31.08.2017 | 
Քաղաքականություն
ՆԱԽԱՆՇՎՈՒՄ ԵՆ ՀԱՅ-ԻՐԱՔՅԱՆ ՀԱՄԱԳՈՐԾԱԿՑՈՒԹՅԱՆ ԵԶՐԵՐԸ
ՆԱԽԱՆՇՎՈՒՄ ԵՆ ՀԱՅ-ԻՐԱՔՅԱՆ ՀԱՄԱԳՈՐԾԱԿՑՈՒԹՅԱՆ ԵԶՐԵՐԸ
Օգոստոսի 30-ին ԵՊՀ էր այցելել Իրաքի Հանրապետությունից ժամանած պատվիրակությունը:

Իրաքի բարձրագույն կրթության և գիտական հետազոտությունների նախարար Աբդ ալ-Ռազակ Աբդ ալ-Ջալիլ ալ-Իսայի գլխավորած պատվիրակության կազմում էին նախարարության տարբեր վարչությունների ղեկավարներ, ինչպես նաև մի շարք համալսարանների և քոլեջների ռեկտորներ:

 

Հանդիպմանը ներկա էին նաև ԵՊՀ պրոռեկտորներ Ալեքսանդր Գրիգորյանը, Գեղամ Գևորգյանը, ակադեմիկոսներ Աշոտ Սաղյանը, Սամվել Շուքուրյանը, Միջազգային համագործակցության վարչության պետ Ալեքսանդր Մարգարովը, ինչպես նաև ամբիոնի վարիչներ Հայկ Քոչարյանն ու Վահրամ Պետրոսյանը:

 

Ռեկտոր Արամ Սիմոնյանը ողջունեց հյուրերին, հակիրճ ներկայացրեց Մայր բուհի պատմությունը, ուսումնագիտական գործընթացը, միջազգային կապերն ու զարգացման հեռանկարները:

 

«ԵՊՀ-ն՝ Հայաստանի խոշորագույն բուհն ու գիտական կենտրոնը, բավականին ակտիվ միջազգային քաղաքականություն է վարում: Մենք ավելի քան 270 գործընկերներ ունենք, որոնց կազմում են արտասահմանյան մի շարք առաջատար բուհեր»,- նշեց Արամ Սիմոնյանն ու հավելեց, որ իրաքյան համալսարանների հետ գործնական կապեր գրեթե չկան:

 

«Միջազգային տարբեր հարթակներում հանդիպումներ ունեցել ենք Իրաքի տարբեր կրթօջախների ներկայացուցիչների հետ, եղել են պայմանավորվածություններ, որոնք, ցավոք, չեն իրականացվել: Ուստի ուրախ ենք, որ այցելել եք Մայր բուհ, մենք պատրաստակամ ենք համագործակցություն սկսել իրաքյան բուհերի հետ»,- ամփոփեց ռեկտորը:

 

Նախարար Աբդ ալ-Ռազակ Աբդ ալ-Ջալիլ ալ-Իսային շնորհակալություն հայտնեց ջերմ ընդունելության համար և նշեց, որ այցելության հիմնական նպատակն է ծանոթանալ հայկական կրթական համակարգին և կոնկրետ քայլերի միջոցով գործընկերներ ձեռք բերել:

 

«Մեր այցելության հիմնական նպատակն է նախանշել երկու երկրների բուհերի միջև համագործակցության հաստատման և զարգացման հնարավորությունների շրջանակը»,- ասաց Աբդ ալ-Ռազակ Աբդ ալ-Ջալիլ ալ-Իսային և հավելեց, որ Հայաստան են այցելել Իրաքում ՀՀ արտակարգ և լիազոր դեսպանի հրավերով:

 

Հանդիպման ընթացքում կողմերը քննարկեցին ուսանողների փոխանակման, ինչպես նաև պրոֆեսորադասախոսական կազմի ներկայացուցիչների վերապատրաստման վերաբերյալ մի շարք հարցեր:

Այլ նորություններ
ԵՊՀ ՀՈԳԱԲԱՐՁՈՒՆԵՐԻ ԽՈՐՀՐԴԻ ՆԻՍՏԸ ՏԵՂԻ ՉԻ ՈՒՆԵՑԵԼ. ՆԵՐԿԱ ԵՆ ԵՂԵԼ ՄԻԱՅՆ ՀԱՄԱԼՍԱՐԱՆԱԿԱՆ ԱՆԴԱՄՆԵՐԸ
ԵՊՀ հոգաբարձուների խորհրդի այսօր հրավիրված նիստը չի կայացել՝ քվեակազմի բացակայության պատճառով. 32 անդամներից ներկա էին 14-ը:
«ՍԵՐՎԻՍԻ ԿԱԶՄԱԿԵՐՊԻՉ/ՄԵՆԵՋՄԵՆՏ» ԽՈՐԱԳՐՈՎ ԴԱՍԱԽՈՍՈՒԹՅՈՒՆ ԵՐԵՎԱՆԻ ԹԻՎ 190 ԱՎԱԳ ԴՊՐՈՑՈՒՄ
ԵՊՀ աշխարհագրության և երկրաբանության ֆակուլտետի սերվիսի ամբիոնի վարիչ Սեյրան Սուվարյանն այսօր «Սերվիսի կազմակերպիչ/մենեջմենտ» խորագրով դասախոսություն է կարդացել Երևանի թիվ 190 ավագ դպրոցում: