20.05.2016 | 
Գիտություն
ՀԱՂԹՈՂՆԵՐԻՑ ԵՐԿՈՒՍԸ ԵՊՀ ՈՒՍԱՆՈՂ ԵՆ
ՀԱՂԹՈՂՆԵՐԻՑ ԵՐԿՈՒՍԸ ԵՊՀ ՈՒՍԱՆՈՂ ԵՆ
Մայիսի 19-ին «Արմենիա Մարիոթ» հյուրանոցի դահլիճում «Ռոսգոսստրախ Արմենիա» ընկերությունն ամփոփեց իր կողմից հայտարարված մրցույթի առաջին փուլի արդյունքները:

ՀՀ բուհերի տնտեսագիտության ֆակուլտետներում սովորող ուսանողների շրջանում հայտարարված մրցույթը բաղկացած է երկու փուլից: Առաջին՝ ռեֆերատների պաշտպանության փուլի համար ընկերության կողմից առաջարկվել էր ապահովագրությանն առնչվող տարբեր թեմաների վերաբերյալ կատարել ուսումնասիրություն:

 

Այս տարի մրցույթին դիմել էին ավելի քան 60 ուսանողներ, որոնցից 13-ն են հնարավորություն ստացել մասնակցելու գիտական աշխատանքների ներկայացմանը, որի ընթացքում նրանք պատասխանել են փորձագետների հարցերին, պնդել իրենց տեսակետներն ու ներկայացրել հեռանկարները: «Ռոսգոսստրախ Արմենիա» ընկերության կողմից առաջարկված7 արդիական թեմաներից ուսանողները հիմնականում ընտրել են երկուսը՝ գյուղատնտեսական ապահովագրություն և առողջության պարտադիր ապահովագրություն:

 

Արդյունքում հայտնի դարձան լավագույն երեք հաղթողների անունները: Նրանք ստացան դրամական պարգև (100.000-ական դրամ) և հնարավորություն մասնակցելու երկրորդ փուլին, որը ապահովագրական նոր արտադրանքի ստեղծման փուլն է: Հավաստագրերը մասնակիցներին հանձնեց «Ռոսգոսստրախ Արմենիա» ընկերության անձնակազմի կառավարման բաժնի ղեկավար Անահիտ Աստաբացյանը:

 

Հաղթողներից երկուսը ԵՊՀ տնտեսագիտության և կառավարման ֆակուլտետի 4-րդ կուրսի ուսանողուհիներ Շուշանիկ Գյոչանյանն ու Սինարա Ղարիբյանն են, մյուսն էլ Հայաստանի պետական տնտեսագիտական համալսարանի ֆինանսական ֆակուլտետի մագիստրատուրայի 1-ին կուրսի ուսանողուհի Անահիտ Ավետիսյանն է:

 

Մրցույթի առաջին փուլի ամփոփմանը ներկա էին նաև ԵՊՀ ուսանողների, շրջանավարտների և հասարակայնության հետ կապերի գծով պրոռեկտոր Ռուբեն Մարկոսյանը, ԵՊՀ տնտեսագիտության և կառավարման ֆակուլտետի դեկան Հայկ Սարգյանը, տարբեր բուհերի պրոռեկտորներ, շրջանավարտների և կարիերայի կենտրոնների տնօրեններ և ուսանողներ:

 

Նշենք, որ մրցույթի երկրորդ փուլին, բացի առաջին փուլի հաղթողներից, հնարավորություն են ստացել մասնակցելու նաև «Ռոսգոսստրախ» անվանական կրթաթոշակ ստացող բոլոր ուսանողները: 

Այլ նորություններ
 «ԳԻՏԱԿԱՆ ԱՐՑԱԽ» ՊԱՐԲԵՐԱԿԱՆԻ 7-ՐԴ ՀԱՄԱՐԻ ՔՆՆԱՐԿՈՒՄԸ ԵՊՀ-ՈՒՄ
Երևանի պետական համալսարանի Պալեանների անվան դահլիճում այսօր տեղի է ունեցել «Գիտական Արցախ» պարբերականի 2020 թ. 4-րդ (ընդհանուր առմամբ 7-րդ) համարի քննարկումը խմբագրական խորհրդի անդամների և հոդվածագիրների հետ։
ՌՈՒՍ ՀԱՅՏՆԻ ՖԻԶԻԿՈՍ ԻԳՈՐ ԿՈՒՐՉԱՏՈՎԻՆ ՆՎԻՐՎԱԾ ՄԻՋՈՑԱՌՈՒՄ ԵՊՀ-ՈՒՄ
Երևանի պետական համալսարանի ֆիզիկայի ֆակուլտետում այսօր տեղի է ունեցել ռուս մեծ գիտնական Իգոր Կուրչատովի կիսանդրու հանձնման հանդիսավոր արարողությունը, այնուհետ ցուցադրվել է նրա մասին պատմող հոլովակ ու միջուկային արդյունաբերության զարգացման մասին դասախոսություն ֆակուլտետի ուսանողների համար։