12.11.2007 | 
Գիտություն
ՍՈՑԻՈԼՈԳԻԱՆ` ՀԱՍԱՐԱԿՈՒԹՅԱՆ ԲԺԻՇԿ
ՍՈՑԻՈԼՈԳԻԱՆ` ՀԱՍԱՐԱԿՈՒԹՅԱՆ ԲԺԻՇԿ
Այսպիսի որակավորում տվեցին իրենց մասնագիտությանը ԵՊՀ սոցիոլոգիայի ֆակուլտետի ուսանողները 2006-2007թթ. ուսանողական հերթական լսումների ժամանակ:

Այսօր Սոցիոլոգիայի ֆակուլտետի Ուսանողական գիտական ընկերության նախաձեռնությամբ ուսանողներն իրենց ավարտական եւ կուրսային աշխատանքների թեմաներով քննարկումներ էին կազմակերպել Տարածաշրջանային ինտեգրման եւ կոնֆլիկտների լուծման կենտրոնում: Նպատակը հասարակական կյանքում սոցիոլոգիայի դերի ու նշանակության կարեւորումն էր: 

«Սոցիոլոգիան, որպես գիտություն, զարգացման մեծ ճանապարհ ունի անցնելու Հայաստանում: Այս գիտությունը ներկայումս մեր իրականության մեջ անհարկի շահագործվում է: Հենց դուք` մեր ապագա սերնդի ներկայացուցիչները, առաքելություն ունեք. պաշտպանել սոցիոլոգիա գիտությունը գործիք դարձնելուց: Այս ոլորտում շատ խնդիրներ կան, որոնք լուծում են պահանջում, եւ այդ լուծումները դուք պետք է տաք: Ուստի շատ եմ կարեւորում եւ ողջունում ձեր նախաձեռնությունը»,- ասաց Սոցիոլոգիայի ֆակուլտետի դեկան Լյուդմիլա Հարությունյանը: 

«Սոցիոլոգիայի ֆակուլտետում սովորում է մոտ 460 ուսանող, որոնց 5 տոկոսն է ներկա այս քննարկումներին: Իմ կարծիքով, դա վատ ցուցանիշ չէ, քանի որ ոչ բոլոր ուսանողները պետք է ուսումնասիրողի դերում հանդես գան: Այսօր ներկա ուսանողներն արդեն զեկուցողներ ու հեղինակներ են: Վստահաբար ուզում եմ ավելացնել, որ ֆակուլտետի ղեկավարությունը կաջակցի ուսանողների ցանկացած նախաձեռնությանը»,- ասաց ֆակուլտետի դեկանի տեղակալ Արթուր Աթանեսյանը:

Մոտ քսան ուսանող զեկուցեց իր կատարած ուսումնասիրության արդյունքների մասին: Թեմաները տարբեր էին. սոցիոլոգիական երկխոսության առանձնահատկությունները, սոցիոլոգիան իրավական եւ քաղաքական դաշտում, ինքնաներկայացումն ամենօրյա կյանքում, մարդու իրավունքները եւ սոցիոլոգիան, բաց հասարակություն եւ այլն:

Հետաքրքրաշարժ զեկույց էր պատրաստել ուսանողուհի Արեւիկ Մարտիրոսյանը: Նա մանրամասն խոսեց նախընտրական շրջանում սոցիոլոգիայի կատարած դերի նշանակության մասին: Մասնավորապես անդրադարձավ Հայաստանում սոցիոլոգիայի` որպես քաղաքական գործիք, շահարկելու խնդրին: Զեկուցողը հանդես եկավ ԶԼՄ-ներում հրակարակված այն հոդվածների տեսությամբ, որտեղ սոցիոլոգը ներկայացված է որպես զուտ տվյալներ հրապարակող, իսկ սոցիոլոգիան ծախու գիտություն:

Վերջում ուսանողները հարց ու պատասխանի միջոցով փորձեցին լուծումներ առաջարկել առավել կարեւոր խնդիրների համար:

Այլ նորություններ
«ԿԱՆԽԱՐԳԵԼԻՉ ՄԻՋՈՑԱՌՈՒՄՆԵՐԻ ԵՎ ԲՆԱՊԱՀՊԱՆԱԿԱՆ ԽՆԴԻՐՆԵՐԻ ԼՈՒԾՄԱՆ ՀԱՄԱՐ ԽՆԱՅԵԼ ՉԻ ԿԱՐԵԼԻ». ԱՐՄԵՆ ԹՌՉՈՒՆՅԱՆ
Ամբողջ աշխարհն այսօր պայքարում է նոր կորոնավիրուսի (COVID19) դեմ՝ իրականացնելով տարաբնույթ միջոցառումներ: Առողջապահության համաշխարհային կազմակերպության կողմից հայտարարված աշխարհավարակի պատճառ դարձած կորոնավիրուսով այսօր աշխարհում վարակված է ավելի քան 1 մլն մարդ: Հայաստանում նոր կորոնավիրուսային հիվանդության հաստատված ավելի քան 730 դեպք է գրանցվել: Երկրում հաստատված է արտակարգ դրություն: Ստեղծված իրավիճակի, իրականացվող միջոցառումների արդյունավետության և սպասվող քայլերի մասին զրուցել ենք ԵՊՀ կենսաքիմիայի, մանրէաբանության և կենսատեխնոլոգիայի ամբիոնի վարիչ, ՀՀ ԳԱԱ թղթակից անդամ, կենսաբ. գիտ. դոկտոր, պրոֆեսոր Արմեն Թռչունյանի հետ:
ԼՈՒՅՍ Է ՏԵՍԵԼ ԱՆԱՀԻՏ ՄԱՆԱՍՅԱՆԻ՝ «ՍԱՀՄԱՆԱԴՐԱԿԱՆ ԿԱՅՈՒՆՈՒԹՅՈՒՆԸ՝ ՈՐՊԵՍ ԿԱՅՈՒՆ ԺՈՂՈՎՐԴԱՎԱՐՈՒԹՅԱՆ ԿԱՐԵՎՈՐԱԳՈՒՅՆ ԳՐԱՎԱԿԱՆ» ՄԵՆԱԳՐՈՒԹՅԱՆ ԱՆԳԼԵՐԵՆ ՏԱՐԲԵՐԱԿԸ
Հրապարակվել է ԵՊՀ սահմանադրական իրավունքի ամբիոնի դոցենտ, իրավ. գիտ. թեկնածու, Արդարադատության ակադեմիայի պրոռեկտոր Անահիտ Մանասյանի՝ «Սահմանադրական կայունությունը՝ որպես կայուն ժողովրդավարության կարևորագույն գրավական» («Constitutional Stability as an Important Prerequisite for Stable Democracy») անգլերեն մենագրությունը: