՈՒՆԸ ՆԵՐԿԱՅԱՑՐԵԼ ԵՆ ԱՇԱԿԵՐՏՆԵՐԻՆ.  ԳՅՈՒՄՐԻՈՒՄ ԱՆՑԿԱՑՎԵՑ «ԻՐԱԶԵԿ ԴՊՐՈՑԱԿԱՆ» ԾՐԱԳԻՐԸ
ԵՊՀ միջազգային հարաբերությունների ֆակուլտետի ուսանողական խորհուրդը «Իրազեկ դպրոցական» ծրագրի շրջանակում Գյումրու «Ֆոտոն» վարժարանի աշակերտներին ներկայացրել է ԵՊՀ ընդունելության կարգը, ֆակուլտետները, համալսարանի ընձեռած հնարավորությունները:

ԵՊՀ միջազգային հարաբերությունների ֆակուլտետի ուսանողական խորհուրդը «Իրազեկ դպրոցական» ծրագրի շրջանակում պարբերաբար կազմակերպում է հանդիպումներ ՀՀ հանրակրթական հաստատությունների ավարտական դասարանների աշակերտների հետ՝ նպատակ ունենալով նրանց նախապատրաստելու բուհ ընդունվելուն:

 

 

Կարևորելով քաղաքական դաշտին վերաբերող հարցերի ու թեմաների վերաբերյալ աշակերտների իրազեկվածությունը՝ ԵՊՀ միջազգային հարաբերությունների ֆակուլտետի ՈՒԽ գիտակրթական հանձնաժողովի պատասխանատու Մարտին Խուրշուդյանը հանդես է եկել «Պետական կառավարման կարգ» թեմայով բանախոսությամբ:

 

Մեզ հետ զրույցում Մարտին Խուրշուդյանը նշեց՝ ծրագրի շնորհիվ վարժարանի աշակերտները առավել մեծ հետաքրքրություն ցուցաբերեցին քաղաքական գործընթացների նկատմամբ:

 

«Ապագա միջազգայնագետներին շատ է հետաքրքրում քաղաքականությունը և դրա վերաբերյալ անցկացվող քննարկումները: Վստահաբար կարող եմ ասել, որ այս հանդիպումը մեծապես կնպաստի աշակերտների մասնագիտական կողմնորոշմանը»,- ասաց Մ. Խուրշուդյանը:

 

Ծրագրի համակարգող Ջեմմա Ասլանյանի համոզմամբ՝ այսօրինակ այցերը, բացի մասնագիտական կողմնորոշմանն ուղղված լինելուց, նպաստում են նրանց՝ իրավագիտակից քաղաքացի լինելուն:

 

Ֆակուլտետի ՈՒԽ քարտուղար Էլեն Գիշյանի խոսքով՝ «Իրազեկ դպրոցական» ծրագիրը, ծանոթացնելով ԵՊՀ գործունեությանը և ընձեռած լայն հնարավորություններին, նպաստում է մարզաբնակ դպրոցականների մասնագիտական կողմնորոշմանը:

 

Հանդիպման ավարտին տեղի է ունեցել խաղ-մրցույթ, հաղթող աշակերտը պարգևատրվել է խորհրդանշական նվերով:

 

Նշենք, որ ծրագրին մասնակցել են ավելի քան 50 աշակերտներ:

Այլ նորություններ
ՀՀ-ՈՒՄ ՂԱԶԱԽՍՏԱՆԻ ԴԵՍՊԱՆԸ ԳՐՔԵՐ ՆՎԻՐԵՑ ԵՊՀ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԻ ԳՐԱԴԱՐԱՆԻՆ
ԵՊՀ արևելագիտության ֆակուլտետի թյուրքագիտության ամբիոնին առընթեր գործող Աբայի անվան ղազախերենի, Ղազախստանի պատմության ու մշակույթի կենտրոնը կրկին հյուրընկալել էր ՀՀ-ում Ղազախստանի արտակարգ և լիազոր դեսպան Բոլատ Իմանբաևին: Դեսպանը կենտրոնի գրադարանին է նվիրել Ղազախստանի նախագահ Կասիմ-Ժոմարտ Տոկաևի հեղինակած գրքերը:
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԴԵՐԸ ԱՇԽԱՐՀՈՒՄ․ ԿՐԹՈՒԹՅՈՒՆԻՑ ԱՇԽԱՏԱՇՈՒԿԱ
21-րդ դարը նորարարական բացահայտումների ժամանակաշրջան է, որում մեծ դերակատարում ունեն տեղեկատվական տեխնոլոգիաները (ՏՏ)։ Դրանք ներթափանցել են մարդկային գործունեության գրեթե բոլոր ոլորտներ՝ առաջարկելով առօրյայի և աշխատանքային գործընթացների դյուրին ու արդյունավետ կազմակերպման ուղիներ։