17.04.2019 | 
Գիտություն
ԵՐՈՒՍԱՂԵՄԻՑ ՄՈՍԿՎԱ՝ ՀՈԼՈՔՈՍՏԻ ՊԱՏՄՈՒԹՅԱՆ ՀԵՏՔԵՐՈՎ
ԵՐՈՒՍԱՂԵՄԻՑ ՄՈՍԿՎԱ՝ ՀՈԼՈՔՈՍՏԻ ՊԱՏՄՈՒԹՅԱՆ ՀԵՏՔԵՐՈՎ
Հրեական ողջակիզման՝ Հոլոքոստի հուշահամալիրի՝ Յադ Վաշեմի հրավերով մարտի 23-ից ապրիլի 1-ն Իսրայելի Երուսաղեմ քաղաքում էր ԵՊՀ հայագիտական հետազոտությունների ինստիտուտի ցեղասպանագիտության բաժնի ղեկավար Սուրեն Մանուկյանը:

Նա մասնակցեց Յադ Վաշեմում գործող Հոլոքոստի ուսումնասիրման միջազգային ինստիտուտի դասընթացներին: Բազմաթիվ դասախոսությունների, գործնական աշխատանքների միջոցով ունկնդիրները ծանոթացան եվրոպական հրեության ոչնչացման փորձի՝ տարբեր կողմերին, այն դասավանդելու մեթոդներին, այց կազմակերպվեց նաև Յադ Վաշեմի արխիվներ, որտեղ հավաքագրվում և պահվում են թեմայի վերաբերյալ հարյուր հազարավոր վկայություններ ու փաստաթղթեր: Հատուկ արժանահիշատակ է Յադ Վաշեմ թանգարան այցելությունը, որին հատկացված նույնիսկ 6 ժամը բավարար չեղավ՝ ծանոթանալու 20-րդ դարի մեծագույն հանցագործություններից մեկի պատմությանը:



Ծրագրում ընդգրկված էր նաև Ս. Մանուկյանի զեկուցումը, որը վերաբերում էր «Հայաստանում ցեղասպանագիտական հետազոտությունների և կրթության զարգացման վիճակին և հեռանկարներ»-ին, մասնավորապես ԵՊՀ հայագիտական հետազոտությունների ինստիտուտի ցեղասպանագիտական բաժնի գործունեությանը:

Ս. Մանուկյանի մասնակցությունը ծրագրին հնարավոր դարձավ ռուսաստանյան «Հոլոքոստ» կենտրոնի և ԵՊՀ-ի աջակցության շնորհիվ:

Ապրիլի 2-ին Սուրեն Մանուկյանը Մոսկվայում՝ Ռուսական պետական հումանիտար համալսարանում, հանդես եկավ «Հասարակ մարդը և աննկարագրելի հանցագործությունը» թեմայով հանրային դասախոսությամբ, որի ժամանակ ներկայացրեց տարբեր ցեղասպանությունների ժամանակ գործող շարքային հանցագործների ներգրավման պատճառները և տրամաբանությունը:

Քննարկվեցին նաև հետագա համագործակցության հնարավորությունները Ռուսական պետական հումանիտար համալսարանում գործող Հոլոքոստի և ցեղասպանությունների ուսումնասիրության կենտրոնի հետ:

Այլ նորություններ
ԵՊՀ ԴՈՑԵՆՏ ՀԱԿՈԲ ՀԱՐՈՒԹՅՈՒՆՅԱՆԻ ՀԵՐԹԱԿԱՆ ՀՈԴՎԱԾԸ «ՆՅՈՒԹԵՐ ՀԻՆ ԵՎ ՄԻՋՆԱԴԱՐՅԱՆ ՄԵՐՁՍԵՎԾՈՎՅԱՆ ՀՆԱԳԻՏՈՒԹՅԱՆ ԵՎ ՊԱՏՄՈՒԹՅԱՆ ՎԵՐԱԲԵՐՅԱԼ» ԳԻՏԱԿԱՆ ՀԱՆԴԵՍՈՒՄ
Երևանի պետական համալսարանի համաշխարհային պատմության ամբիոնի դոցենտ, պ.գ.դ. Հակոբ Հարությունյանն իր հերթական հոդվածն է հրատարակել «Նյութեր հին և միջնադարյան մերձսևծովյան հնագիտության և պատմության վերաբերյալ» հայտնի գիտական հանդեսի հերթական համարում:
«ԿԱՆԽԱՐԳԵԼԻՉ ՄԻՋՈՑԱՌՈՒՄՆԵՐԻ ԵՎ ԲՆԱՊԱՀՊԱՆԱԿԱՆ ԽՆԴԻՐՆԵՐԻ ԼՈՒԾՄԱՆ ՀԱՄԱՐ ԽՆԱՅԵԼ ՉԻ ԿԱՐԵԼԻ». ԱՐՄԵՆ ԹՌՉՈՒՆՅԱՆ
Ամբողջ աշխարհն այսօր պայքարում է նոր կորոնավիրուսի (COVID19) դեմ՝ իրականացնելով տարաբնույթ միջոցառումներ: Առողջապահության համաշխարհային կազմակերպության կողմից հայտարարված աշխարհավարակի պատճառ դարձած կորոնավիրուսով այսօր աշխարհում վարակված է ավելի քան 1 մլն մարդ: Հայաստանում նոր կորոնավիրուսային հիվանդության հաստատված ավելի քան 730 դեպք է գրանցվել: Երկրում հաստատված է արտակարգ դրություն: Ստեղծված իրավիճակի, իրականացվող միջոցառումների արդյունավետության և սպասվող քայլերի մասին զրուցել ենք ԵՊՀ կենսաքիմիայի, մանրէաբանության և կենսատեխնոլոգիայի ամբիոնի վարիչ, ՀՀ ԳԱԱ թղթակից անդամ, կենսաբ. գիտ. դոկտոր, պրոֆեսոր Արմեն Թռչունյանի հետ: