03.05.2021 | 
Հասարակություն
ԵՊՀ ԿՈԼԵԿՏԻՎ ՆՈՐ ՊԱՅՄԱՆԱԳԻՐԸ ՔՆՆԱՐԿՄԱՆ ՓՈՒԼՈՒՄ Է
ԵՊՀ ԿՈԼԵԿՏԻՎ ՆՈՐ ՊԱՅՄԱՆԱԳԻՐԸ ՔՆՆԱՐԿՄԱՆ ՓՈՒԼՈՒՄ Է
2021 թ. մայիսի 21-ին լրանում է ԵՊՀ գործող կոլեկտիվ պայմանագրի ժամկետը, ուստի շուրջ երկու ամիս առաջ ԵՊՀ ռեկտորի ժամանակավոր պաշտոնակատարի ու ԵՊՀ արհեստակցական կազմակերպության նախագահի համատեղ որոշմամբ ստեղծվել է հատուկ հանձնաժողով:

Հանձնաժողովում ներառվել են գործատուի և Արհկոմի 3-ական ներկայացուցիչներ: Մասնավորապես գործատուի կողմից հանձնաժողովի անդամներ են առաջադրվել ԵՊՀ բնական և ճշգրիտ մասնագիտությունների գծով պրոռեկտոր Ռաֆայել Բարխուդարյանը, Ընդհանուր հարցերի գծով պրոռեկտոր Արման Մալխասյանն ու Անձնակազմի կառավարման և իրավական ապահովման վարչության պետ Արմեն Թադևոսյանը, իսկ Արհկոմը ներկայացնում են Արհեստակցական կազմակերպության նախագահի օգնական Էդգար Չախոյանը, Ռադիոֆիզիկայի ֆակուլտետի արհբյուրոյի նախագահ Տիգրան Աբրահամյանն ու Իրավագիտության ֆակուլտետի արհբյուրոյի նախագահ Աշոտ Պետրոսյանը:

 

«Կոլեկտիվ պայմանագրի նախագիծը քննարկվել է հանձնաժողովի կողմից, հավանության արժանացել և օրենքով սահմանված կարգով ուղարկվել ԵՊՀ-ում գործող բոլոր կառուցվածքային ստորաբաժանումներ, որոնք էլ մինչև մայիսի 11-ը պետք է քննարկումներ անցկացնեն և գրավոր ներկայացնեն բոլոր դիտողություններն ու առաջարկությունները: Եթե մինչև վերը նշված ժամկետն առաջարկություններ կամ դիտողություններ չլինեն, ապա կողմերը կկնքեն կոլեկտիվ պայմանագիրը, ու այն 3 տարի ժամկետով ուժի մեջ կմտնի հրապարակելուց անմիջապես հետո»,- պարզաբանում է ԵՊՀ արհեստակցական կազմակերպության նախագահ Արմեն Ավետիսյանը:

Այլ նորություններ
«ՔԱՂԱՔԱԿԱՆՈՒԹՅՈՒՆԸ ԵՎ ՔԱՂԱՔԱԿԱՆՈՒԹՅԱՆ ՀԵՏԵՎԱՆՔՆԵՐՆ ԻՐԱԿԱՆՈՒՄ ՇԱՏ ԽՈՐՔԱՅԻՆ ԳՈՐԾԸՆԹԱՑՆԵՐ ԵՆ, ՈՐՈՆՔ ԱՄԲՈՂՋՈՎԻՆ ՏԵՍԱՆԵԼԻ ՉԵՆ». ՍՈՖՅԱ ՀՈՎՍԵՓՅԱՆԸ ՀԱՆԴԵՍ Է ԵԿԵԼ ԲԱՆԱԽՈՍՈՒԹՅԱՄԲ
Միջազգային հարաբերությունների ֆակուլտետի ՈԻԳԸ-ի նախաձեռնությամբ այսօր ԵՊՀ Պալեանների անվան դահլիճում «Քաղաքական հոգեբանություն» խորագրով բանախոսությամբ է հանդես եկել քաղաքական գործիչ, 7-րդ գումարման ԱԺ պատգամավոր Սոֆյա Հովսեփյանը:
ՀԱՅ-ՌՈՒՍԱԿԱՆ ՌԱԶՄԱՔԱՂԱՔԱԿԱՆ ԶԱՐԳԱՑՈՒՄՆԵՐԸ ՎԵՐԼՈՒԾԱԲԱՆ ՆԻԿՈԼԱՅ ՍԻԼԱԵՎԻ ԴԻՏԱՐԿՄԱՄԲ
ԵՊՀ միջազգային հարաբերությունների ֆակուլտետում այսօր հյուրընկալվել էր ՌԴ ԱԳՆ համակարգում գործող միջազգային հետազոտությունների ինստիտուտի առաջատար գիտաշխատող, ինստիտուտի քաղաքական հետազոտությունների վերլուծական լաբորատորիայի տնօրեն Նիկոլայ Սիլաևը: