29.10.2021 | 
Հասարակություն
ՀՈՒՆԱՍՏԱՆՈՒՄ ՀՀ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆ ՏԻԳՐԱՆ ՄԿՐՏՉՅԱՆՆ ԱՅՑԵԼԵԼ Է ԵՊՀ՝ ՀԱՆԴԻՊԵԼՈՒ ՀԱՐԱԶԱՏ ՖԱԿՈՒԼՏԵՏԻ ՈՒՍԱՆՈՂՆԵՐԻՆ
ՀՈՒՆԱՍՏԱՆՈՒՄ ՀՀ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆ ՏԻԳՐԱՆ ՄԿՐՏՉՅԱՆՆ ԱՅՑԵԼԵԼ Է ԵՊՀ՝ ՀԱՆԴԻՊԵԼՈՒ ՀԱՐԱԶԱՏ ՖԱԿՈՒԼՏԵՏԻ ՈՒՍԱՆՈՂՆԵՐԻՆ
ԵՊՀ պատմության ֆակուլտետի նախաձեռնությամբ Հունաստանում ՀՀ արտակարգ և լիազոր դեսպան Տիգրան Մկրտչյանն այսօր հանդիպել է ուսանողների հետ:

Պատմության ֆակուլտետի դահլիճում կազմակերպված հանդիպման նպատակն էր ուսանողներին ծանոթացնել Պատմության ֆակուլտետի շրջանավարտ, իսկ այժմ Հունաստանում Հայաստանի ներկայացուցիչ Տիգրան Մկրտչյանի հետ:

 

Միջոցառմանը ներկա էր նաև Պատմության ֆակուլտետի հարակից երկրների պատմության ամբիոնի վարիչ ժամանակավոր պաշտոնակատար Էդուարդ Զոհրաբյանը:

 


«Այսօր մեր հյուրն է Պատմության ֆակուլտետի դասախոս, լավագույն շրջանավարտ Տիգրան Մկրտչյանը: Ուրախ ենք, որ ժամանակ եք գտել այցելելու հարազատ բուհ և ֆակուլտետ: Հպարտ ենք, որ Ձեր դիվանագիտական, քաղաքական և գիտական գործունեության հիմքում համալսարանական կրթությունն է»,- ասաց Էդիկ Մինասյանը և հավելեց, որ ապագայում ևս նախատեսվում են կազմակերպել նմանօրինակ հանդիպումներ դեսպանի հետ՝ ավելի մեծ լսարանների համար:

 


Տիգրան Մկրտչյանը նշեց, որ մեծ ուրախությամբ է այցելում հարազատ ֆակուլտետ, և որոշ մանրամասներ պատմեց ուսանողական տարիներից, ինչպես նաև աշխատանքային փորձառությունից:


«Մինչև Հունաստանում դեսպան նշանակվելը 2016-2021թթ. Հայաստանը ներկայացրել եմ Բալթյան երկրներում՝ Լիտվայում, Լատվիայում և Էստոնիայում, որտեղ, որպես դեսպան, բավականին լայն ասպեկտով գործունեություն եմ ծավալել հատկապես մշակութային, գիտակրթական ոլորտներում, ինչպես նաև լուրջ շեշտադրումներ են եղել Արցախի և Հայոց ցեղասպանության ճանաչման ուղղությամբ իրականացվող ծրագրերի վրա: Ուրախությամբ պետք է նշեմ, որ դիվանագիտական իմ առաքելության ավարտին հաջողություն ունեցանք՝ Լատվիան դարձավ 30-րդ երկիրը, որը ճանաչեց Հայոց ցեղասպանությունը: Տվյալ ուղղությամբ ահռելի աշխատանք էինք կատարել»,- նշեց Հունաստանում ՀՀ արտակարգ և լիազոր դեսպանը և անդրադարձավ ՀՀ արտաքին քաղաքական մարտահրավերներին:

 


Ներածական կարճ խոսքից հետո դեսպանը պատասխանեց ուսանողներին հետաքրքրող հարցերին:

Այլ նորություններ
ԳԻՏԱԿԱՆ ԹԵՄԱ. ԵՊՀ ԿԵՆՍԱԲԱՆՆԵՐՆ ՈՒՍՈՒՄՆԱՍԻՐԵԼՈՒ ԵՆ ՀԱԿԱՈՒՌՈՒՑՔԱՅԻՆ ԴԵՂԱՄԻՋՈՑՆԵՐԻ ՇԱՐՔԻՆ ՊԱՏԿԱՆՈՂ ՄԻԱՑՈՒԹՅՈՒՆՆԵՐ, ՈՐՈՆՔ ԱՐԳԵԼԱԿՈՒՄ ԵՆ ՈՒՌՈՒՑՔԻ ԱՃԸ
ԵՊՀ կենսաբանության ԳՀ ինստիտուտի կառուցվածքային կենսաֆիզիկայի միջֆակուլտետային գիտահետազոտական լաբորատորիայի անդամները ներկայացրել են «Հակաքաղցկեղային ալկիլացնող դեղերի համակցված ներգործությունը ԴՆԹ-ի կառուցվածքը և փաթեթավորումը կարգավորող ֆերմենտների ակտիվության վրա» գիտական թեման:
ԳԻՏԱԿԱՆ ԹԵՄԱ․ ՀԱՅԱՍՏԱՆԻ ՀԱՄԱՐ ԱՌԱՋԻՆ ԱՆԳԱՄ ՈՒՍՈՒՄՆԱՍԻՐՎԵԼՈՒ Է ՊԵՍՏԻՑԻԴՆԵՐԻ ՎՆԱՍԱԿԱՐ ԱԶԴԵՑՈՒԹՅՈՒՆԸ ՎԱՐԵԼԱՀՈՂԵՐԻ ՍՆՆԴԱՅԻՆ ՇՂԹԱՅԻ ՎՐԱ
ՀՀ ԿԳՄՍՆ գիտության կոմիտեն ֆինանսավորման է երաշխավորել «Պեստիցիդների կուտակումը և դրանց ազդեցությունը լեռնատափաստանային էկոհամակարգերի կենսաբազմազանության վրա» գիտական թեման: Այն ներկայացրել է ԵՊՀ կենսաբանության ֆակուլտետի բուսաբանության և սնկաբանության ամբիոնը: