17.05.2019 | 
Ուսանողական
ԵՊՀ-ՈՒՄ ԱՆՑԿԱՑՎԵՑ 20-ՐԴ ՀԱՆՐԱՊԵՏԱԿԱՆ ՈՒՍԱՆՈՂԱԿԱՆ ՄԱՐԶԱԿԱՆ ԽԱՂԵՐԻ ԵԶՐԱՓԱԿԻՉԸ
ԵՊՀ-ՈՒՄ ԱՆՑԿԱՑՎԵՑ 20-ՐԴ ՀԱՆՐԱՊԵՏԱԿԱՆ ՈՒՍԱՆՈՂԱԿԱՆ ՄԱՐԶԱԿԱՆ ԽԱՂԵՐԻ ԵԶՐԱՓԱԿԻՉԸ
ԵՊՀ ֆիզիկական դաստիարակության և սպորտի ամբիոնի դահլիճում այսօր կայացավ ՀՀ կրթության և գիտության նախարարության կողմից անցկացվող 20-րդ հանրապետական ուսանողական մարզական խաղերի եզրափակիչը։

Հանրապետական ուսանողական մարզական խաղերի նպատակն է ուսանողության շրջանում արմատավորել առողջ կենսակերպ, նրանց ներգրավել մարզական-մասսայական միջոցառումներին, ինչպես նաև նպաստել ֆիզիկական կարողությունների կատարելագործմանը և առողջության ամրապնդմանը:

Այս տարի ֆուտբոլի առաջնությանը մասնակցում էին ՀՀ տարբեր ուսումնական հաստատություններից 18 թիմեր։ Առաջին տեղի համար ուժերը չափեցին Հայաստանի պետական տնտեսագիտական համալսարանի և Վանաձորի պետական համալսարանի թիմերը։

Արդյունքում՝ 4:2 հաշվով հաղթող ճանաչվեց Վանաձորի պետական համալսարանի թիմը։

Մեզ հետ զրույցում Հայաստանի ուսանողական մարզական ֆեդերացիայի գլխավոր քարտուղար Հովհաննես Գաբրիելյանը շնորհակալություն հայտնեց ԵՊՀ-ի ղեկավարությանը՝ դահլիճը տրամադրելու և խաղերի կազմակերպելու հարցում աջակցության համար, ինչպես նաև շնորհավորեց ԵՊՀ-ին հիմնադրման 100-ամյակի առթիվ։

Այլ նորություններ
ԵՊՀ ՈՒԳԸ-Ն ԱՐՏԱԿԱՐԳ ԴՐՈՒԹՅԱՆ ՊԱՅՄԱՆՆԵՐՈՒՄ ՇԱՐՈՒՆԱԿՈՒՄ Է ԻՐ ԱՇԽԱՏԱՆՔՆԵՐԸ
Աշխարհում նոր տիպի կորոնավիրուսի տարածման և ՀՀ կառավարության կողմից արտակարգ դրություն հայտարարելու մասին որոշում կայացնելու առաջին իսկ օրերից ԵՊՀ ՈՒԳԸ-ն շարունակում է իրականացնել իր աշխատանքները: Մեզ հետ զրույցում ՈՒԳԸ նախագահ Մերի Փանոսյանը պատմել է, թե ինչ մեթոդներ և միջոցներ են կիրառել՝ այս ընթացքում արդյունավետ միջոցառումներ կազմակերպելու համար:
ՔԻՄԻԱՅԻ ՖԱԿՈՒԼՏԵՏԻ ՈՒՍԱՆՈՂՆԵՐԸ ՍԵՓԱԿԱՆ ՄԻՋՈՑՆԵՐՈՎ ՊԱՏՐԱՍՏԵԼ ԵՆ ԱԽՏԱՀԱՆՈՂ ՄԻՋՈՑՆԵՐ ԵՎ ԲԱԺԱՆԵԼ ՇՈՒԿԱՅԻ ԱՇԽԱՏԱԿԻՑՆԵՐԻՆ
ԵՊՀ քիմիայի ֆակուլտետի ուսանողները, իրենց նախաձեռնությամբ և ֆակուլտետի մասնագետների աջակցությամբ, ստեղծել են ախտահանիչներ և իրականացրել ակցիա՝ դրանք անվճար բաժանելով շուկայի աշխատակիցներին: