17.04.2019 | 
Կրթություն
ՖՐԱՆՍԻԱԿԱՆ ԵՐԳԻ ՀՈԲԵԼՅԱՆԱԿԱՆ 10-ՐԴ ՓԱՌԱՏՈՆԸ ԵՊՀ-ՈՒՄ
ՖՐԱՆՍԻԱԿԱՆ ԵՐԳԻ ՀՈԲԵԼՅԱՆԱԿԱՆ 10-ՐԴ ՓԱՌԱՏՈՆԸ ԵՊՀ-ՈՒՄ
Երևանի պետական համալսարանում այսօր անցկացվեց Ֆրանսիական երգի հոբելյանական 10-րդ փառատոնը, որի ժամանակ ելույթ ունեցան ԵՊՀ մշակույթի կենտրոնի սաները։

Հայաստանում Ֆրանկոֆոնիայի օրերի շրջանակում կազմակերպվող միջոցառումներին իր ակտիվ մասնակցությունն ունի նաև Երևանի պետական համալսարանը: Արդեն 10-րդ տարին է՝ ԵՊՀ մշակույթի կենտրոնը Եվրոպական լեզուների և հաղորդակցության ֆակուլտետի ֆրանսիական բանասիրության ամբիոնի հետ կազմակերպում է Ֆրանսիական երգի փառատոն՝ իր ներդրումն ունենալով ֆրանսերենի դասավանդման և ֆրանսիական մշակույթի տարածման գործում:

Ֆրանսիական երգի փառատոնին ներկա էին ԵՊՀ ուսումնական աշխատանքների գծով պրոռեկտոր Մենուա Սողոմոնյանը, Եվրոպական լեզուների և հաղորդակցության ֆակուլտետի դեկան Գևորգ Բարսեղյանը, Ֆրանսիական բանասիրության ամբիոնի վարիչ Զավեն Հարությունյանը,Անգլիական բանասիրության ամբիոնի վարիչ Սեդա Գասպարյանը, ԵՊՀ մշակույթի կենտրոնի տնօրեն Կարինե Դավթյանը, ԵՊՀ պրոֆեսորադասախոսական կազմի ներկայացուցիչներ, տարբեր ֆակուլտետներից ուսանողներ ։



Միջոցառման բացմանը հաղորդավարները հայերեն և ֆրանսերեն ողջունեցին ներկաներին և նշեցին, որ հայ-ֆրանսիական քաղաքական և մշակութային հարաբերությունների հիմքում ընկած է դարավոր բարեկամություն, որը տարիների ընթացքում տարբեր ուղղություններով զարգացել և ամրապնդվել է։

Ողջունի խոսքով հանդես եկավ պրոռեկտոր Մենուա Սողոմոնյանը: Նա, ողջունելով ներկաներին, շնորհակալություն հայտնեց Մշակույթի կենտրոնին այս միջոցառումը հերթական՝ 10-րդ անգամ կազմակերպելու համար։

«Ֆրանսիական երգի հոբելյանական 10-րդ փառատոնը կարևորվում է ինչպես ՀՀ-ի, այնպես էլ Երևանի Պետական համալսարանի կողմից»,- ասաց նա և բարձր գնահատեց մեր երկրի անդամակցությունը Ֆրանկոֆոն ընտանիքին։

ԵՊՀ ուսումնական աշխատանքների գծով պրոռեկտորը հիշատակեց նաև վերջերս հրդեհի ճիրաններում հայտնված Փարիզի Աստվածամոր տաճարը ՝ նշելով, որ այն մեծ վիշտ է պատճառել մշակութասեր հասարակությանը։



Ֆրանսիական երգի հոբելյանական 10-րդ փառատոնն ուղեկցվեց ֆրանսիական հայտնի երգերի կատարումներով:

Այլ նորություններ
ՔՆՆԱՐԿԵԼ ՓԱԽՍՏԱԿԱՆՆԵՐԻ ԻՐԱՎՈՒՆՔՆԵՐԸ ԵՎ ԽԹԱՆԵԼ ԴՐԱՆՑ ՊԱՇՏՊԱՆՈՒԹՅԱՆ ՈԼՈՐՏՈՒՄ ԻՐԱՎԱԿԱՆ ԿՐԹՈՒԹՅԱՆ ԶԱՐԳԱՑՈՒՄԸ. ԵՌՕՐՅԱ ԴՊՐՈՑ՝ ԴԻԼԻՋԱՆՈՒՄ
ԵՊՀ իրավագիտության ֆակուլտետի, ՄԱԿ-ի փախստականների գծով գերագույն հանձնակատարի հայաստանյան գրասենյակի և «Առաքելություն Հայաստան» ՀԿ-ի համատեղ նախաձեռնությամբ հոկտեմբերի 11-13-ը Դիլիջան քաղաքում կազմակերպվել է արդեն ավանդական դարձած «Փախստականների իրավունք» խորագրով 9-րդ դպրոցը:
«ՆՊԱՏԱԿԸ ՏԵՍԱԿԱՆ ԳԻՏԵԼԻՔՆԵՐԸ ԳՈՐԾՆԱԿԱՆ ՀՄՏՈՒԹՅՈՒՆՆԵՐԻ ՎԵՐԱԾԵԼՆ Է»․ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏԻ ՈՒՍԱՆՈՂՆԵՐԻ ԱՅՑԸ ԵՐԵՎԱՆԻ «ԱՐԱՐԱՏ» ԿՈՆՅԱԿԻ-ԳԻՆՈՒ-ՕՂՈՒ ԿՈՄԲԻՆԱՏ
Արդեն չորրորդ տարին է, ինչ ԵՊՀ տնտեսագիտության և կառավարման ֆակուլտետի կառավարման և գործարարության ամբիոնը նախաձեռնում է արտալսարանային դասեր, որոնք, տեսական գիտելիքներից բացի, նաև գործնական հմտություններ ձեռքբերելու հնարավորություն են տալիս: Տնտեսագիտության և կառավարման ֆակուլտետի 4-րդ կուրսի ուսանողներն այսօր նմանօրինակ դաս են ունեցել Երևանի «Արարատ» կոնյակի-գինու-օղու կոմբինատում: