03.10.2019 | 
Գիտություն
«ԵԹԵ ՔԱՂԱՔԱԳԻՏՈՒԹՅԱՆ ՄԵՋ ԿԱ «ԹԻԹԵՌՆԻԿԻ ԷՖԵԿՏ»-Ի ՏԵՍՈՒԹՅՈՒՆԸ, ԱՊԱ ՄԵՐՁԱՎՈՐ ԱՐԵՎԵԼՔՈՒՄ ՏԵՂԻ ՈՒՆԵՑՈՂ ՑԱՆԿԱՑԱԾ ՏԵՂԱՇԱՐԺ ԱԶԴԵԼՈՒ Է ՆԱԵՎ ՄԵՐ ԵՐԿՐԻ ՎՐԱ». ԱԲՐԱՀԱՄ ԳԱՍՊԱՐՅԱՆ
«ԵԹԵ ՔԱՂԱՔԱԳԻՏՈՒԹՅԱՆ ՄԵՋ ԿԱ «ԹԻԹԵՌՆԻԿԻ ԷՖԵԿՏ»-Ի ՏԵՍՈՒԹՅՈՒՆԸ, ԱՊԱ ՄԵՐՁԱՎՈՐ ԱՐԵՎԵԼՔՈՒՄ ՏԵՂԻ ՈՒՆԵՑՈՂ ՑԱՆԿԱՑԱԾ ՏԵՂԱՇԱՐԺ ԱԶԴԵԼՈՒ Է ՆԱԵՎ ՄԵՐ ԵՐԿՐԻ ՎՐԱ». ԱԲՐԱՀԱՄ ԳԱՍՊԱՐՅԱՆ
ԵՊՀ Չարենցի անվան դահլիճում այսօր տեղի է ունեցել ՈՒԳԸ -ի կողմից կազմակերպված պանելային 4 նեղ քննարկումներից առաջինը։

Քննարկման 1-ին պանելի թեման նվիրված էր մերձավորարևելյան արդի հիմնախնդիրներին՝ սոցիալական, կրոնական և էթնո֊քաղաքական  դիսկուրսում։

Ներկաների համար դասախոսությամբ հանդես եկավ ԵՊՀ միջազգային հարաբերությունների ֆակուլտետի դոցենտ Աբրահամ Գասպարյանը:

Վերջինս ապագա քաղաքագետներին, արևելագետներին և միջազգայնագետներին ներկայացրեց Մերձավոր Արևելքում ստեղծված իրավիճակը, առաջացած կոնֆլիկտների նախապատմությունը և տարածաշրջանում գերտերությունների շահերը:



«Իմ ուսանողներին ցանկանում եմ տարածաշրջանի մասին այնպիսի գիտելիքներ փոխանցել, որոնք  չեն գտնի գրքերում, մամուլում կամ  փորձագիտական կարծիքներում,- շեշտեց Աբրահամ Գասպարյանը,- մենք այսօր կփորձենք ներսից հայացք գցել Մերձավոր Արևելքում տեղի ունեցած և ունեցող իրադարձությունների վրա»:

Նրա խոսքով, Մերձավոր Արևելքը բարդ տարածաշրջան է, որտեղ ավելի շատ հարցեր կան, քան պատասխաններ, որտեղ գործընթացներն արագ ու  դինամիկ են ընթանում, և չպետք է մոռանալ այն կարևոր փաստի մասին, որ Հայաստանը Մերձավոր Արևելքի  հյուսիսային դարպասն է:

«Եթե քաղաքագիտության մեջ կա «Թիթեռնիկի էֆեկտ»-ի տեսությունը, ապա Մերձավոր Արևելքում տեղի ունեցող ցանկացած տեղաշարժ ազդելու է նաև մեր երկրի վրա»,- նշեց ԵՊՀ դոցենտը:



Մերձավոր Արևելքում տեղի ունեցող պատերազմական գործողությունները, ըստ բանախոսի, ընդամենը բիզնես են. զենքի համաշխարհային արտադրություն, որի մեջ ներգրավված են բազմաթիվ խմբավորումներ:

«Սառը պատերազմի ավարտից հետ ամբողջ աշխարհում տեղի ունեցավ 3 էական  փոփոխություն՝ գաղափարախոսական, քաղաքական և տնտեսական, այս երեք շերտերի վերլուծությունը մեզ հնարավորության կտա գտնելու այն հարցի պատասխանը, թե, օրինակ, ինչու է ռուսական զորքը հապաղում ազատագրել սիրիական Իդլիբ նահանգը»,- պարզաբանեց Աբրահամ Գասպարյանը:

Բանախոսն անդրադարձավ նաև Խորհրդային միության փլուզման գործընթացին, որի շունչը շատ արագ զգաց Արևմուտքը ու պահը բաց չթողնելով՝ սկսեց առանձին-առանձին  աշխատանք տանել բռնակցված երկրների հետ, որոնց այլևս ոչինչ չէր միավորում:

Դասախոսության ընթացքում Աբրահամ Գասպարյանը խոսեց  քաղաքական այն իրավիճակից, որը ստեղծվել էր Խորհրդային միության փլուզումից հետո, թուրքական աշխատուժի՝ դեպի Եվրոպա արտահանելու պատճառների, ինչպես նաև Մերձավոր Արևելքում Իրանի և Իսրայելի դերի մասին:

Վերջում ուսանողների և բանախոսի միջև ակտիվ քննարկում ծավալվեց:

Անի Պողոսյան

Այլ նորություններ
«ՑԱՎՈՔ, ԱՅԺՄ ՀԱՄԱԼՍԱՐԱՆՆԵՐԸ ԵՎՍ ՇԱՐԺՎՈՒՄ ԵՆ ԴՊՐՈՑԻ ՕՐԻՆԱԿՈՎ, ԱՅՍԻՆՔՆ` ՄԵՆՔ ՄԱՐԴՈՒՆ ՍՈՎՈՐԵՑՆՈՒՄ ԵՆՔ ՈՉ ԹԵ ՄՏԱԾԵԼ, ԱՅԼ ԳՈՐԾԻՔ ԿԻՐԱՌԵԼ, ԲԱՅՑ ԳՈՐԾԻՔ ՍՏԵՂԾԵԼ ՉԵՆՔ ՍՈՎՈՐԵՑՆՈՒՄ». ԴԱՎԻԹ ՀԱՅՐԱՊԵՏՅԱՆ
ԵՊՀ փիլիսոփայության և հոգեբանության ֆակուլտետի ընդհանուր հոգեբանության ամբիոնի դոցենտ Դավիթ Հայրապետյանի հետ խոսել ենք ստեղծարարության (կրետիվության) զարգացման մեթոդների, հիմնախնդիրների և դպրոցի անհրաժեշտության մասին:
ԲՈՆՆԻ ՀԱՄԱԼՍԱՐԱՆԻ ՊՐՈՖԵՍՈՐ ՍԵԲԱՍՏԻԱՆ ՀԱՅՆԵՆ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏՈՒՄ ՀԱՆԴԵՍ Է ԵԿԵԼ ԴԱՍԱԽՈՍՈՒԹՅԱՄԲ
ԵՊՀ արևելագիտության ֆակուլտետի իրանագիտության ամբիոնում այսօր Բոննի համալսարանի պրոֆեսոր Սեբաստիան Հայնեն հանդես է եկել «Ընդհանուր ակնարկ աֆղաներենով դյուցազներգական գրականության մասին» խորագրով դասախոսությամբ: