14.12.2018 | 
Քաղաքականություն
«ԲՅՈՒՐԱԿՆ» ԿՐԹԱՀԱՄԱԼԻՐԻ ՍԱՆԵՐՆ ԱՅՑԵԼԵՑԻՆ ԵՊՀ
«ԲՅՈՒՐԱԿՆ» ԿՐԹԱՀԱՄԱԼԻՐԻ ՍԱՆԵՐՆ ԱՅՑԵԼԵՑԻՆ ԵՊՀ
Երկօրյա այցի շրջանակում «Բյուրակն» կրթահամալիրի սաներն այցելեցին ԵՊՀ կենսաբանության ֆակուլտետ:

«Բյուրակն» կրթահամալիրի 7-րդ և 8-րդ դասարանների աշակերտները  ծանոթացան ֆակուլտետի  կառուցվածքին, մասնագիտական առանձնահատկություններին, ինչպես նաև  դասաժամերին, ստացած տեսական գիտելիքներն ամրապնդեցին գործնական փորձերով: 

 

Աշակերտները գործնական առաջին գիտելիքները  ստացան  Բուսաբանության և սնկաբանության ամբիոնում: 

 

Վերոնշյալ ամբիոնի դոցենտ Ինեսսա Էլոյանն աշակերտներին ներկայացրեց մասնագիտական առանձնահատկությունները, գործնական փորձերի օգնությամբ ցուցադրեց  ջրիմուռների բջջի և բուսաբանական բջջի կառուցվածքները:

 

Ամբիոնի ավագ  լաբորանտ Անուշ Ստեփանյանը ներկայացրեց տերևի էպիդերմիսի կառուցվածքը, առկա պիգմենտները և այլն:

 

Ծանոթանալով ֆակուլտետի կառուցվածքին՝ աշակերտները շրջեցին ամբիոններով, ստացան իրենց հուզող հարցերի պատասխաններն ու լսեցին դասախոսություններ:

 

Աշակերտներին ուղեկցում  էր Քիմիայի ուսուցչուհի Լաուրա Բաղդասարյանը: Կենսաբանության ֆակուլտետի շրջանավարտ ուսուցչուհին հուզված էր, քանի որ Կենսաբանության ֆակուլտետը համարում է իր երկրորդ տունը: 

 

 

 

Այլ նորություններ
ԱԶԱՏԱՄԱՐՏԻԿ ՎԱՐԴԱՆ ԲԱԽՇՅԱՆԻ ԱՆՎԱՆ ԴՊՐՈՑԻ ԱՇԱԿԵՐՏՆԵՐՆ ԱՅՑԵԼԵՑԻՆ ԵՊՀ
28 տարի առաջ՝ դեկտեմբերի 16-ին, Հասանաբադ գյուղի մատույցներում հերոսաբար զոհվեց ԵՊՀ պատմության ֆակուլտետի ասպիրանտ-ազատամարտիկ Վարդան Բախշյանը, իսկ այսօր հերոսի անունը կրող դպրոցի աշակերտներն այցելեցին Վ. Բախշյանի հարազատ ֆակուլտետ՝ մանրամասն լսելու և ծանոթանալու հերոսի ապրած կյանքին և ուսումնառության տարիներին:
ԵՊՀ-Ն ՌԱԶՄԱՎԱՐԱԿԱՆ ԳՈՐԾԸՆԿԵՐՈՒԹՅԱՆ ԵՎ ԵՐԿԱՐԱԺԱՄԿԵՏ ՀԱՄԱԳՈՐԾԱԿՑՈՒԹՅԱՆ ՆՈՐ ՀՈՒՇԱԳԻՐ Է ԿՆՔԵԼ
ԵՊՀ հումանիտար և հասարակագիտական մասնագիտությունների գծով պրոռեկտոր Էլինա Ասրիյանը և ՀՀ վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի տնօրեն Հովհաննես Մովսիսյանը նոյեմբերի 29-ին ստորագրել են երկու կառույցների միջև համագործակցության հաստատման հուշագիր: