19.11.2018 | 
Կրթություն
ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏՈՒՄ ԲԱՐԲԱՌԱԳԻՏԱԿԱՆ ՈՒՍՈՒՄՆԱՍԻՐՈՒԹՅՈՒՆՆԵՐԸ ՇԱՐՈՒՆԱԿՎՈՒՄ ԵՆ
ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏՈՒՄ ԲԱՐԲԱՌԱԳԻՏԱԿԱՆ ՈՒՍՈՒՄՆԱՍԻՐՈՒԹՅՈՒՆՆԵՐԸ ՇԱՐՈՒՆԱԿՎՈՒՄ ԵՆ
ԵՊՀ հայ բանասիրության ֆակուլտետի ՈՒԳԸ-ի բարբառագիտական խումբը նոյեմբերի 18-ին հերթական այցը կատարեց բարբառախոս կենտրոն:

Հիշեցնենք, որ ծրագրի նպատակն է նպաստել ԵՊՀ-ում բարբառագիտության զարգացմանը, հնարավորություն ընձեռնել ուսումնասիրողին, մասնավորապես՝ ԵՊՀ հայ բանասիրության ֆակուլտետի ուսանողներին, գրելու մասնագիտական հոդվածներ՝ բարբառագիտական թեմաներով, ստեղծելու համեմատական բարբառագիտության ուսումնական ձեռնարկ:

Բարբառագիտական ուսումնասիրություններն այս անգամ Վանաձորում և շրջակա գյուղերում էին:

Հետազոտող խումբը ծանոթացավ բարբառին ու խոսվածքներին, որից հետո զրուցեց    արվեստագետ, քանդակագործ  Արարատ Նալբանդյանի հետ, ծանոթացավ նրա ստեղծագործություններին, լսեց քանդակների ստեղծման ու նշանակության պատմություն:

Գյուղացիների պատմություններն ավելի հետաքրքիր, կենդանի ու առարկայական դարձրին ուսումնասիրությունները:

Ուսանողները հանդիպեցին Կուրթան համայնքի միջնակարգ դպրոցի հայերենի ուսուցչուհու հետ, որը ներկայացրեց իրենց բարբառի առանձնահատկությունների (բառապաշարային և քերականական), սկզբունքների, ժամանակի ընթացքում կատարված փոփոխությունների պատկերը։

 Վերջինս հավաստիացրեց, որ գյուղում բարբառը պահպանված է, և բառաֆոնդը մեծ փոփոխությունների չի ենթարկվել:

Կարևորելով բարբառի նշանակությունը՝ նա հավելեց. «Փոքրից մինչև մեծ, հողագործից մինչև ուսուցիչ, խոսում է բարբառով ու պահպանում այն»:

Հիշեցնենք, որ ուսումնասիրություններից հետո հետազոտող խումբն իրականացնելու է հավաքագրած նյութերի քննություն, կատարելու է համեմատություն նախկին ուսումնասիրությունների հետ՝ ներգրավելով ամբիոնի համապատասխան մասնագետներին:

Նշենք, որ կատարված աշխատանքներն իրականացնելու համար Հայ բանասիրության ֆակուլտետի ՈՒԳԸ-ին աջակցեցին Լոռու մարզպետարանի աշխատակիցները:

 Անգին Խաչատրյան

Այլ նորություններ
ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏԻ ԿԱՐԾԻՔԸ՝ ՀԱՆՐԱԿՐԹՈՒԹՅԱՆ ՊԵՏԱԿԱՆ ԱՌԱՐԿԱՅԱԿԱՆ ՉԱՓՈՐՈՇԻՉՆԵՐԻ ԵՎ ԾՐԱԳՐԵՐԻ ՄԱՍԻՆ
Այս օրերին տեղի են ունենում քննարկումներ «Հայոց լեզու 7-12-րդ դասարաններ» և «Գրականություն 7-12-րդ դասարաններ» հանրակրթության պետական առարկայական չափորոշիչների և ծրագրերի շուրջ: Արտահայտվեցին բազմաթիվ հայագետներ, այդ թվում՝ ԵՊՀ հայ բանասիրության ֆակուլտետի դասախոսներ: Հարցը քննարկվել է նաև ֆակուլտետի գիտխորհրդի նիստում:
ԵՊՀ «ԱՐՎԵՍՏԱԲԱՆՈՒԹՅՈՒՆ» ԿՐԹԱԿԱՆ ԾՐԱԳՐԻ ՈՒՍԱՆՈՂՆԵՐՆ ԱՌՑԱՆՑ ՊՐԱԿՏԻԿԱ ԵՆ ԱՆՑՆՈՒՄ ՌՈՒՍԱԿԱՆ ԱՐՎԵՍՏԻ ԹԱՆԳԱՐԱՆՈՒՄ
Երևանի պետական համալսարանի պատմության ֆակուլտետի «Արվեստաբանություն» կրթական ծրագրի և Ռուսական արվեստի թանգարանի համագործակցության արդյունքում ԵՊՀ ուսանողները երեք տարի անընդմեջ մասնակցում են «Թանգարանային մենեջմենթ և թանգարանագիտություն» պրակտիկային: Պրակտիկայի և գրանցած արդյունքների մասին զրուցել ենք թանգարանի տնօրեն Մարինե Մկրտչյանի հետ: