15.12.2016 | 
Գիտություն
ՀԵՏԱԶՈՏՄԱՆ ԱՌԱՆՑՔՈՒՄ ԻՐԱՎԱԿԱՆ ԴԱՇՏԻ ԽՆԴԻՐՆԵՐՆ ԵՆ
ՀԵՏԱԶՈՏՄԱՆ ԱՌԱՆՑՔՈՒՄ ԻՐԱՎԱԿԱՆ ԴԱՇՏԻ ԽՆԴԻՐՆԵՐՆ ԵՆ
Այսօր ԵՊՀ իրավագիտության ֆակուլտետում տեղի ունեցավ պրոֆեսորադասախոսական կազմի ամենամյա գիտաժողովը, որը նվիրված էր ՀՀ անկախության 25-ամյակին:

Ուսանողական, ասպիրանտական և դասախոսական ամենամյա գիտաժողովներն Իրավագիտության ֆակուլտետում բարի ավանդույթ են դարձել: Շուրջ 10 տարի է, ինչ դրանք իրականացվում են: Բացի այդ՝ լավագույն զեկուցումները տպագրվում են  առանձին ժողովածուների տեսքով:

 

9 զեկուցում և տարաբնույթ հարցեր ու մեկնաբանություններ: Քննարկվեցին նաև այս կամ այն հարցի վերաբերյալ գործընկերների տեսակետները: Հարցադրումների հիմնական մասը վերաբերում էր իրավական ակտերին, դրանցում առկա թերություններին և սահմանումներին: Ընդհանուր առմամբ՝ Իրավագիտության ֆակուլտետի գիտական հոդվածների ժողովածուում նախատեսվում է ներառել 33 զեկուցում:

 

Իրավագիտության ֆակուլտետի դեկան Գագիկ Ղազինյանը բարձր է գնահատում գիտաժողովների անցկացումը և նշում, որ պրոֆեսորադասախոսական կազմի մասնակցությամբ տարեկան ամփոփիչ գիտաժողովները հնարավորություն են տալիս ավելի խորությամբ բարձրաձայնելու իրավական դաշտի խնդիրները, մարտահրավերները և այլն:

 

Ըստ դեկանի՝ գիտական արդյունքների ամփոփմամբ հանդես գալը օգնում է դասախոսներին հանդես գալու նոր ուսումնասիրություններով. «Զեկուցումները հետագայում ներառվում են այս կամ այն մասնագիտական գրքում: Այդ տեսանկյունից խիստ անհրաժեշտ է ապագա և գործող իրավագետներին պահել գիտական զարգացումների մեջ»:

 

Հատկանշական է, որ ուսանողների և դասախոսների գիտաժողովների թեմաները որոշվում են նախապես: Ֆակուլտետի գիտխորհուրդը քննարկում է իրականացնում, որից հետո որոշվում է ներկայացվելիք զեկուցումների մասնագիտական նեղ շրջանակը, դրանց տրվում են թեմատիկ ուղղվածություններ: 

Այլ նորություններ
ԳԻՏԱԺՈՂՈՎԸ ՆՎԻՐՎԱԾ Է ՀՈԳԵԲԱՆՈՒԹՅԱՆ ԱՐԴԻ ՀԻՄՆԱԽՆԴԻՐՆԵՐԻՆ
Այսօր ԵՊՀ փիլիսոփայության և հոգեբանության ֆակուլտետում մեկնարկեց «Տեսական և կիրառական հոգեբանության արդի հիմնախնդիրները» խորագրով միջազգային 6-րդ գիտաժողովը:
ՈՒԳԸ ԳԻՏԱԺՈՂՈՎԸ ԵՐԿԽՈՍՈՒԹՅԱՆ ՀԻԱՆԱԼԻ ՀԱՐԹԱԿ ԷՐ ԵՐԻՏԱՍԱՐԴՆԵՐԻ ՀԱՄԱՐ
Այսօր ԵՊՀ մեծ դահլիճում տեղի ունեցավ հոկտեմբերի 2-ին մեկնարկած ՈՒԳԸ միջազգային 4-րդ գիտաժողովի փակման հանդիսավոր արարողությունը: