14.11.2018 | 
Կրթություն
«ԱՍՏՂԱԳԻՏՈՒԹՅԱՆ ԿԱՊՆ ԱՅԼ ԳԻՏՈՒԹՅՈՒՆՆԵՐԻ ՀԵՏ». ՊԱՐԶԱԲԱՆՈՒՄ Է ԲՅՈՒՐԱԿԱՆԻ ԱՍՏՂԱԴԻՏԱՐԱՆԻ ՏՆՕՐԵՆ ԱՐԵԳ ՄԻՔԱՅԵԼՅԱՆԸ
«ԱՍՏՂԱԳԻՏՈՒԹՅԱՆ ԿԱՊՆ ԱՅԼ ԳԻՏՈՒԹՅՈՒՆՆԵՐԻ ՀԵՏ». ՊԱՐԶԱԲԱՆՈՒՄ Է ԲՅՈՒՐԱԿԱՆԻ ԱՍՏՂԱԴԻՏԱՐԱՆԻ ՏՆՕՐԵՆ ԱՐԵԳ ՄԻՔԱՅԵԼՅԱՆԸ
ԵՊՀ քիմիայի ֆակուլտետի ՈՒԳԸ-ն Ֆարմացիայի ինստիտուտի ՈՒԳԸ-ի հետ համատեղ կազմակերպել էր պլենար դասախոսություն, որը վարում էր ՀՀ ԳԱԱ Վ. Համբարձումյանի անվան Բյուրականի աստղադիտարանի տնօրեն Արեգ Միքայելյանը:

Մեզ հետ զրույցում ԵՊՀ քիմիայի ֆակուլտետի ՈՒԳԸ նախագահ Շուշաննա Վարդանյանն ասաց, որ դասախոսության նպատակն ուսանողների մոտ գիտության նկատմամբ սերը մեծացնելն էր:

 

«Դեռ անցած տարվանից ցանկություն ունեինք այցելել Բյուրականի աստղադիտարան և լսել պարոն Միքայելյանի դասախոսությունն աստղաքիմիայի մասին: Սակայն ուսանողների թիվն այնքան մեծ էր, որ որոշեցինք նրան հրավիրել ԵՊՀ և ավելի ընդգրկուն թեմայի վերբերյալ դասախոսություն կազմակերպել, ինչպիսին է աստղագիտությունը և դրա կապն այլ գիտությունների հետ, մասնավորապես քիմիայի, կենսաբանության, ռադիոֆիզիկայի, ֆիզիկայի, բժշկագիտության և այլն»,- պարզաբանեց Շ. Վարդանյանը:

 

 

Արեգ Միքայելյանը դասախոսության մասնակիցներին ներկայացրեց, թե ինչպես է առաջացել աստղագիտությունը, ինչ արդյունքներ է այն գրանցել մինչ այժմ և ինչ հեռանկարներ ունի: Ի դեպ, պարոն Միքայելյանը ևս մեկ անգամ հերքեց աստղագուշակության ճշմարտացիությունը:

 

Դասախոսության ընթացքում Արեգ Միքայելյանն ուսանողներին պատմեց, թե տիեզերքից ստացված տվյալները ինչպես են նպաստում տարբեր գիտությունների զարգացմանը. «Աստղագիտությունը սերտորեն կապված է այլ գիտությունների հետ: Այսօր աշխարհում ձևավորվել և մեծ թափով զարգանում են միջգիտակարգային ու բազմաճյուղ նոր գիտություններ, որոնք չեն ցանկանում սահմանափակվել միայն երկրի վրա հետազոտությունների արդյունքներով: Մենք Հայաստանում փորձում ենք հետ չմնալ և հետևել համաշխարհային միտումներին»:

 

Բյուրականի աստղադիտարանի տնօրենն ուսանողներին խորհուրդ տվեց կյանքը դիտարկել դինամիկայի մեջ. «Գիտությանը լուրջ վերաբերմունք ցույց տվեք, ձեզ համար թող կարևոր լինի ձեր ապագան, որովհետև առաջիկա տասնամյակներն ամենակարևորն են լինելու»:

 

Քնար Միսակյան

Այլ նորություններ
«ԵՊՀ-Ն ԵՐԱԶԱՆՔՍ ԻՐԱԿԱՆՈՒԹՅՈՒՆ ԴԱՐՁՐԵՑ. ԵՍ ԱՅՍՕՐ ՖՐԱՆՍԻԱՅՈՒՄ ԵՄ ՍՈՎՈՐՈՒՄ». ԱՍՏՂԻԿ ՇՄԱՎՈՆՅԱՆ
ԵՊՀ եվրոպական լեզուների և հաղորդակցության ֆակուլտետի անգլերեն-ֆրանսերեն հաղորդակցության բաժնի 4-րդ կուրսի ուսանող Աստղիկ Շմավոնյանն այժմ սովորում է Ֆրանսիայի Լիլ քաղաքի Լիլլի համալսարանի կիրառական օտար լեզուների ֆակուլտետում:
ԵՊՀ-ՈՒՄ ՄԵԿՆԱՐԿԵԼ Է «ՀՀ ԱՆՎՏԱՆԳՈՒԹՅԱՆ ՀԻՄՆԱԽՆԴԻՐՆԵՐԸ» ԽՈՐԱԳՐՈՎ ԳԻՏԱԿԱՆ ԴԱՍԱԽՈՍՈՒԹՅՈՒՆՆԵՐԻ ՇԱՐՔ
ԵՊՀ տնտեսագիտության և կառավարման ֆակուլտետի սահմանադրական տնտեսագիտության գիտավերլուծական կենտրոնը սկսում է «ՀՀ անվտանգության հիմնախնդիրները» խորագրով գիտական դասախոսությունների շարք: