15.07.2019 | 
Ուսանողական
«ԼԱՎԱԳՈՒՅՆ ՄԱԳԻՍՏՐՈՍԱԿԱՆ ԹԵԶ» ՄՐՑԱՆԱԿԻՆ ԱՐԺԱՆԱՑԱՎ ՖԻԶԻԿԱՅԻ ՖԱԿՈՒԼՏԵՏԻ ԵՐԿՈՒ ՇՐՋԱՆԱՎԱՐՏ
«ԼԱՎԱԳՈՒՅՆ ՄԱԳԻՍՏՐՈՍԱԿԱՆ ԹԵԶ» ՄՐՑԱՆԱԿԻՆ ԱՐԺԱՆԱՑԱՎ ՖԻԶԻԿԱՅԻ ՖԱԿՈՒԼՏԵՏԻ ԵՐԿՈՒ ՇՐՋԱՆԱՎԱՐՏ
Ֆիզիկայի ֆակուլտետի Կոնֆերենց դահլիճում այսօր տեղի ունեցավ ԵՊՀ ֆիզիկայի ֆակուլտետի առաջին դեկան, ԳԱԱ թղթակից անդամ, ֆիզմաթ. գիտ. դոկտոր, պրոֆեսոր Նորայր Քոչարյանի անվան «Լավագույն մագիստրոսական թեզ» մրցանակի հանձնման արարողությունը:

Միջոցառմանը ներկա էին Ֆիզիկայի ֆակուլտետի դեկան Ռաֆիկ Հակոբյանը, ֆակուլտետի պրոֆեսորադասախոսական անձնակազմը, Ն. Քոչարյանի որդի Արմեն Քոչարյանը:

 

Ռաֆիկ Հակոբյանը նշեց, որ 2003 թվականից Ն. Քոչարյանի որդիներ Կարեն և Արմեն Քոչարյանների նախաձեռնությամբ ու միջոցներով սահմանվել է «Լավագույն մագիստրոսական թեզ» մրցանակը, որով յուրաքանչյուր տարի պարգևատրվում են ֆակուլտետի լավագույն մագիստրոսական թեզ պաշտպանած շրջանավարտները: Նշենք, որ ի հիշատակ Ն. Քոչարյանի ծառայությունների՝ Ֆիզիկայի ֆակուլտետի թիվ 310 լսարանն անվանակոչվել է նրա անունով:

 

Նշենք, որ ֆակուլտետի դեկանն ամբիոնի վարիչների հետ նախապես քննարկել է այս տարվա մագիստրոսական աշխատանքները, ինչի արդյունքում ընտրվել են լավագույն երկուսը:

 

Մրցանակի հանձնման արարողությունից առաջ ֆակուլտետի պրոֆեսորադասախոսական անձնակազմի անդամները ներկաների հետ կիսվեցին պրոֆեսոր Նորայր Քոչարյանի մասին իրենց հուշերով:    

 

Այս տարի Նորայր Քոչարյանի անվան «Լավագույն մագիստրոսական թեզ» մրցանակին արժանացան Աննա Այվազյանը և Տիգրան Պետրոսյանը: Շրջանավարտները ստացան դրամական պարգև և պատվոգիր:

 

 

Աննա Այվազյանի խոսքով, անչափ հաճելի է գնահատված լինելը. նման ուշադրությունը կարող է ոգևորիչ լինել մասնագիտության ոլորտում առաջընթաց և հաջողություններ գրանցելու համար: Տիգրան Պետրոսյանը նույնպես իր երախտագիտությունը հայտնեց ներկաներին մրցանակն իրեն շնորհելու համար:

 

Նադեժդա Տեր-Աբրահամյան

 

 

 

 

Այլ նորություններ
ՏՈՆԱԿԱՆ ՀՅՈՒՐԱՍԻՐՈՒԹՅՈՒՆ, ԱՎԱՆԴԱԿԱՆ ԵՐԳ ՈՒ ՊԱՐ. ԵՊՀ ՈՒՍԱՆՈՂՆԵՐԸ ՏՈՆՈՒՄ ԵՆ ՏԵԱՌՆԸՆԴԱՌԱՋԸ
ԵՊՀ եվրոպական լեզուների և հաղորդակցության ֆակուլտետի նախաձեռնությամբ այսօր ԵՊՀ 7-րդ մասնաշենքի բակում ուսանողները տոնեցին Տեառնընդառաջը:
«ՈՒԳԸ ԳՈՐԾՈՒՆԵՈՒԹՅԱՆ ՀԻՄՆԱԿԱՆ ՆՊԱՏԱԿՆ Է ՆՊԱՍՏԵԼ ՈՒՍԱՆՈՂՈՒԹՅԱՆ ԳԻՏԱԿԱՆ, ՍՏԵՂԾԱԳՈՐԾԱԿԱՆ ԵՎ ՀՈԳԵՎՈՐ ԶԱՐԳԱՑՄԱՆԸ». ՈԻԳԸ ՆՈՐ ՆԱԽԱԳԱՀ
ԵՊՀ ուսանողական գիտական ընկերությունը նոր նախագահ ունի: Այսուհետ կառույցի աշխատանքները համակարգելու է Տնտեսագիտության և կառավարման ֆակուլտետի մագիստրատուրայի երկրորդ կուրսի ուսանողուհի Մերի Փանոսյանը: ՈՒԳԸ նոր նախագահի հետ զրուցել ենք նրա ծրագրային քայլերի, առաջիկա անելիքների ու սպասվելիք միջոցառումների մասին: