03.12.2019 | 
Հասարակություն
«ԳԱՂԱՓԱՐԻՑ՝ ԲԻԶՆԵՍ ՊԼԱՆ»․ ՍԵՄԻՆԱՐ-ԴԱՍԸՆԹԱՑ ԵՊՀ-ՈՒՄ
«ԳԱՂԱՓԱՐԻՑ՝ ԲԻԶՆԵՍ ՊԼԱՆ»․ ՍԵՄԻՆԱՐ-ԴԱՍԸՆԹԱՑ ԵՊՀ-ՈՒՄ
Երևանի պետական համալսարանի Հովհաննես Ադամյան սրահում այսօր տեղի է ունեցել «Գաղափարից՝ բիզնես պլան» խորագրով մեկօրյա սեմինար-դասընթաց։

Նշենք, որ հանդիպումը կազմակերպել էր ԵՊՀ շրջանավարտների և կարիերայի կենտրոնը «Quick Start» ընկերության հետ համագործակցության շրջանակում։

«Գաղափարից՝ բիզնես պլան» սեմինար-դասընթացը վարելու համար համալսարան էր այցելել ակտուարական և ֆինանսական մաթեմատիկայի մասնագետ Մարիաննա Վիրաբյանը, որը «Բի Էս Սի» բիզնեսի աջակցման կենտրոնի բիզնեսի զարգացման ղեկավարն է, կառավարման խորհրդատուն և իր աշխատանքային գործունեության ընթացքում մշակել է մեկ տասնյակից ավելի հաջողված բիզնես պլաններ Հայաստանում գործող ընկերությունների համար:

Նա ողջունեց ներկաներին ու ասաց, որ ուրախ է գտնվել ԵՊՀ-ում: Բանախոսն անդրադարձավ իրենց կենտրոնի գործունեությանը և իրականացվող ծրագրերին․ «Մենք հայաստանյան շուկայում 25 տարվա գործունեություն ծավալող ընկերություն ենք։ Իրականացրել ենք 1.100-ից ավելի բիզնես պլաններ, վարել ենք 1.600 դասընթացներ և այժմ ունենք 1.000-ից ավելի իրականացված ծրագրեր»։

 

Մարիաննա Վիրաբյանը սեմինարի մասնակիցների համար պատմեց, թե ինչպես է պետք գտնել կամ ստեղծել բիզնես գաղափարներ և ինչպես դրանք վերածել բիզնես պլանի։ Նա անդրադարձավ իրենց ընկերության սեփական փորձին՝ վերհանելով հաջողակ բիզնեսի բանաձևը։

«Հաջողակ բիզնեսի համար անհրաժեշտ է ունենալ գաղափար, դրան գումարել լավ թիմ, հետո ավելացնել ջանքեր՝ ժամանակ, նյարդեր, ռեսուրսներ և վերջապես կատարել ներդրում»,- ասաց դասընթացավարը։

Նա մասնակիցներին հնարավորություն տվեց գրի առնելու իրենց բիզնես գաղափարները, հետո դրանցից ընտրելու լավագույնն ու նախապես կազմված հարցաշարը լրացնելու ընթացքում հասկանալ՝ արժե՞ արդյոք դրանք իրագործել։



Սեմինար-դասընթացի ընթացքում մասնակիցները տեղեկացան, թե բիզնես պլան կազմելու համար ինչին է պետք հատուկ ուշադրություն դարձնել, ինչ դեր ունեն շուկան, թիրախը, մարքեթինգը, ֆինանսներն այն հաջողված դարձնելու ճանապարհին։

«Բի Էս Սի» բիզնեսի աջակցման կենտրոնի բիզնեսի զարգացման ղեկավարը սեմինարը վարեց ինտերակտիվ ձևաչափով և պատասխանեց ներկաների տարատեսակ հարցերին։

 

Մարինա Առաքելյան

Այլ նորություններ
«ՀԻՍՈՒՍ ՔՐԻՍՏՈՍԻ ԿԵՐՊԱՐԸ XX ԴԱՐԻ ԵՎ ԱՐԴԻ ՀԱՅ ԱՐՎԵՍՏՈՒՄ» ԳԻՐՔԸ ՀՈԳԵՎՈՐ ԱՐԺԵՔՆԵՐԻՆ ՄՈՏԵՆԱԼՈՒ ՆՈՐ ՈՒՂԵՆԻՇ
ՀՀ նկարիչների միության մեծ սրահում այսօր տեղի են ունեցել ԵՊՀ հայ արվեստի պատմության և տեսության ամբիոնի դոցենտ, արվեստագիտության թեկնածու Սաթենիկ Վարդանյանի «Հիսուս Քրիստոսի կերպարը XX դարի և արդի հայ արվեստում» գրքի շնորհանդեսը, ինչպես նաև հայ արդի նկարիչների թեմատիկ ստեղծագործությունների ցուցահանդեսը:
ՀԱՄԱԼՍԱՐԱՆԱԿԱՆՆԵՐՆ ԱՄԱՆՈՐԸ ԿԱՐՈՂ ԵՆ ԱՆՑԿԱՑՆԵԼ ԾԱՂԿԱՁՈՐԻ ՈԻՍՈԻՄՆԱԱՐՏԱԴՐԱԿԱՆ ԲԱԶԱՅՈՒՄ
Այս տարի ևս ԵՊՀ հիմնական աշխատակիցներն ու բոլոր ցանկացողներն իրենց ամանորյա տոները 31.12.2020-06.01.2021 թթ. ընկած ժամանակահատվածում կարող են անցկացնել Ծաղկաձորի ուսումնաարտադրական բազայում։