10.07.2019 | 
Կրթություն
ՌՈՒՍ ԲԱՆԱՍԻՐՈՒԹՅԱՆ ՖԱԿՈՒԼՏԵՏԻ ՇՐՋԱՆԱՎԱՐՏՆԵՐԸ ՍՏԱՑԱՆ ԻՐԵՆՑ ԴԻՊԼՈՄՆԵՐԸ
ՌՈՒՍ ԲԱՆԱՍԻՐՈՒԹՅԱՆ ՖԱԿՈՒԼՏԵՏԻ ՇՐՋԱՆԱՎԱՐՏՆԵՐԸ ՍՏԱՑԱՆ ԻՐԵՆՑ ԴԻՊԼՈՄՆԵՐԸ
Երևանի պետական համալսարանի Ե․ Չարենցի անվան լսարանում այսօր տեղի ունեցավ Ռուս բանասիրության ֆակուլտետի մագիստրատուրայի և բակալավրիատի շրջանավարտների դիպլոմների հանձնման հանդիսավոր արարողությունը։

Արարողությունը սկսելուց առաջ դեկան Պավել Բալայանը շնորհավորեց ուսանողներին ու մաղթեց նրանց նորանոր հաջողություններ իրենց հետագա կյանքում՝ ասելով, որ ամեն անգամ ճանապարհելով շրջանավարտներին՝ նրանց են տալիս իրենց՝ անսահման բարությունով լի սրտից մի կտոր։

«Եղե՛ք արժանի Երևանի պետական համալսարանի շրջանավարտի կոչմանը, եղե՛ք արժանի Ռուս բանասիրության ֆակուլտետի շրջանավարտի կոչմանը»,- հորդորեց Պ․ Բալայանը։



Մագիստրատուրայի և բակալավրիատի շրջանավարտներին շնորհավորեցին նաև ֆակուլտետի պրոֆեսորադասախոսական կազմի ներկայացուցիչները։
Շնորհավորական խոսքերից հետո շրջանավարտները դեկանին և դասախոսներին շնորհակալություն հայտնեցին իրենց ուսումնառության տարիների համար՝ նշելով, որ ֆակուլտետում, բացի որակյալ գիտելիքներից, ստացել են նաև ջերմ ու հոգատար վերաբերմունք։

«Շնորհակալ ենք ձեզ։ Մեծ պատիվ էր լինել ձեր ուսանողը։ Մենք պարտավոր ենք հպարտ լինել Երևանի պետական համալսարանի շրջանավարտները լինելու համար»,- նշեց բակալավրիատի շրջանավարտ Միլենա Մկրտչյանը։



Մյուս ուսանողները ևս միացան շնորհակալական խոսքերին, ինչից հետո հանդիսավոր ստացան իրենց դիպլոմները։

Այլ նորություններ
«ՄԱՐԴՈՒ ԻՐԱՎՈՒՆՔՆԵՐԻ ԱԶԳԱՅԻՆ ՀԱՍՏԱՏՈՒԹՅՈՒՆՆԵՐԻ ՀԶՈՐՈՒԹՅԱՆ ԱՍՏԻՃԱՆԸ ԽՈՍՈՒՄ Է ԱՅԴ ԵՐԿՐՈՒՄ ԺՈՂՈՎՐԴԱՎԱՐՈՒԹՅԱՆ ԵՎ ՕՐԵՆՔԻ ԳԵՐԱԿԱՅՈՒԹՅԱՆ ՄԱԿԱՐԴԱԿԻ ՄԱՍԻՆ»․ ԴԱՍԱԽՈՍՈՒԹՅՈՒՆ-ՔՆՆԱՐԿՈՒՄ ԵՊՀ-ՈՒՄ
Երևանի պետական համալսարանի գիտխորհրդի նիստերի դահլիճում այսօր տեղի է ունեցել «Մարդու իրավունքներ և սոցիալական աշխատանք» թեմայով դասախոսություն-քննարկում, որը կազմակերպել էր Սոցիոլոգիայի ֆակուլտետի սոցիալական աշխատանքի և սոցիալական տեխնոլոգիաների ամբիոնը՝ ի դեմս Լիանա Մկրտչյանի։
ԵՊՀ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՈՒՀԻՆ ԱՐԱԲԵՐԵՆԻ ՀԱՄԱՌՈՒՍԱՍՏԱՆՅԱՆ 3-ՐԴ ՄԻՋԱԶԳԱՅԻՆ ՕԼԻՄՊԻԱԴԱՅՈՒՄ ԶԲԱՂԵՑՐԵԼ Է 2-ՐԴ ՏԵՂԸ
Հոկտեմբերի 31-ից նոյեմբերի 1-ն ընկած ժամանակահատվածում Կազանի դաշնային համալսարանի կողմից կազմակերպվել է արաբերենի համառուսաստանյան 3-րդ միջազգային օլիմպիադան, որին մասնակցել են ավելի քան 120 ուսանողներ Ռուսաստանի տարբեր քաղաքների համալսարաններից (Մոսկվա, Սանկտ Պետերբուրգ, Կազան, Սիմֆերոպոլ, Ուֆա), ինչպես նաև ներկայացուցիչներ Բելառուսից, Հայաստանից, Ուկրաինայից, Տաջիկստանից, Ղրղզստանից և Ղազախստանից։