Դեկտեմբերի 12-ին ԵՊՀ կենտրոնական մասնաշենքի բակում տեղի ունեցավ միջոցառում-ակցիա` նվիրված ՄԻԱՎ/ՁԻԱՀ-ի դեմ պայքարին: Դրամաշնորհ շահած ակցիան կազմակերպել և իրականացնում էին ԵՊՀ սոցոլոգիայի ֆակուլտետի ուսանողները` ֆակուլտետի ՈւԽ-ի աջակցությամբ:
«Մենք սպասում էինք, որ շատերը մոտենալու են երաժշտություն լսելու և հյուրասիրությունից օգտվելու համար միայն, դա անակնկալ չէր: Բայց ամեն դեմքում նրանցից յուրաքանչյուրը մեկ անգամ ևս լսեց ՄԻԱՎ/ՁԻԱՀ-ի մասին: Խնդիրը ջրի հատակում է, մենք փորձում այն ջրի երես հանել»,- ասաց ակցիայի կազմակերպիչ-համակարգող, սոցոլոգիայի ֆակուլտետի ուսանող Վարուժան Սահակյանը:
Ակցիայի ընթացքում սոցոլոգիայի ֆակուլտետի ուսանողները հարցումներ են իրականացրել 1000 ուսանողների շրջանում: Հարցաթերթիկի միջոցով փորձ է արվել պարզել, թե որքանով է երիտասարդությունը տեղեկացված:
«Իմ իրականացրած հարցման մասնակից 36 ուսանողներից 8-ը ընդհանրապես չգիտեին, թե ինչ է ՄԻԱՎ-ը: Այնուամենայնիվ վստահորեն կարելի է ասել, որ ակցիան դրական արդյունք կտա. հարցման բոլոր անտեղյակ մասնակիցներն էլ տեղում բացում և կարդում էին նախապես բաժանված բուկլետները»,- ասաց հարցումներն իրականացնող ուսանողներից Տաթև Կարապետյանը:
Վարուժան Սահակյանը տեղեկացրեց, որ այս միջոցառումը մեծ ակցիայի մի մասն էր միայն: Շարունակվելու են տեղեկատվական ակցիաները, կպատրաստվի սոցիալական գովազդ, առաջիկայում կհրապարակվեն նաև հարցումների արդյունքները:
ԵՊՀ իրավագիտության և պատմության ֆակուլտետների ուսանողական գիտական ընկերությունների համատեղ նախաձեռնությամբ դեկտեմբերի 4-ին տեղի է ունեցել պանելային քննարկում՝ «Արցախի միջազգային ճանաչումը. պատմաիրավական ակնարկ» խորագրով:
Աշխարհում նոր տիպի կորոնավիրուսի տարածման և ՀՀ կառավարության կողմից արտակարգ դրություն հայտարարելու մասին որոշում կայացնելու առաջին իսկ օրերից ԵՊՀ ՈՒԳԸ-ն շարունակում է իրականացնել իր աշխատանքները: Մեզ հետ զրույցում ՈՒԳԸ նախագահ Մերի Փանոսյանը պատմել է, թե ինչ մեթոդներ և միջոցներ են կիրառել՝ այս ընթացքում արդյունավետ միջոցառումներ կազմակերպելու համար:
