06.12.2021 | 
Կրթություն
ԱՍՏՎԱԾԱԲԱՆՈՒԹՅԱՆ ՖԱԿՈՒԼՏԵՏԸ ՀՅՈՒՐԸՆԿԱԼԵԼ ԷՐ ԹԻՎ 148 ԱՎԱԳ ԴՊՐՈՑԻ ՍԱՆԵՐԻՆ
ԱՍՏՎԱԾԱԲԱՆՈՒԹՅԱՆ ՖԱԿՈՒԼՏԵՏԸ ՀՅՈՒՐԸՆԿԱԼԵԼ ԷՐ ԹԻՎ 148 ԱՎԱԳ ԴՊՐՈՑԻ ՍԱՆԵՐԻՆ
ԵՊՀ աստվածաբանության ֆակուլտետն այսօր հյուրընկալել էր թիվ 148 ավագ դպրոցի սաներին:

Մասնագիտական կողմնորոշման նպատակով Աստվածաբանության ֆակուլտետ այցելած աշակերտները հնարավորություն ունեցան մասնակցելու «Քրիստոնեական դաստիարակության հիմնական հասկացությունները և Հայոց եկեղեցու խորհուրդները» թեմայով հանդիպում-զրույցի, որը վարում էր Աստվածաբանության ամբիոնի դասախոս Դիանա Ծաղիկյանը:

 

 

Աշակերտների այցելությունը կազմակերպել էր Մինչհամալսարանական կրթության վարչությունը:

 

Հանդիպում-քննարկման ժամանակ Դ. Ծաղիկյանն աշակերտներին ներկայացրեց ֆակուլտետում գործող դասընթացների դասավանդման ուղղությունները՝ գործնական աստվածաբանություն, տեսական աստվածաբանություն և պատմական աստվածաբանություն:

 

Բանախոսն ամենայն մանրամասնությամբ պատմեց դասընթացների բովանադակության մասին՝ խոսելով Հին կտակարանի և Նոր կտակարանի ներածության, մեկնաբանության տարբերությունների և նմանաբնույթ այլ թեմաների մասին:

 

Տիկին Ծաղիկյանը խոսեց աստվածաբանության պատմական ուսումնասիրության խնդիրների մասին, որոնք մինչ օրս շարունակում են արդիական մնալ. «Մենք ուսումնասիրում ենք եկեղեցիների, կրոնների, ինչպես նաև Հայ եկեղեցու պատմությունները, վերլուծում դրանց անցյալն ու պատմականորեն ձևավորված հարաբերությունները»:

 

Նա անդրադարձավ ժամանակակից աշխարհի գլոբալացման պայմաններում եկեղեցու առջև ծառացած մարտահրավերներին և պատասխանեց աշակերտների հարցերին:

Այլ նորություններ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ԿՈՐԵԱՅԻ ՀԱՆՐԱՊԵՏՈՒԹՅԱՆ ՄԻՋԵՎ ԴԻՎԱՆԱԳԻՏԱԿԱՆ ՀԱՐԱԲԵՐՈՒԹՅՈՒՆՆԵՐԻ ՀԱՍՏԱՏՄԱՆ 30-ԱՄՅԱԿԻՆ ՆՎԻՐՎԱԾ ՄԻՋՈՑԱՌՈՒՄ
ԵՊՀ կորեերենի լսարանի նախաձեռնությամբ Ծաղկաձորում գտնվող ԵՊՀ ուսումնական բազայում տեղի ունեցավ միջոցառում՝ նվիրված Հայաստանի Հանրապետության և Կորեայի Հանրապետության միջև դիվանագիտական հարաբերությունների հաստատման 30-ամյակին: Մշակութային միջոցառման նպատակն էր նպաստել հայ-կորեական բարեկամական հարաբերությունների խորացմանը և կրթամշակութային ծրագրերի համատեղ իրականացմանը։
ԵԼՀ ՖԱԿՈՒԼՏԵՏԻ ԳԵՐՄԱՆԱԿԱՆ ԲԱՆԱՍԻՐՈՒԹՅԱՆ ԱՄԲԻՈՆԸ ՀԱՄԱԼՐՎԵԼ Է ՄԱՍՆԱԳԻՏԱԿԱՆ ԴԱՍԱԳՐՔԵՐՈՎ
Եվրոպական լեզուների և հաղորդակցության ֆակուլտետի դեկան Գևորգ Բարսեղյանը Գերմանական տնտեսական միավորման անդամ Իսմայիլ Շեկին հանձնեց շնորհակալագիր՝ երախտագիտություն հայտնելով ֆակուլտետի գերմանական բանասիրության ամբիոնին նվիրաբերած դասագրքերի համար: Կազմակերպված հանդիպման ընթացքում բիզնես ոլորտի ներկայացուցիչները կիսվեցին իրենց հաջողության պատմություններով՝ ներկայացնելով կրթության և հատկապես գերմաներենի իմացության դերը բիզնեսում հաջողություն գրանցելու հարցում: