10.09.2007 | 
Հասարակություն
«ԲՈԼՈՆԻԱՅԻ ԳՈՐԾԸՆԹԱՑԸ» ԵՐԵՔ ՕՐՈՒՄ
«ԲՈԼՈՆԻԱՅԻ ԳՈՐԾԸՆԹԱՑԸ» ԵՐԵՔ ՕՐՈՒՄ
Շուրջ երեք տասնյակ լրագրողներ սեպտեմբերի 7-9-ը հյուրընկալվեցին Ծաղկաձորի «Համալսարան» ուսումնաարտադրական բազայում:

«Բոլոնիայի գործընթացը ԵՊՀ-ում» խորագրով եռօրյա սեմինար-քննարկումը նախաձեռնել էր ԵՊՀ հասարակայնության հետ կապերի եւ լրատվության վարչությունը: 

Սեմինար-քննարկումը նպատակ ուներ Մայր բուհի օրինակով լրագրողներին համակողմանիորեն ներկայացնել Բոլոնիայի գործընթացի համատեքստում կատարվող կրթական բարեփոխումները, քննարկել նոր կրթակարգի կիրառման դրական եւ բացասական հետեւանքները:

Սեպտեմբերի 8-ին հայաստանյան լրատվամիջոցների ներկայացուցիչները հանդիպեցին ԵՊՀ ռեկտոր Արամ Սիմոնյանի հետ: Շուրջ երկու ժամ տեւած հանդիպման ընթացքում քննարկվեցին ԵՊՀ-ում բոլոնյան գործընթացի կիրառումն ու դրանից բխող բազմաթիվ այլ հարցեր: 

Ծրագրի շրջանակներում ԵՊՀ հասարակայնության հետ կապերի եւ լրատվության հետ վարչության աշխատակիցները ներկայացրին վերջին մեկ տարվա ընթացքում ԵՊՀ-ի մասին մամուլում տեղ գտած նյութերի քանակական եւ որակական վերլուծությունը: Վարչության ղեկավարը հավաստեց, որ այս սեպտեմբերից վերլուծության կենթարկվեն նաեւ հեռուստա եւ ռադիոնյութերը:

Հյուրերի համար ԵՊՀ-ն մշակութային միջոցառում էլ էր նախատեսել: Լրագրողների հյուրը ԵՊՀ հիմներգի հեղինակ, կոմպոզիտոր Ռոբերտ Ամիրխանյանն էր: 

Սեմինար քննարկման վերջին օրը ԵՊՀ ուսանողների, շրջանավարտների եւ հասարակայնության հետ կապերի գծով պրոռեկտոր Արսեն Քարամյանը մի շարք լրատվամիջոցների հանձնեց պատվոգրեր եւ ԵՊՀ խորհրդանշանով խրախուսական հուշանվերներ:

Այլ նորություններ
ՆՈՐ ԳԻՏԵԼԻՔՆԵՐ ՀԱՎԱՏԱՐՄԱԳՐՄԱՆ ԵՐԿՐՆԵՐՈՒՄ ԵՎ ՄԻՋԱԶԳԱՅԻՆ ԿԱԶՄԱԿԵՐՊՈՒԹՅՈՒՆՆԵՐՈՒՄ ՀՀ ԱՌԱՋՆԱՀԵՐԹՈՒԹՅՈՒՆՆԵՐԻ ՎԵՐԱԲԵՐՅԱԼ. ԱՄՓՈՓՎԵԼ Է ԱՄԱՌԱՅԻՆ ԴՊՐՈՑԸ
Տեղի է ունեցել ԵՊՀ միջազգային հարաբերությունների ֆակուլտետի նախաձեռնությամբ կազմակերպված «Հայաստանի Հանրապետության հարաբերությունները համաշխարհային քաղաքականության խոշոր դերակատարների հետ» խորագրով ամառային առցանց դպրոցի փակման արարողությունը։
ՀՀ- ՆԻԴԵՐԼԱՆԴՆԵՐԻ ԹԱԳԱՎՈՐՈՒԹՅՈՒՆ ՀԱՐԱԲԵՐՈՒԹՅՈՒՆՆԵՐԻ ԱՌԱՆՁՆԱՀԱՏԿՈՒԹՅՈՒՆՆԵՐԸ. ՆԻԴԵՐԼԱՆԴՆԵՐԻ ԹԱԳԱՎՈՐՈՒԹՅՈՒՆՈՒՄ ՀՀ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆ ՏԻԳՐԱՆ ԲԱԼԱՅԱՆԸ ՀԱՆԴԵՍ Է ԵԿԵԼ ԴԱՍԱԽՈՍՈՒԹՅԱՄԲ
Նիդերլանդների Թագավորությունում ՀՀ արտակարգ և լիազոր դեսպան Տիգրան Բալայանն այսօր «Հայաստանի Հանրապետության հարաբերությունները համաշխարհային քաղաքականության խոշոր դերակատարների հետ» խորագրով ամառային դպրոցի մասնակիցների համար հանդես է եկել հեռավար դասախոսությամբ։