11.12.2017 | 
Կրթություն
«DOCMEN» ՆԱԽԱԳԻԾԸ ՇԱՐՈՒՆԱԿՈՒՄ Է ԻՐ ԱՇԽԱՏԱՆՔՆԵՐԸ
«DOCMEN» ՆԱԽԱԳԻԾԸ ՇԱՐՈՒՆԱԿՈՒՄ Է ԻՐ ԱՇԽԱՏԱՆՔՆԵՐԸ
Եվրամիության «Erasmus+» ծրագրի շրջանակում մեկնարկած «DOCMEN» նախագծի ուղղությամբ տարվող աշխատանքները շարունակվում են:

Դեկտեմբերի 6-8-ը «DOCMEN» նախագծի շրջանակում ԵՊՀ տեղեկատվական տեխնոլոգիաների կրթական և հետազոտական կենտրոն էին այցելել Հոլոնի տեխնոլոգիայի ինստիտուտի (Իսրայել) պրոֆեսոր Մոտտի Հարիդիմը և Բեռլինի տեխնիկական համալսարանի (Գերմանիա) պրոֆեսոր Յուրի Պլոտկինը:

 

«Այսօր շարունակվում է նախագծում մասնակցող Եվրամիության համալսարաններից փորձի փոխանակումը դեպի նախագծում մասնակցող գործընկեր համալսարանները: Այս տարի Ղազախստանի, Հայաստանի և Իսրայելի համալսարաններում արդեն իսկ սկսվել են Եվրամիության համալսարաններից դասախոսների նախատեսված այցելությունները, ինչպես նաև վարպետության դասերի կազմակերպման ու անցկացման աշխատանքները»,- նշեց ՏՏԿՀ կենտրոնի գիտական ղեկավար պրոֆեսոր Սամվել Շուքուրյանը:

 

 

 

Նշեք, որ նախագծի շրջանակում ԵՊՀ ռադիոֆիզիկայի ֆակուլտետի և Տեղեկատվական տեխնոլոգիաների կրթական և հետազոտական կենտրոնի 9 դասախոսներ վերապատրաստվել են դրամաշնորհի մասնակից երկրների առաջատար բուհերում (Տուրինի պոլիտեխնիկական համալսարան, Սոֆիայի տեխնիկական համալսարան, Կրակովի տեխնիկական համալսարան):

 

Նույն ծրագրի շրջանակում 2017 թ.-ի հուլիսին ՏՏ կրթական և հետազոտական կենտրոնի գիտական ղեկավար Սամվել Շուքուրյանը մասնակցել է ԵՊՀ-ում անցկացված աշխատանքային խորհրդակցությանը, որին ներկա են եղել նաև Տուրինում տեղի ունեցած միջազգային կոնսորցիումի բոլոր մասնակից համալսարանների ներկայացուցիչները:

 

2018 թ.-ի ապրիլին պրոֆեսոր Սամվել Շուքուրյանին վարպետության դասեր անցկացնելու նպատակով բացառության կարգով հրավիրել են Բեռլինի տեխնիկական համալսարան, ինչպես նաև Իսրայելի Հոլոնի տեխնիկական ինստիտուտ և Բար-Իլլան համալսարան։

 

Այցելության ժամանակ նախա­տես­վում են նաև բանակցություններ անցկացնել համատեղ հետազոտական աշխատանքներ և կրթական ծրագրեր իրագործելու ուղղությամբ:

 

Հավելենք, որ «Երկու փուլ պարունակող նորարա­րական ուսումնական ծրագիր միկրոէլեկտրոնային ճարտարագիտության բնագա­վառում» (“Development of two cycle innovative curricula in microelectronic engineering” - DOCMEN) նախագիծը մեկնարկել է դեռևս 2015 թ.-ին ստացված դրամաշնորհի արդյունքում:

 

Այլ նորություններ
ԱՅՍ ՏԱՐԻ ԵՊՀ է ԸՆԴՈՒՆՎԵԼ 1446 ԴԻՄՈՐԴ
2018-2019 ուսումնական տարվա ԵՊՀ ընդունելության 1-ին և 2-րդ փուլերի արդյունքների համաձայն՝ համալսարան է ընդունվել 1446 դիմորդ, որոնցից 311-ը սովորելու են պետպատվերի շրջանակում, իսկ 1135՝ վճարովի հիմունքներով: Այս մասին մեզ հետ զրույցում ասաց ԵՊՀ ընդունող հանձնաժողովի պատասխանատու քարտուղար Վաչագան Գալստյանը։
ԳՅՈԹԻՆԳԵՆԻ ՀԱՄԱԼՍԱՐԱՆՈՒՄ «ERASMUS MUNDUS» ԾՐԱԳՐԻ ՇՐՋԱՆԱԿՈՒՄ Ա.ՄԱՐԳԱՐՈՎԸ ՆԵՐԿԱՅԱՑՐԵԼ Է «PICASA»-Ի ԵՊՀ-Ի ԿՈՂՄԻՑ ԱՌԱՋԱՐԿՎՈՂ ՈՒՂՂՈՒԹՅՈՒՆՆԵՐԸ
ԵՊՀ միջազգային համագործակցության վարչության պետ Ալեքսանդր Մարգարովը մեզ հետ զրույցում անդրադարձել է կրթության միջազգայնացման ծրագրին և այդ գործընթացում ԵՊՀ դերակատարմանը: