27.11.2017 | 
Ուսանողական
ԵՊՀ ՈՒՍԱՆՈՂՆԵՐԸ ՄԱՍՆԱԿՑԵՑԻՆ ՄԵԾ ԵՐԳԱՀԱՆԻՆ ՆՎԻՐՎԱԾ ՀԱՄԵՐԳԻՆ
ԵՊՀ ՈՒՍԱՆՈՂՆԵՐԸ ՄԱՍՆԱԿՑԵՑԻՆ ՄԵԾ ԵՐԳԱՀԱՆԻՆ ՆՎԻՐՎԱԾ ՀԱՄԵՐԳԻՆ
Նոյեմբերի 25-ին Ա. Բաբաջանյանի անվան համերգասրահում տեղի ունեցավ երգահան Ալեքսեյ Հեքիմյանի 90-ամյակին նվիրված համերգ, որին մասնակցեցին նաև ԵՊՀ մշակույթի կենտրոնի սաները:

Միջոցառումը կազմակերպվել էր «Հարմոնիա» ռուսական մշակույթի միջազգային կենտրոնի կողմից:

 

«Արդեն երկար տարիներ է, ինչ մենք աշխատում ենք ուսանողների հետ: Նմանօրինակ միջոցառումներ հաճախակի են կազմակերպվում: Մեր նպատակն է ներգրավել ոչ միայն Կոնսերվատորիայի, այլև մյուս բուհերի երգող ուսանողներին»,- նշեց «Հարմոնիա» կենտրոնի տնօրեն Աիդա Հարությունյանը և հավելեց, որ շատ ուրախ է, երբ տեսնում է, որ ուսանողները հաճույքով են երգում և ընկալում Ալեքսեյ Հեքիմյանի ստեղծագործությունները:

 

«Ինձ համար շատ հաճելի է գտնվել այսպիսի բեմում, քանզի ամեն անգամ չէ, որ այսպիսի մեծանուն կոմպոզիտորի ստեղծագործություններ կատարելու հնարավորություն ես ստանում»,- նշեց ԵՊՀ մշակույթի կենտրոնի սան, Ժուռնալիստիկայի ֆակուլտետի երկրորդ կուրսի ուսանողուհի Մարի Արշակյանը:

 

Համերգի ընթացքում իրենց ելույթներով հանդես եկան Մշակույթի կենտրոնի երգչախումբը և մեներգիչները: Համերգային ծրագրին մասնակցում էին նաև Կինոյի և թատրոնի պետական ինստիտուտի սաները, Երևանի Մ. Հերացու անվան պետական բժշկական համալսարանի ուսանողները և ուրիշներ: 

 

ԵՊՀ սոցիոլոգիայի ֆակուլտետի մագիստրատուրայի 1-ին կուրսի ուսանողուհի Անի Քոչարյանը համերգին ներկայացավ «Ղարաբաղ» երգով: « Շատ մեծ պատասխանատվություն է ելույթ ունենալ Ալեքսեյ Հեքիմյանի 90-ամյակին նվիրված համերգին: Նա հայ դասական կոմպոզիտորներից լավագույններից է, ում ստեղծագործությունները ես շատ եմ սիրում»,- ասում է Անի Քոչարյանը:

Համերգային ծրագրի մասնակիցները ստացան շնորհակալագրեր:

ՀԽՍՀ արվեստի վաստակավոր գործիչ Ալեքսեյ Հեքիմյանի ստեղծագործություններից առավել հայտնի են «Գարուն է գալիս», «Բարի արագիլ», «Կռունկ, բարով դառնաս», «Երգի՛ր ինձ համար», «Ղարաբաղի եղնիկ», «Իմ Հայաստան», «Ղարաբաղ» երգերը:

Այլ նորություններ
ԵՊՀ ՖՐԱՆԿՈՖՈՆՆԵՐԻ ԱԿՈՒՄԲՆ ԱՅՍՕՐՎԱՆԻՑ ՊԱՇՏՈՆԱՊԵՍ Է ԳՈՐԾԵԼՈՒ
Այսօր ԵՊՀ Չարենցի անվան դահլիճում տեղի ոնեցավ միջոցառում, որը նվիրված էր ԵՊՀ ֆրանկոֆոնների ակումբի պաշտոնական բացմանը:
«ՄԵՐ ՀԱՍԱՐԱԿՈՒԹՅԱՆ ԱՄԵՆԱՄԵԾ ԹԵՐՈՒԹՅՈՒՆՆԵՐԻՑ ԵՆ ԵՐԻՏԱՍԱՐԴՈՒԹՅԱՆ ԱՆԿԱԶՄԱԿԵՐՊՎԱԾՈՒԹՅՈՒՆԸ ԵՎ ՀԵՂԻՆԱԿԱՎՈՐ  ԼԻԴԵՐՆԵՐԻ ԲԱՑԱԿԱՅՈՒԹՅՈՒՆԸ». ԵՊՀ ՌԵԿՏՈՐ ԱՐԱՄ ՍԻՄՈՆՅԱՆԸ ՀԱՆԴԻՊԵՑ ՈՒՍԱՆՈՂՆԵՐԻ ՀԵՏ
ՈւԽ նախագահության, ՈՒԳԸ ղեկավար կազմի, ինչպես նաև ուսանողական այլ հանձնաժողովների ներկայացուցիչների հետ պարբերաբար կազմակերպվող հանդիպումների հիմնական նպատակն է համալսարանի ղեկավարի հետ քննարկել ուսանողությանն անհանգստացնող խնդիրները, ներկայացնել առաջարկներ ու տալ համապատասխան լուծումներ: