10.05.2019 | 
Գիտություն
ԵՊՀ-Ն ՀԱՄԱԳՈՐԾԱԿՑՈՒԹՅԱՆ ԵԶՐԵՐ Է ՍՏԵՂԾՈՒՄ «DASSAULT SYSTEMES» ԸՆԿԵՐՈՒԹՅԱՆ ՀԵՏ
ԵՊՀ-Ն ՀԱՄԱԳՈՐԾԱԿՑՈՒԹՅԱՆ ԵԶՐԵՐ Է ՍՏԵՂԾՈՒՄ «DASSAULT SYSTEMES» ԸՆԿԵՐՈՒԹՅԱՆ ՀԵՏ
Երևանի պետական համալսարանի գիտական խորհրդի նիստերի դահլիճում այսօր տեղի ունեցավ հանդիպում «Dassault systemes» ( https://www.3ds.com/ru/) ընկերության ներկայացուցիչների հետ։

Հանդիպմանը ներկա էին «Dassault systemes ընկերության փոխնախագահ Քրիստիան Նարդին և ակադեմիական ծրագրերի ավագ տնօրեն Խավիեր Ֆուժեն, ԵՊՀ ուսումնական աշխատանքների գծով պրոռեկտոր Մենուա Սողոմոնյանը, Գիտական քաղաքականության և միջազգային համագործակցության գծով պրոռեկտոր Արսեն Բաբաջանյանը, ԵՊՀ տեղեկատվական տեխնոլոգիաների կրթական և հետազոտական կենտրոնի ղեկավար, ֆիզմաթ. գիտությունների դոկտոր, պրոֆեսոր, ՀՀ ԳԱԱ ակադեմիկոս Սամվել Շուքուրյանը, ԵՊՀ կենսաբանության ֆակուլտետի դեկանի տեղակալ Կարեն Ղազարյանը, Ռադիոֆիզիկայի ֆակուլտետի հեռահաղորդակցության և ազդանշանների մշակման ամբիոնի վարիչ Հովհաննես Հարոյանը, Թվային անալիզի և մաթեմատիկական մոդելավորման ամբիոնի վարիչ Յուրի Հակոբյանը և Ֆիզիկայի ֆակուլտետի բարձրագույն մաթեմատիկայի ամբիոնի վարիչ Մարտին Գրիգորյանը:



Հանդիպման սկզբում ԵՊՀ պրոռեկտորներն ու դասախոսական կազմը ողջունեցին հյուրերին ու ներկայացրին իրենց ուսումնասիրության ոլորտները։

«Dassault systemes» ընկերության ներկայացուցիչները խոսեցին իրենց ընկերության մասին ու ասացին, որ այն զբաղվում է գիտության, կրթության և տեխնիկայի նորարարական լուծումների ստեղծմամբ և պատրաստ է համագործակցել ԵՊՀ-ի հետ այս ոլորտներում։

«Գիտությունը, կրթությունն ու տեխնիկան հիմա ամենաարագ զարգացող ոլորտներն են, և արդյունավետ կլիներ դրանք արդյունաբերությանը ծառայեցնելը ևս»,- նշեց Խավիեր Ֆուժեն:



Հանդիպման ընթացքում «Dassault systemes» ընկերության ներկայացուցիչները ծանոթացան հանդիպմանը ներկա ԵՊՀ պրոֆեսորադասախոսական կազմին, նրանց գործունեությանը և ուսումնասիրվող ոլորտներին։

Նշենք, որ այցը կրում էր ճանաչողական բնույթ։ Ընկերության ներկայացուցիչներն ու համալսարանականները համաձայնության եկան իրենց ընդհանուր հետաքրքրությունների շրջանակը հանդիպումից հետո ավելի լավ ուսումնասիրելու և փոխշահավետ համագործակցության եզրեր գտնելու շուրջ։


Մարինե Առաքելյան

Այլ նորություններ
«ԳԵՐՄԱՆԱԳԻՏԱԿԱՆ ԱՄԲԻՈՆՈՒՄ ԱՄՐԱՊՆԴՎԵԼՈՒՑ ՀԵՏՈ ԻՄ ՆՊԱՏԱԿԸ ՄԻՇՏ ԵՂԵԼ Է ՕՏԱՐԱԽՈՍ ԱՇԽԱՐՀԻՆ ՆԵՐԿԱՅԱՑՆԵԼ ՀԱՅՈՑ ԼԵԶՈՒՆ, ՀԱՅՈՑ ԲԱՆԱՀՅՈՒՍՈՒԹՅՈՒՆԸ, ՊԱՏՄՈՒԹՅՈՒՆԸ ԵՎ ՀԱՅՈՑ ՑԵՂԱՍՊԱՆՈՒԹՅՈՒՆԸ». ԴՈՐԱ ՍԱՔԱՅԱՆ
Կանադայի Մոնրեալ քաղաքի ՄակԳիլ համալսարանի գերմանագիտական ամբիոնի ցկյանս պրոֆեսոր, ԵՊՀ պատվավոր դոկտոր, գերմանագետ և հայագետ Դորա Սաքայանը, ԵՊՀ 100-ամյակի կապակցությամբ հրավիրվելով Հայաստան, առիթը բաց չի թողել մեկնելուց առաջ լինելու Մայր բուհում ու իր հրատարակած վերջին գիրքը՝ «2500 proverbes arméniens traduits en français» («2.500 հայկական առածներ՝ ֆրանսերեն թարգմանությամբ»), ինչպես նաև այդ գրքի նախապես լույս տեսած անգլերեն տարբերակը նվիրելու Սարգիս և Մարի Իզմիրլյանների անվան գրադարանին:
ԱՐՏԵՄ ՕԳԱՆՈՎԸ ԵՎ ԱՌՆԱԿ ԴԱԼԱԼՅԱՆԸ ԵՊՀ-ՈՒՄ ՀԱՆԴԵՍ ԵՆ ԵԿԵԼ ԴԱՍԱԽՈՍՈՒԹՅՈՒՆՆԵՐՈՎ
Հայաստանի գիտության և տեխնոլոգիաների հիմնադրամի («Fast») կողմից կազմակերպված Գլոբալ նորարական ֆորումի («GIF») շրջանակում ԵՊՀ-ում այսօր դասախոսություններով հանդես են եկել ՌԴ Սկոլկովոյի գիտության և տեխնիկայի ինստիտուտի պրոֆեսոր Արտեմ Օգանովն ու Փարիզի վիճակագրության և տնտեսագիտության կառավարման ազգային դպրոցի պրոֆեսոր Առնակ Դալալյանը: