24.08.2017 | 
Կրթություն
ՄԱԳԻՍՏՐԱՏՈՒՐԱՅԻ ԸՆԴՈՒՆԵԼՈՒԹՅՈՒՆԸ ՇԱՐՈՒՆԱԿՎՈՒՄ Է
ՄԱԳԻՍՏՐԱՏՈՒՐԱՅԻ ԸՆԴՈՒՆԵԼՈՒԹՅՈՒՆԸ ՇԱՐՈՒՆԱԿՎՈՒՄ Է
ԵՊՀ-ում ներկայումս ընթանում է մագիստրատուրայի առկա ուսուցման համակարգի ընդունելության 3-րդ փուլը (հուլիսի 10-ից օգոստոսի 25-ը), իսկ քննությունները կանցկացվեն օգոստոսի 29-31-ը:

Առաջին երկու փուլերի արդյունքով ԵՊՀ մագիստրատուրա է ընդունվել 1.003 դիմորդ: Նախորդ տարվա համեմատ՝ մագիստրատուրա դիմած ուսանողների թիվը նվազել է 150-ով:

 

Առկա ուսուցման համակարգի ընդունելության քննություններն իրականացվում են 45 մասնագիտությունների գծով: Այս տարի արտոնագրվել է 123 նոր կրթական ծրագիր:

 

Տեղեկացնենք, որ մագիստրատուրայի վճարովի համակարգ ընդունված դիմորդների հրամանագրումը կատարվում է ուսման վարձը 15-օրյա ժամկետում (2-րդ փուլում մինչև հուլիսի 24-ը, 3-րդ փուլում մինչև սեպտեմբերի 15-ը) վճարելուց հետո:

 

Առկա ուսուցման համակարգի ընդունելությանը զուգահեռ՝ իրականացվում է նաև հեռակա ուսուցման ընդունելությունը, որը մեկնարկել է մայիսի 22-ին և կշարունակվի մինչև հոկտեմբերի 17-ը:

 

Հեռակա ուսուցման համակարգի ընդունելության քննություններն իրականացվում են 16 մասնագիտությունների գծով:

 

Նշենք նաև, որ մագիստրատուրայի հեռակա ուսուցման համակարգի ընդունելության քննությունները կանցկացվեն հոկտեմբերի 13-17-ը, իսկ դիմորդների հրամանագրումը կկատարվի ուսման վարձը մինչև նոյեմբերի 1-ը վճարելուց հետո:

 

Այլ նորություններ
ԱՊԱԳԱ ԹԱՐԳՄԱՆԻՉՆԵՐԸ ՅՈՒՐԱՑՆՈՒՄ ԵՆ ՄԱՍՆԱԳԻՏԱԿԱՆ ՆՈՐ ՀՄՏՈՒԹՅՈՒՆՆԵՐ
ԵՊՀ ռոմանագերմանական բանասիրության ֆակուլտետի ուսանողների համար վարպետության դաս անցկացրեց Վրաստանի համաժամանակյա (синхрон) թարգմանիչների (գիտաժողովային) միության հիմնադիր Գոգա Ասկուրավան:
ԵՊՀ-ՈՒՄ ՔՆՆԱՐԿՎՈՒՄ ԷՐ «ԲԱՐՁՐԱԳՈՒՅՆ ԿՐԹՈՒԹՅԱՆ ՄԱՍԻՆ» ՀՀ ՕՐԵՆՔԻ ՆԱԽԱԳԻԾԸ
Այսօր ԵՊՀ Պալեանների անվան դահլիճում ՀՀ ԿԳ նախարար Լևոն Մկրտչյանը հանդիպեց հայաստանյան բուհերի ուսանողական կառույցների և ուսանողական կազմակերպությունների ներկայացուցիչների հետ: