24.07.2019 | 
Հասարակություն
ԵՊՀ ՀՀԻ ՑԵՂԱՍՊԱՆԱԳԻՏՈՒԹՅԱՆ ԲԱԺՆԻ ՎԱՐԻՉ ՍՈՒՐԵՆ ՄԱՆՈՒԿՅԱՆԸ ՆԵՐԿԱՅԱՑՐԵԼ Է ՀԱՅԱՍՏԱՆԸ ՅՈՒՆԵՍԿՕ-Ի «ԴԻՏԱՐԿԵԼՈՎ ՀԱԿԱՍԵՄԱԿԱՆՈՒԹՅՈՒՆԸ ԿՐԹՈՒԹՅԱՆ ՄԵՋ ԵՎ ԿՐԹՈՒԹՅԱՆ ՄԻՋՈՑՈՎ» ՀԱՄԱԺՈՂՈՎԻՆ
ԵՊՀ ՀՀԻ ՑԵՂԱՍՊԱՆԱԳԻՏՈՒԹՅԱՆ ԲԱԺՆԻ ՎԱՐԻՉ ՍՈՒՐԵՆ ՄԱՆՈՒԿՅԱՆԸ ՆԵՐԿԱՅԱՑՐԵԼ Է ՀԱՅԱՍՏԱՆԸ ՅՈՒՆԵՍԿՕ-Ի «ԴԻՏԱՐԿԵԼՈՎ ՀԱԿԱՍԵՄԱԿԱՆՈՒԹՅՈՒՆԸ ԿՐԹՈՒԹՅԱՆ ՄԵՋ ԵՎ ԿՐԹՈՒԹՅԱՆ ՄԻՋՈՑՈՎ» ՀԱՄԱԺՈՂՈՎԻՆ
ԵՊՀ հայագիտական հետազոտությունների ինստիտուտի ցեղասպանագիտության բաժնի վարիչ Սուրեն Մանուկյանը հուլիսի 10-11-ը Փարիզում կայացած ՅՈՒՆԵՍԿՕ-ի «Դիտարկելով հակասեմականությունը կրթության մեջ և կրթության միջոցով» համաժողովին ներկայացրել է Հայաստանի Հանրապետությունը:

«Դիտարկելով հակասեմականությունը կրթության մեջ և կրթության միջոցով» («Addressing antisemitism in and through education») համաժողովին մասնակցում էին աշխարհի 27 երկրների ներկայացուցիչներ: Համաժողովի նպատակն էր կենտրոնացնել ուշադրությունը հակասեմականություն երևույթի վրա և կրթության միջոցով դրա դեմ պայքարելու քաղաքականություն մշակել:

 


Երկօրյա համաժողովի ընթացքում մասնակիցները ծանոթացան հակասեմականության ժամանակակից դրսևորումներին, ինչպես նաև ձեռք բերեցին գիտելիքներ գործնական այն հմտությունների վերաբերյալ, որոնք կարող են օգտակար լինել կրթության միջոցով բռնությունը, ծայրահեղականությունը և հակասեմականությունը կանխելու և դրա դեմ պայքարելու գործում:

 


Ինչպես նշեց Սուրեն Մանուկյանը, ելույթ ունեցողները շեշտում էին, որ կան մի քանի գործողություններ, որոնց կիրառումը կրթական ոլորտում էականորեն նվազեցնում է ինչպես հակասեմականության, այնպես էլ լայն իմաստով խտրականության, ատելության և անհանդուրժողականության առաջացման հավանականությունը: Ցանկացած դեպքում պետք է օգտագործել մոտեցումներ, որոնք հիմնված են լինելու մարդու իրավունքների գերակայության, փոխադարձ հարգանքի և ներառականության շեշտման վրա:



Նա նշեց նաև, որ անհրաժեշտ է ուսանողների մոտ զարգացնել քննական մտածողությունը, կարծրատիպերի, դավադրության տեսությունների և նախապաշարմունքների նկատմամբ կայունությունը, ինքնավերլուծության, բարդ հարցերը քննելու և դրանց արձագանքելու հմտությունները: Հակասեմականության դեմ պայքարի համար կարևոր տեղ է խաղում նաև Հոլոքոստի ժխտման անթույլատրելիությունը:

 



Համաժողովի մասնակիցներն այցելել են նաև Շոայի (հրեից ցեղասպանության) հուշարձան-թանգարան:

 

Մարի Ռաֆյան

Այլ նորություններ
ԵՊՀ ՄԻԱԿ ԿԻՆ ԱԿԱԴԵՄԻԿՈՍԸ 90 ՏԱՐԵԿԱՆ Է
Այսօր լրանում է Հայաստանի գիտության վաստակավոր գործիչ, ՀՀ ԳԱԱ ակադեմիկոս, կենս. գիտ. դոկտոր, պրոֆեսոր, ԵՊՀ կենսաբանության ֆակուլտետի բուսաբանության ամբիոնի պատվավոր վարիչ Լիա Օսիպյանի ծննդյան 90-ամյակը:
«ԵՍ ԻՆՁ ԵՐՋԱՆԻԿ ԵՄ ՀԱՄԱՐՈՒՄ ՆՄԱՆ ԽԵԼԱՑԻ, ՍԹԱՓ ՄՏԱԾՈՂ ՈՒ ՏՐԱՄԱԲԱՆՈՂ, ԾԱՅՐԱՀԵՂ ՀՈԳԱԾՈՒ ԿԻՆ ՈՒՆԵՆԱԼՈՒ ՀԱՄԱՐ». ՀԱՄԱԼՍԱՐԱՆԱԿԱՆ ՊԱՏՄՈՒԹՅՈՒՆՆԵՐ. ԱԼԲԵՐՏ ՄԱԿԱՐՅԱՆ, ՀԱՅԿԱՆՈՒՇ ՇԱՐՈՒՐՅԱՆ
ԵՊՀ հայ բանասիրության ֆակուլտետի ակադեմիկոս Հրանտ Թամրազյանի անվան հայ գրականության պատմության ամբիոնի պրոֆեսոր Ալբերտ Մակարյանի ու կնոջ՝ Եվրոպական լեզուների և հաղորդակցության ֆակուլտետի անգլերենի N 2 ամբիոնի դոցենտ Հայկանուշ Շարուրյանի հանդիպման ճակատագրական վայրը եղել է ԵՊՀ-ն: