23.09.2020 | 
Հասարակություն
ՔՆՆԱՐԿՎԵԼ ԵՆ «ARMDOCT» ՆԱԽԱԳԾԻ ՇՐՋԱՆԱԿՈՒՄ ԻՐԱԿԱՆԱՑՎՈՂ ԱՇԽԱՏԱՆՔՆԵՐԸ
ՔՆՆԱՐԿՎԵԼ ԵՆ «ARMDOCT» ՆԱԽԱԳԾԻ ՇՐՋԱՆԱԿՈՒՄ ԻՐԱԿԱՆԱՑՎՈՂ ԱՇԽԱՏԱՆՔՆԵՐԸ
ԵՊՀ աշխատանքային խումբն այսօր քննարկել է «Erasmus +» ծրագրի շրջանակում մեկնարկած «Armdoct» եռամյա նախագծի աշխատանքները:

Ինչպես արդեն տեղեկացրել ենք, «Armdoct» նախագիծը նպատակ ունի բարեփոխելու ՀՀ ասպիրանտական կրթական ծրագրերը՝ դրանք համապատասխանեցնելով Զալցբուրգյան սկզբունքներին, ինչը ենթադրում է ռազմավարության, իրավական դաշտի, ինստիտուցիոնալ ընթացակարգերի փոփոխություններ:

 

Ասյօր տեղի ունեցած քննարկմանը ԵՊՀ գիտական քաղաքականության վարչության պետ Երանուհի Մանուկյանն աշխատանքային խմբին ներկայացրեց «Armdoct» նախագծի շրջանակում նախատեսվող արդյունքները և դրանք իրագործելու քայլերը:

 

Նրա խոսքով, այս փուլում ստացվել է աշխատանքային ենթախմբերի 5 ուղղություն. «Առաջարկվել է հաստատել այդ ենթախմբերի աշխատանքներում ներգրավելու թեկնածությունը: ԿԳՄՍՆ-ից մեզ՝ որպես ամենամեծ բուհի, որին հատկացվում են ասպիրանտական ամենաշատ տեղերը, առաջարկել են աշխատել բոլոր ուղղություններով»:

 

 

Երանուհի Մանուկյանի տեղեկացմամբ, ներկայացված աշխատանքային ենթախմբերի ուղղություններն են դոկտորական կրթության վերաբերյալ պետական քաղաքականությունը, դոկտորական ծրագրի ընդունելությունը, դոկտորական ծրագրի կազմակերպումը, դոկտորական ծրագրի աստիճանաշնորհումը, գիտություն-տնտեսություն կապի ապահովումը:

 

Գիտական քաղաքականության վարչության պետի ներկայացմամբ, ԵՊՀ աշխատանքային խումբը պետք է այս ուղղություններով ներկայացնի չափանիշները, խնդիրները, առաջարկությունները, ռիսկերը և ռիսկերի նվազեցման ուղիները:

 

«Մեզ առաջարկվել է այդ ձևաչափով ուսումնասիրել և ներկայացնել նաև միջազգային փորձը»,- ասաց Երանուհի Մանուկյանը: Մեզ հետ զրույցում նա փաստեց, որ ԵՊՀ աշխատանքային խումբն առաջիկայում պարբերաբար կազմակերպելու է հանդիպումներ և քննարկումներ:

 

Քնար Միսակյան

Այլ նորություններ
ԵՊՀ ԲՈՒՍԱԲԱՆՈՒԹՅԱՆ ԵՎ ՍՆԿԱԲԱՆՈՒԹՅԱՆ ԱՄԲԻՈՆԻ ԵՎ «ՓՈՔՐԻԿ ԻՇԽԱՆ» ԿՐԹԱՀԱՄԱԼԻՐԻ ՀԱՄԱԳՈՐԾԱԿՑՈՒԹՅՈՒՆԸ ՏԱԼԻՍ Է ԻՐ ԱՐԴՅՈՒՆՔՆԵՐԸ. ԱՇԱԿԵՐՏՆԵՐՆ ԱՐԺԱՆԱՑԵԼ ԵՆ ՀԱՏՈՒԿ ՄՐՑԱՆԱԿՆԵՐԻ
ԵՊՀ կենսաբանության ֆակուլտետի բուսաբանության և սնկաբանության ամբիոնի դասախոսների և «Փոքրիկ Իշխան» կրթահամալիրի ավագ դպրոցի սաների համատեղ նախաձեռնությամբ իրականացված գիտական հետազոտական աշխատանքների արդյունքները ներկայացվել են ՀՀ ԿԳՄՍ նախարարության կողմից կազմակերպված «Համադպրոցական գիտության փառատոնին», որտեղ սաներն արժանացել են հատուկ մրցանակի։
 «COVID-19: ՌԱԶՄԱՎԱՐՈՒԹՅՈՒՆՆԵՐ, ՄՈԴԵԼՆԵՐ, ՍԻՄՈՒԼՅԱՑԻԱՆԵՐ». ՄՐՑՈՒՅԹԻ ՀԱՅՏԱՐԱՐՈՒԹՅՈՒՆ
ԵՊՀ տնտեսագիտության և կառավարման ֆակուլտետի «Հետազոտությունների և գործարարության կենտրոն» հիմնադրամը ԿորոնաԹեստ ընկերության հովանավորությամբ հայտարարում է մրցույթ՝ նպատակ ունենալով փնտրել ուղիներ՝ համավարակը ճնշելու հետ մեկտեղ պահպանելու տնտեսական ակտիվությունը: