02.12.2019 | 
Քաղաքականություն
ԵՊՀ-Ն ՌԱԶՄԱՎԱՐԱԿԱՆ ԳՈՐԾԸՆԿԵՐՈՒԹՅԱՆ ԵՎ ԵՐԿԱՐԱԺԱՄԿԵՏ ՀԱՄԱԳՈՐԾԱԿՑՈՒԹՅԱՆ ՆՈՐ ՀՈՒՇԱԳԻՐ Է ԿՆՔԵԼ
ԵՊՀ-Ն ՌԱԶՄԱՎԱՐԱԿԱՆ ԳՈՐԾԸՆԿԵՐՈՒԹՅԱՆ ԵՎ ԵՐԿԱՐԱԺԱՄԿԵՏ ՀԱՄԱԳՈՐԾԱԿՑՈՒԹՅԱՆ ՆՈՐ ՀՈՒՇԱԳԻՐ Է ԿՆՔԵԼ
ԵՊՀ հումանիտար և հասարակագիտական մասնագիտությունների գծով պրոռեկտոր Էլինա Ասրիյանը և ՀՀ վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի տնօրեն Հովհաննես Մովսիսյանը նոյեմբերի 29-ին ստորագրել են երկու կառույցների միջև համագործակցության հաստատման հուշագիր:

Մեզ հետ զրույցում Էլինա Ասրիյանը փաստեց, որ նոր համագործակցությունը հնարավորություն կտա ԵՊՀ ուսանողներին և երիտասարդ փորձագետներին պետական տեղեկատվական քաղաքականության տարբեր ոլորտներում անմիջական մասնակցություն ունենալու և գիտական ու կրթական նախագծեր փորձարկելու:

 

«Այս համագործակցությունը մեզ հնարավորություն կտա կազմակերպելու պրակտիկա, ինչպես նաև երիտասարդ կադրերի համատեղ վերապատրաստում»,- նշեց ԵՊՀ պրոռեկտորը:

 

Նրա փոխանցմամբ, նոր համագործակցության նպատակներից է նաև տեղեկատվության և հասարակության հետ կապերի ոլորտում կամավորների բազայի ստեղծումը և  պետական տեղեկատվական քաղաքականության ու բարձրագույն կրթության համակարգի զարգացման համար շահագրգիռ կողմերի կարողությունների և ռեսուրսների լիարժեք օգտագործումը:

 

Էլինա Ասրիյանն ասաց, որ կողմերի համագործակցության արդյունքում հնարավոր կլինի կազմակերպել և անցկացնել համատեղ ֆորումներ, գիտաժողովներ, ամառային և ձմեռային դպրոցներ, սեմինարներ, վեբ-դասեր, կլոր սեղաններ և վարպետության դասեր, որոնց ներգրավված են լինելու ուսանողներ, երիտասարդ հետազոտողներ, տարբեր ոլորտի առաջատար մասնագետներ, գիտնականներ և միջազգային փորձագետներ:

 

«Կենտրոնի մասնագետները մասնակցություն են ունենալու դասավանդման, փորձագիտական խորհրդատվության, գիտական աշխատանքների վերլուծության, ինչպես նաև ուսանողների բակալավրի ավարտական աշխատանքների և մագիստրոսական թեզերի գրախոսման և այլ գործընթացներում»,- ասաց ԵՊՀ պրոռեկտորը:

 

Բացի դրանից՝ ԵՊՀ համապատասխան մասնագիտական ստորաբաժանումների ուսանողների, ասպիրանտների և դիմորդների համար կազմակերպվելու են նախապատրաստական, նախադիպլոմային և գիտական պրակտիկաներ, ինչպես նաև մշակվելու և իրականացվելու են ընդհանուր նախագծեր:

 

Քնար Միսակյան

Այլ նորություններ
ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆԻ ԿՈՉԸ  ՄԻՋԱԶԳԱՅԻՆ ԳՈՐԾԸՆԿԵՐՆԵՐԻՆ ԼԱՉԻՆԻ ՄԻՋԱՆՑՔԻ ԱՐԳԵԼԱՓԱԿՄԱՆ ՀԵՏԵՎԱՆՔՈՎ ՍՏԵՂԾՎԱԾ ԻՐԱՎԻՃԱԿԻ ՎԵՐԱԲԵՐՅԱԼ
Դեկտեմբերի 12-ի առավոտից Ադրբեջանի մի խումբ քաղաքացիներ, ներկայանալով որպես բնապահպանական ակտիվիստներ, արգելափակել են բնականոն ու անարգել տեղաշարժը Գորիս–Ստեփանակերտ ճանապարհին (Լաչինի միջանցք), որն այսօր Լեռնային Ղարաբաղն արտաքին աշխարհին կապող միակ ճանապարհն է։ Բացի դրանից՝ այս օրերի ընթացքում Ադրբեջանը ձմռան սաստիկ ցրտի պայմաններում արցախցիներին 75 ժամ թողել էր առանց գազի:
ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒԽ-Ն ԿԱԶՄԱԿԵՐՊԵԼ ԷՐ ՊԱՆԵԼԱՅԻՆ ՔՆՆԱՐԿՈՒՄ
Քննարկման հրավիրյալ բանախոսներն էին պ.գ.դ., պրոֆեսոր Ռուբեն Մելքոնյանը, տնտ. գիտ. թեկն., դոցենտ Կառլեն Խաչատրյանը և իրավ. գիտ. թեկն. Լևոն Գևորգյանը: