10.07.2019 | 
Ուսանողական
ԵՊՀ ԻՋԵՎԱՆԻ ՄԱՍՆԱՃՅՈՒՂԻ ՈՒՍԱՆՈՂՆԵՐԻՆ ՀԱՆԴԻՍԱՎՈՐ ԱՐԱՐՈՂՈՒԹՅԱՄԲ ՀԱՆՁՆՎԵՑԻՆ ԴԻՊԼՈՄՆԵՐԸ
ԵՊՀ ԻՋԵՎԱՆԻ ՄԱՍՆԱՃՅՈՒՂԻ ՈՒՍԱՆՈՂՆԵՐԻՆ ՀԱՆԴԻՍԱՎՈՐ ԱՐԱՐՈՂՈՒԹՅԱՄԲ ՀԱՆՁՆՎԵՑԻՆ ԴԻՊԼՈՄՆԵՐԸ
ԵՊՀ Իջևանի մասնաճյուղի ուսանողները հանդիսավոր արարողությամբ այսօր ստացան իրենց դիպլոմները։

Մասնաշենքի բակում հավաքվել էին մասնաճյուղի ղեկավար կազմը, դասախոսներ, բոլոր ֆակուլտետների առկա և հեռակա բաժինների շրջանավարտներ։



ԵՊՀ ԻՄ տնօրենի պաշտոնակատար, ֆիզմաթ. գիտ. թեկնածու, դոցենտ Արտակ Ցուցուլյանը, ողջունելով հավաքվածներին, նշեց, որ մասնաճյուղի դասախոսական կազմը ջանք ու եռանդ չի խնայում` զարգացնելու և կատարելագործելու կրթական ծրագրերը` ապահովելով ուսանողներին անհրաժեշտ հիմնարար գիտելիքներով։

«Դուք ԵՊՀ-ի գաղափարախոսության, լույսի կրողներն եք մեր հասարակության մեջ։ Այս կրթության հիման վրա, ես վստահ եմ, որ դուք հաջողելու եք։ Մաղթում եմ ձեզ եռանդ, կամք ու կորով»,- բարի երթ մաղթեց Արտակ Ցուցուլյանը։



Տավուշի թեմի հոգևոր առաջնորդ գերաշնորհ տեր Բագրատ եպիսկոպոս Գալստանյանը հանապազօրյա աղոթքով ողջունեց և օրհնեց շրջանավարտներին։

Միջոցառմանը ներկա էին նաև ԵՊՀ գիտական քարտուղար Լևոն Հովսեփյանը, մարզի զորամասի հրամանատարական կազմը` հրամանատարի գլխավորությամբ, դպրոցների տնօրեններ։

Միջոցառումն ուղեկցվում էր երաժշտական կատարումներով, իսկ արդեն երեկոյան շրջանավարտները շարունակեցին տոնել Ենոքավանում։

 

 

Մարի Ռաֆյան

Այլ նորություններ
ԱՐՑԱԽԻ ՄԻՋԱԶԳԱՅԻՆ ՃԱՆԱՉՈՒՄԸ. ՊԱՏՄԱԻՐԱՎԱԿԱՆ ԱԿՆԱՐԿ
ԵՊՀ իրավագիտության և պատմության ֆակուլտետների ուսանողական գիտական ընկերությունների համատեղ նախաձեռնությամբ դեկտեմբերի 4-ին տեղի է ունեցել պանելային քննարկում՝ «Արցախի միջազգային ճանաչումը. պատմաիրավական ակնարկ» խորագրով:
ԵՊՀ ՈՒԳԸ-Ն ԱՐՏԱԿԱՐԳ ԴՐՈՒԹՅԱՆ ՊԱՅՄԱՆՆԵՐՈՒՄ ՇԱՐՈՒՆԱԿՈՒՄ Է ԻՐ ԱՇԽԱՏԱՆՔՆԵՐԸ
Աշխարհում նոր տիպի կորոնավիրուսի տարածման և ՀՀ կառավարության կողմից արտակարգ դրություն հայտարարելու մասին որոշում կայացնելու առաջին իսկ օրերից ԵՊՀ ՈՒԳԸ-ն շարունակում է իրականացնել իր աշխատանքները: Մեզ հետ զրույցում ՈՒԳԸ նախագահ Մերի Փանոսյանը պատմել է, թե ինչ մեթոդներ և միջոցներ են կիրառել՝ այս ընթացքում արդյունավետ միջոցառումներ կազմակերպելու համար: