13.12.2017 | 
Ուսանողական
ԲԻԶՆԵՍ ԽԱՂ ԳԻՆԵԳՈՐԾՈՒԹՅԱՆ ՇՈՒԿԱՅԻ ՎԵՐԱԲԵՐՅԱԼ
ԲԻԶՆԵՍ ԽԱՂ ԳԻՆԵԳՈՐԾՈՒԹՅԱՆ ՇՈՒԿԱՅԻ ՎԵՐԱԲԵՐՅԱԼ
Այսօր ԵՊՀ տնտեսագիտության և կառավարման ֆակուլտետում տեղի ունեցավ բիզնես խաղ գինեգործության շուկայի վերաբերյալ:

Խաղ-սեմինարը կազմակերպվել էր ԵՊՀ տնտեսագիտության և կառավարման ֆակուլտետի կառավարման և գործարարության ամբիոնի ու «Մարքեթինգի հայկական ակումբ» կազմակերպության համագործակցության շրջանակում:

 

Բիզնես խաղի սկզբում ներկայացվեցին հակիրճ տեղեկություններ խաղի և գինեգործության մասին: Խոսվեց խոշոր արտադրողներից, արտասահմանյան շուկայում հայտնի ու ոսկե մեդալների արժանացած գինու տեսակներից, ինչպես նաև հայկական ու համաշխարհային գինու շուկայի վերաբերյալ հետաքրքրիր փաստերից:

 

Խաղին մասնակցեցին Տնտեսագիտության և կառավարման ֆակուլտետի երրորդ և չորրորդ կուրսերի ուսանողները: Խաղի ընթացքում մասնակիցները պետք է կառավարեին գինեգործության ոլորտի իրենց ընկերությունները, մշակեին կառավարչական և մարքեթինգային ռազմավարություններ ՝ փորձելով ստանալ ամենամեծ շահույթը:

 

«Խաղի միջոցով փորձում ենք ուսանողներին փոխանցել ոչ միայն ռազմավարություն մշակելու հմտություններ, այլև ծանոթացնել գինեգործության շուկայից որոշ առանձնահատկությունների: Խաղը ոչ միայն արտալսարանային միջոցառում է, որը կոչված է իրենց ուսանողական առօրյան հագեցնելու համար, այլև մեծ է կրթական բաղադրիչը, որը նույնպես մենք շատ կարևորում ենք»,- նշեց ԵՊՀ տնտեսագիտության և կառավարման ֆակուլտետի կառավարման և գործարարության ամբիոնի վարիչ Կառլեն Խաչատրյանը:

 

«Մարքեթինգի հայկական ակումբ» կազմակերպության մենեջերների խորհրդի անդամ Հրանտ Զիրոյանն էլ նշեց, որ այս բիզնես խաղը պատրաստելիս համագործակցել են տարբեր գինեգործների հետ, կատարվել է ինֆորմացիայի հավաքագրում, որպեսզի խաղը հնարավորինս մոտ լինի իրական պայմաններին. միջինացված ցուցանիշներով, իրականությանը բավականին մոտ թվեր են առաջադրվում ուսանողներին:

 

Բիզնես խաղում հաղթող ճանաչվեց Տնտեսագիտության և կառավարման ֆակուլտետի կառավարման բաժնի 4-րդ կուրսի ուսանող Մարիամ Մարտիրոսյանը:

 

Խաղի ավարտին տեղի ունեցավ քննարկում, որի ժամանակ Կառլեն Խաչատրյանը և Հրանտ Զիրոյանը խոսեցին ուսանողների բացթողումների մասին, որ նկատել էին խաղի ընթացքում՝ պարզաբանելով նաև այն «թակարդները», որոնց հանդիպել էին ուսանողները խաղի ընթացքում:

 

Այլ նորություններ
ԵՊՀ ՖՐԱՆԿՈՖՈՆՆԵՐԻ ԱԿՈՒՄԲՆ ԱՅՍՕՐՎԱՆԻՑ ՊԱՇՏՈՆԱՊԵՍ Է ԳՈՐԾԵԼՈՒ
Այսօր ԵՊՀ Չարենցի անվան դահլիճում տեղի ոնեցավ միջոցառում, որը նվիրված էր ԵՊՀ ֆրանկոֆոնների ակումբի պաշտոնական բացմանը:
«ՄԵՐ ՀԱՍԱՐԱԿՈՒԹՅԱՆ ԱՄԵՆԱՄԵԾ ԹԵՐՈՒԹՅՈՒՆՆԵՐԻՑ ԵՆ ԵՐԻՏԱՍԱՐԴՈՒԹՅԱՆ ԱՆԿԱԶՄԱԿԵՐՊՎԱԾՈՒԹՅՈՒՆԸ ԵՎ ՀԵՂԻՆԱԿԱՎՈՐ  ԼԻԴԵՐՆԵՐԻ ԲԱՑԱԿԱՅՈՒԹՅՈՒՆԸ». ԵՊՀ ՌԵԿՏՈՐ ԱՐԱՄ ՍԻՄՈՆՅԱՆԸ ՀԱՆԴԻՊԵՑ ՈՒՍԱՆՈՂՆԵՐԻ ՀԵՏ
ՈւԽ նախագահության, ՈՒԳԸ ղեկավար կազմի, ինչպես նաև ուսանողական այլ հանձնաժողովների ներկայացուցիչների հետ պարբերաբար կազմակերպվող հանդիպումների հիմնական նպատակն է համալսարանի ղեկավարի հետ քննարկել ուսանողությանն անհանգստացնող խնդիրները, ներկայացնել առաջարկներ ու տալ համապատասխան լուծումներ: