20.06.2019 | 
Հասարակություն
«ՄԵԾ ՀԱՅՔԻ ՄԱՅՐԱՔԱՂԱՔ ՏԻԳՐԱՆԱԿԵՐՏԸ ՀԱՅ-ՀՌՈՄԵԱ-ԱՌԱՋԱՎՈՐԱՍԻԱԿԱՆ ՄԻՋՊԵՏԱԿԱՆ ՓՈԽՀԱՐԱԲԵՐՈՒԹՅՈՒՆՆԵՐԻ ԿՈՆՏԵՔՍՏՈՒՄ». ԲԵԼԳՈՐՈԴՈՒՄ ԼՈՒՅՍ Է ՏԵՍԵԼ ԵՊՀ ԴՈՑԵՆՏ ՀԱԿՈԲ ՀԱՐՈՒԹՅՈՒՆՅԱՆԻ ԳԻՐՔԸ
«ՄԵԾ ՀԱՅՔԻ ՄԱՅՐԱՔԱՂԱՔ ՏԻԳՐԱՆԱԿԵՐՏԸ ՀԱՅ-ՀՌՈՄԵԱ-ԱՌԱՋԱՎՈՐԱՍԻԱԿԱՆ ՄԻՋՊԵՏԱԿԱՆ ՓՈԽՀԱՐԱԲԵՐՈՒԹՅՈՒՆՆԵՐԻ ԿՈՆՏԵՔՍՏՈՒՄ». ԲԵԼԳՈՐՈԴՈՒՄ ԼՈՒՅՍ Է ՏԵՍԵԼ ԵՊՀ ԴՈՑԵՆՏ ՀԱԿՈԲ ՀԱՐՈՒԹՅՈՒՆՅԱՆԻ ԳԻՐՔԸ
Ռուսաստանի Բելգորոդ քաղաքում օրեր առաջ լույս է տեսել ԵՊՀ պատմության ֆակուլտետի համաշխարհային պատմության ամբիոնի դոցենտ Հակոբ Հարությունյանի հեղինակած «Մեծ Հայքի մայրաքաղաք Տիգրանակերտը հայ-հռոմեա-առաջավորասիական միջպետական փոխհարաբերությունների կոնտեքստում» գիրքը՝ նվիրված ակադեմիկոս Գագիկ Սարգսյանի հիշատակին:

Հեղինակի խոսքով, գրքի մտահղացումը ծնվել էր դեռ ասպիրանտուրայում սովորելու տարիներին. «Իմ գիտական ղեկավար Գագիկ Սարգսյանն առաջարկեց ավելի մանրամասն ուսումնասիրել և ներկայացնել Տիգրանակերտի հին հունարեն արձանագրությունները»:

Դոցենտը խոստովանում է, որ այդ տարիներին սկսնակ լինելու պատճառով կարողացել է գրել ընդամենը 10 էջ, բայց այժմ մենագրությունների մի ողջ շարք է նվիրում նշված արձանագրություններին:


«Գրքում ներկայացված են մինչև քրիստոնեության ընդունումը՝ 296-301 թթ., հայ-հռոմեա-առաջավորասիական միջպետական փոխհարաբերությունները»,- տեղեկացրեց Հ. Հարությունյանը:


Վերջինս ուսումնասիրել է հունարեն արձանագրությունները, որոնց թարգմանության հարցում օգնել է Մատենադարանի գիտաշխատող Գոհար Մուրադյանը:


Հ. Հարությունյանի համոզմամբ, այս գրքում բարձրաձայնված հարցերն արդիական են, որտեղ ներգրավված են նաև հայ հասարակության, միջպետական փոխհարաբերությունների մասին տեղեկություններ:


Նշենք նաև, որ գիրքը հասանելի է ՀՀ գրադարաններում, շուտով նաև՝ ԵՊՀ գրադարանում:

Այլ նորություններ
ՀԱՄԱԼՍԱՐԱՆԸ ՁԵԶ ՏՎԵԼ Է ԳԻՏԵԼԻՔ, ՀՄՏՈՒԹՅՈՒՆ ԵՎ ԱՐԺԵՀԱՄԱԿԱՐԳ. «ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐ» ՄԱԳԻՍՏՐՈՍԱԿԱՆ ԾՐԱԳՐԻ ՇՐՋԱՆԱՎԱՐՏՆԵՐԸ ՍՏԱՑԱՆ ԻՐԵՆՑ ԴԻՊԼՈՄՆԵՐԸ
ԵՊՀ սոցիոլոգիայի ֆակուլտետի «Հասարակայնության հետ կապեր» մագիստրոսական ծրագրի 2018-2019 ուստարվա շրջանավարտներն այսօր ստացան իրենց դիպլոմները:
ԵՊՀ ԵՐԱԽՏԱՎՈՐՆԵՐԸ. ԱՇՈՏ ԱԲՐԱՀԱՄՅԱՆ
Աղբյուրագետ-պատմաբան, պատմական գիտությունների դոկտոր, պրոֆեսոր Աշոտ Աբրահամյանի մասին պատմում է նրա ուսանողը՝ փիլիսոփայական գիտությունների դոկտոր, պրոֆեսոր, քաղաքագետ Հենզել Մանուչարյանը: