25.05.2017 | 
Գիտություն
ԵՊՀ ԹԻՄԸ ԳՈՀԱՑՈՒՑԻՉ ԱՐԴՅՈՒՆՔՆԵՐ Է ԳՐԱՆՑԵԼ ՄԻՋԱԶԳԱՅԻՆ ՕԼԻՄՊԻԱԴԱՅՈՒՄ
ԵՊՀ ԹԻՄԸ ԳՈՀԱՑՈՒՑԻՉ ԱՐԴՅՈՒՆՔՆԵՐ Է ԳՐԱՆՑԵԼ ՄԻՋԱԶԳԱՅԻՆ ՕԼԻՄՊԻԱԴԱՅՈՒՄ
Մայիսի 20-25-ը ԱՄՆ-ում անցկացվող «ACM-ICPC» ծրագրավորման միջազգային օլիմպիադայի եզրափակիչ փուլում ԵՊՀ թիմը աշխարհի 133 համալսարանների թիմերի միջև պայքարում զբաղեցրել է 78-րդ հորիզոնականը՝ լուծելով առաջադրված խնդիրներից 4-ը:

Աշխարհում հայտնի այս մրցույթի կազմակերպիչը ԱՄՆ-ն է: Մրցույթը նախ տեղի է ունեցել դեկտեմբերին տարածաշրջանային մակարդակով, որի ժամանակ ԵՊՀ թիմի ներկայացուցիչներ Ինֆորմատիկայի և կիրառական մաթեմատիկայի ֆակուլտետի ուսանողներ Ալբերտ Սահակյանը, Հրայր Հարությունյանը և Տիգրան Մամիկոնյանը, փայլուն կատարելով իրենց առջև դրված առաջադրանքները, նվաճել էին եզրափակիչ փուլի ուղեգիր: 


Եվ ահա մայիսի 24-ին տեղի ունեցած «ACM-ICPC» ծրագրավորման միջազգային հեղինակավոր օլիմպիադայի եզրափակիչ փուլում ԵՊՀ թիմը կարողացել է լուծել 4 խնդիր, ինչպես աշխարհի հեղինակավոր համալսարանների թիմեր: Առաջադրանքները կատարելու համար մասնակիցներին հատկացվել է 5 ժամ:


Հեղինակավոր օլիմպիադայում հաղթել է Սանկտ-Պետերբուրգի տեղեկատվական տեխնոլոգիաների, մեխանիկայի և օպտիկայի ազգայինհետազոտական համալսարանի թիմը, որը կարողացել է ամենակարճ ժամանակահատվածում լուծել տասը խնդիր: Տեղեկացնենք, որ ԵՊՀ թիմի հետ նույնչափ խնդիրներ են լուծել նաև Օքսֆորդի, Փրինսթոնի համալսարանների թիմերը:


Հավելենք նաև, որ եզրափակիչ փուլի շրջանակում մրցող բոլոր թիմերը մասնակցել են տարբեր սիմպոզիումների, «New Regional Contest Director's» վորքշոփին, ինչպես նաև «IBM TechTrek»-ին, որի ընթացքում նրանց են ներկայացվել «IBM» ընկերության նոր ու հետաքրքիր նախագծերը:


Օլիմպիադայի մասին մանրամասն տեղեկություններ ստանալու համար կարող եք այցելել հետևյալ վեբ-կայքերը՝ http://icpcnews.com/ և https://icpc.baylor.edu/:

Այլ նորություններ
ԵՊՀ-ՈՒՄ ՉԻՆԱԳԻՏՈՒԹՅԱՆ ԿԵՆՏՐՈՆ ԿԲԱՑՎԻ
Այսօր ԵՊՀ ռեկտորը հյուրընկալել էր Չինաստանի հասարակական գիտությունների ակադեմիայի պատվիրակությանը, որը գլխավորում էր ակադեմիայի Ռուսաստանի, Արևելյան Եվրոպայի և Կենտրոնական Ասիայի տնօրեն Սուն Չժուանչժին:
ՀԵՂԱՓՈԽՈՒԹՅԱՆ ԱԿԱԴԵՄԻԱԿԱՆ ՍԱՀՄԱՆՄԱՆ ՓՈՐՁ. ՄԵԿՆԱՐԿԵՑ  «ՀԱՅԱՍՏԱՆ 2018. ԻՐՈՂՈՒԹՅՈՒՆՆԵՐ ԵՎ ՀԵՌԱՆԿԱՐՆԵՐ» ՄԻՋԱԶԳԱՅԻՆ ԳԻՏԱԺՈՂՈՎԸ
Այսօր Հայաստանի ամերիկյան համալսարանում մեկնարկեց «Հայաստան 2018. իրողություններ և հեռանկարներ» թեմայով միջազգային գիտաժողովը, որի հիմնական նպատակն է Հայաստանում տեղի ունեցած քաղաքական իրադարձություները մասնագիտական վերլուծությունների շնորհիվ ակադեմիական դաշտ բերել, ինչպես նաև փորձել գիտական լեզվով բացատրել այն հանրային իրողությունները, որոնք ունենք հիմա: