27.07.2021 | 
Հասարակություն
ԵՊՀ-Ն ՀԱՅՏԱՐԱՐՈՒՄ Է ԳԵՎՈՐԳ ԱՐՇԱԿՅԱՆԻ ԱՆՎԱՆ ԿՐԹԱԹՈՇԱԿԻ ՄՐՑՈՒՅԹ
ԵՊՀ-Ն ՀԱՅՏԱՐԱՐՈՒՄ Է ԳԵՎՈՐԳ ԱՐՇԱԿՅԱՆԻ ԱՆՎԱՆ ԿՐԹԱԹՈՇԱԿԻ ՄՐՑՈՒՅԹ
ԵՊՀ-ն «ԱյԴի Բանկ»-ի ֆինանսական աջակցությամբ հայտարարում է ԵՊՀ ուսանող, «Մարտական խաչ» 1-ին աստիճանի շքանշանի ասպետ, Արցախյան 44-օրյա պատերազմում զոհված Գևորգ Արշակյանի անվան կրթաթոշակի մրցույթ։

ԵՊՀ 4 ուսանողներին միանվագ 400 հազար ՀՀ դրամ (յուրաքանչյուրին) հատկացվող կրթաթոշակի մրցույթին կարող են դիմել բոլոր այն ուսանողները, որոնք սովորում են Երևանի պետական համալսարանի բակալավրի 2-րդ և բարձր կուրսերում (նաև մագիստրատուրայում), ունեն բարձր առաջադիմություն և հասարակական մեծ ակտիվություն:

 

Մրցույթին դիմելու համար անհրաժեշտ է scholarship@ysu.am էլեկտրոնային փոստի հասցեին ուղարկել՝

  • ինքնակենսագրական (CV),
  • մոտիվացիոն նամակ (ինչո՞ւ եք դիմում կրթաթոշակին, ինչո՞ւ պետք է ընտրենք հենց Ձեզ),
  • «Իմ հայրենիքը» թեմայով էսսե 300-400 բառի սահմաններում,
  • առաջադիմության վերաբերյալ տեղեկանք (ակադեմիական տեղեկագիր),
  • հասարակական ակտիվությունը հավաստող տեղեկանք(ներ),
  • եթե ունեք սոցիալական անապահովություն, հաշմանդամություն կամ հաշմանդամություն ունեցող ծնողներ, պատերազմի մասնակից եք, ապա կցեք նաև համապատասխան փաստաթղթերը։

Նամակի վերնագիր (subject) դաշտում պետք է նշել Գևորգ Արշակյանի անվան կրթաթոշակ։

 

Դիմելու վերջնաժամկետը 2021 թ. օգոստոսի 25-ն է։ Դիմելուց հետո մրցույթի մասնակիցները մրցութային հանձնաժողովի կողմից կստանան իրենց էլեկտրոնային փոստի հասցեին ուղարկված հաստատող նամակ։

 

Կրթաթոշակի տրամադրման մասին կհայտարարվի ընթացիկ տարվա սեպտեմբերին։

 

Մրցույթին մասնակցել ցանկացողները հարցերի դեպքում կարող են գրել scholarship@ysu.am էլեկտրոնային փոստի հասցեին։

 

Պատրաստեց Քնար Միսակյանը

Այլ նորություններ
ԱՊԱԳԱՆ ՀՈԳԵԲԱՆՈՒԹՅԱՆՆ Է. ԴԱՍԱԽՈՍՈՒԹՅՈՒՆ ԵՊՀ ՓԻԼԻՍՈՓԱՅՈՒԹՅԱՆ ԵՎ ՀՈԳԵԲԱՆՈՒԹՅԱՆ ՖԱԿՈՒԼՏԵՏՈՒՄ
ԵՊՀ փիլիսոփայության և հոգեբանության ֆակուլտետում այսօր տեղի է ունեցել «Կիրառական գիտելիքներ և հմտություններ զարգացման հոգեբանության բնագավառում» թեմայով դասախոսություն, որը վարում էր ԱՄՆ-ից ժամանած լիցենզավորված կլինիկական հոգեբան, Բրաունի համալսարանի դոկտոր Անահիտ Ազարյանը:
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՀԱՅՏԱՐԱՐՈՒԹՅՈՒՆԸ ԱՆ ԹԻՎ 65-Ն ՀՐԱՄԱՆԻ ՎԵՐԱԲԵՐՅԱԼ
ԵՊՀ իրավագիտության ֆակուլտետը հայտարարություն է տարածել Առողջապահության նախարարի՝ 2021 թ. օգոստոսի 20-ի «Հայաստանի Հանրապետության առողջապահության նախարարի 2020 թվականի օգոստոսի 4-ի թիվ 17-ն և 2020 թվականի սեպտեմբերի 18-ի թիվ 24-ն հրամաններում փոփոխություններ և լրացումներ կատարելու մասին» թիվ 65-Ն հրամանի սահմանադրականության վերաբերյալ: