13.12.2019 | 
Հասարակություն
ԱՆԱՀԻՏ ՄԱՆԱՍՅԱՆԸ ԿԻԵՎԻ ՏԱՐԱՍ ՇԵՎՉԵՆԿՈՅԻ ԱՆՎԱՆ ԱԶԳԱՅԻՆ ՀԱՄԱԼՍԱՐԱՆՈՒՄ ՀԱՆԴԵՍ Է ԵԿԵԼ ԴԱՍԱԽՈՍՈՒԹՅԱՄԲ
ԱՆԱՀԻՏ ՄԱՆԱՍՅԱՆԸ ԿԻԵՎԻ ՏԱՐԱՍ ՇԵՎՉԵՆԿՈՅԻ ԱՆՎԱՆ ԱԶԳԱՅԻՆ ՀԱՄԱԼՍԱՐԱՆՈՒՄ ՀԱՆԴԵՍ Է ԵԿԵԼ ԴԱՍԱԽՈՍՈՒԹՅԱՄԲ
ԵՊՀ սահմանադրական իրավունքի ամբիոնի դոցենտ, Արդարադատության ակադեմիայի պրոռեկտոր Անահիտ Մանասյանը՝ որպես հրավիրյալ դասախոս, դեկտեմբերի 11-ին Կիևի Տարաս Շևչենկոյի անվան ազգային համալսարանում հանդես է եկել դասախոսությամբ:

«Սահմանադրական կայունությունը ժամանակակից աշխարհում» թեմայով դասախոսությունը կազմակերպվել էր Գերմանիայի միջազգային համագործակցության ընկերության (GIZ), Կիևի Տարաս Շևչենկոյի անվան ազգային համալսարանի իրավագիտության ֆակուլտետի և Գերմանական իրավունքի կենտրոնի կողմից:

 

Դասախոսությանը ներկա են եղել Կիևի Տարաս Շևչենկոյի անվան ազգային համալսարանի պրոֆեսորադասախոսական կազմի ներկայացուցիչներ և ուսանողներ:  

 

Հանդիպման ընթացքում ծավալվել է հետաքրքիր քննարկում սահմանադրական կայունության, սահմանադրական զարգացումների, սահմանադրական կայունության և քաղաքականության, ժամանակի ու սահմանադրական կայունության միջև կապի, սահմանադրական զարգացումների սահմանադրականության, սահմանադրական զարգացումների եղանակների արդյունավետ համադրման և իրացման, ինչպես նաև այլ հարցադրումների վերաբերյալ:

 

Անահիտ Մանասյանը հանդիպել է նաև Կիևի Տարաս Շևչենկոյի անվան ազգային համալսարանի իրավագիտության ֆակուլտետի պրոֆեսորադասախոսական կազմի և Գերմանական իրավունքի կենտրոնի ներկայացուցիչների հետ, որի ընթացքում քննարկվել են ԵՊՀ-ի և Կիևի համալսարանի իրավագիտության ֆակուլտետների միջև համագործակցությունն առավել արդյունավետ դարձնելու քայլեր:

Այլ նորություններ
«ՆԱԽԱՐԱՐՈՒԹՅՈՒՆԸ ՍԴ ՈՐՈՇՈՒՄԸ ԿԸՆԴՈՒՆԻ Ի ԳԻՏՈՒԹՅՈՒՆ՝ ՎԵՐԱՁԵՎԱԿԵՐՊԵԼՈՎ ՀԱԿԱՍԱՀՄԱՆԱԴՐԱԿԱՆ ԴՐՈՒՅԹՆԵՐԸ». ԿԳՄՍ ՆԱԽԱՐԱՐ
ԵՊՀ-ում այսօր տեղի ունեցած հանդիպումից հետո ԿԳՄՍ նախարար Վահրամ Դումանյանը պատասխանեց լրագրողների հարցերին։
«ԱՆԵԼՈՒ ԵՄ ԱՄԵՆ ԻՆՉ, ՈՐՊԵՍԶԻ ԲՈՒՀԻ ՄԹՆՈԼՈՐՏԸ ՓՈԽՎԻ». ԵՊՀ ՌԵԿՏՈՐԻ ՆՈՐ ԺԱՄԱՆԱԿԱՎՈՐ ՊԱՇՏՈՆԱԿԱՏԱՐ
ԵՊՀ գիտական խորհրդի նիստերի դահլիճում այսoր ՀՀ ԿԳՄՍ նախարար Վահրամ Դումանյանը համալսարանականներին ներկայացրեց ԵՊՀ ռեկտորի նոր ժ.պ. Հովհաննես Հովհաննիսյանին: