25.07.2019 | 
Գիտություն
ՂՐՂԶՍՏԱՆՈՒՄ ԱՆՑԿԱՑՎԵԼՈՒ Է ԵԱՏՄ ՏԱՐԱԾՔՈՒՄ ԱՄԵՆԱՄԵԾ «ԵՎՐԱՍԻԱԿԱՆ ՇԱԲԱԹ-2019» ԽՈՐԱԳՐՈՎ ՀԱՄԱԺՈՂՈՎԸ
ՂՐՂԶՍՏԱՆՈՒՄ ԱՆՑԿԱՑՎԵԼՈՒ Է ԵԱՏՄ ՏԱՐԱԾՔՈՒՄ ԱՄԵՆԱՄԵԾ «ԵՎՐԱՍԻԱԿԱՆ ՇԱԲԱԹ-2019» ԽՈՐԱԳՐՈՎ ՀԱՄԱԺՈՂՈՎԸ
Եվրասիական տնտեսական միության (ԵԱՏՄ) գործարարները և ակտիվ երիտասարդները հանդիպելու են մեկ հարթակում՝ քննարկելու տնտեսական ինտեգրման և բիզնես համագործակցության հարցերը, որին հեռակա կարգով կարող են մասնակցել նաև ԵՊՀ տարբեր ֆակուլտետների դասախոսներ, երիտասարդ գիտնականներ, ասպիրանտներ և փորձագետներ:

Սեպտեմբերի 25-27-ը Ղրղզստանի մայրաքաղաք Բիշքեկում անցկացվելու է «Եվրասիական շաբաթ-2019» IV միջազգային համաժողովը: Այս որոշումը կայացվել է միջոցառման կազմակերպչական հանձնաժողովի առաջին նիստում: Որպես համաժողովի անցկացման հարթակ ընտրվել է «Ալա-Արչա» թիվ 1 պետական նստավայրը, որտեղ տեղի են ունենում Ղրղզստանի հիմնական տնտեսական և քաղաքական իրադարձությունները:

Ինչպես նշում են կազմակերպիչները, այս տարի համաժողովն անցկացվելու է «ԵԱՏՄ. համախմբում, զարգացում, ուժ» կարգախոսով։

««Եվրասիական շաբաթ» IV միջազգային համաժողովի օրակարգը կենտրոնացած է ԵԱՏՄ-ի մասին պայմանագրի հինգ տարի քննարկման, ինտեգրման նոր վեկտորների նշանակման, արևելյան արտասահմանյան գործընկերների հետ համագործակցության զարգացման և արտահանման հնարավորությունների ստեղծման, ինչպես նաև տնտեսական գլոբալ տատանումներից խոցելիության նվազեցման ուղղությամբ միջոցառումների մշակման վրա»,- նշել է Եվրասիական տնտեսական հանձնաժողովի առևտրային խորհրդի (նախարար) անդամ, «Եվրասիական շաբաթ» IV միջազգային համաժողովի կազմկոմիտեի նախագահ Վերոնիկա Նիկիշինան:

Համաժողովը ծրագրի մեջ ներառում է ավելի քան 20 հրապարակ՝ երեք բլոկում: Սա ռազմավարական ուղի է, որն ընդգրկում է ԵԱՏՄ-ի զարգացման հիմնական և հեռանկարային ոլորտները: Երիտասարդական միջոցառման շրջանակում կազմակերպվելու են ԵԱՏՄ-ի երիտասարդ առաջնորդի դպրոց, ԵԱՏՄ-ի համալսարանների նիստ, ինչպես նաև բիզնես խաղ և նիստ աշխատունակության հարցերի թեմայով:

Համաժողովին մասնակցելու հրավեր են ստացել Ղրղզստանի Հանրապետության վարչապետ Մոհամմեդկալի Աբիլգազիևը և փոխվարչապետ Ժենիշ Ռազակովը, ՀՀ փոխվարչապետ Մհեր Գրիգորյանը և Եվրասիական տնտեսական հանձնաժողովի խորհրդի նախագահ Տիգրան Սարգսյանը, Ռուսաստանի Դաշնության կառավարության ղեկավարի առաջին տեղակալ, ֆինանսների նախարար Անտոն Սիլուանովը, Բելառուսի Հանրապետության փոխվարչապետ Իգոր Պետրիշենկոն, Ղազախստանի Հանրապետության վարչապետ Ասքար Մամինը, ինչպես նաև գործարար և արտահանող խմբակցության ներկայացուցիչներ:

«Եվրասիական շաբաթ-2019» -ում առանձնահատուկ տեղ է զբաղեցնելու գյուղատնտեսությանը և սննդի արդյունաբերությանը նվիրված ցուցահանդեսը: Ցուցահանդեսին մասնակցելու համար հրավիրվում են ոչ միայն փորձառու արտադրողներ, որոնք պատրաստակամ են ներկայացնել իրենց փորձը, այլև ընկերություններ, որոնք դեռ փնտրում են բիզնես լուծումներ:

Հիշեցնենք, որ «Եվրասիական շաբաթվա» միջազգային ցուցահանդեսն անցկացվում է չորրորդ տարին անընդմեջ: Անցած տարիների արդյունքները ցույց են տվել, որ համաժողովը դարձել է հիմնական գործարար միջոցառում և ազատ կարծիքի փոխանակման հարթակ գործարարների, պետական մարմինների, ԵԱՏՄ և երրորդ երկրների փորձագիտական հանրության ներկայացուցիչների համար:

Համաժողովի նպատակն է ներկայացնել աշխարհին ԵԱՏՄ երկրների հնարավորություններն ու ներուժը մեթոդաբանություն մշակելու և միասնական տնտեսություն ձևավորելու համար: Համաժողովի անցկացումն ուղղակիորեն նպաստում է «B2B» կապի ցանցի ստեղծմանը և երրորդ երկրների ընկերությունների՝ որպես պոտենցիալ սպառողների և ներդրողների ներգրավմանը՝ արտահանման համար մրցունակ արտադրանք ստեղծելու համար:

Համաժողովին մասնակցելու և այլ տեղեկատվություն ստանալու համար կարող եք դիմել հետևյալ տվյալներով․ պատասխանատու անձ՝ Անաստասիա Մատյուսովա (Anastasia Matyusova), էլ․ փոստ՝ press@eurasianweek.com, հեռախոս՝ (+7 910) 461 38 32:

Այլ նորություններ
ԵՊՀ ԴՈՑԵՆՏ ՀԱԿՈԲ ՀԱՐՈՒԹՅՈՒՆՅԱՆԻ ՀԵՐԹԱԿԱՆ ՀՈԴՎԱԾԸ «ՆՅՈՒԹԵՐ ՀԻՆ ԵՎ ՄԻՋՆԱԴԱՐՅԱՆ ՄԵՐՁՍԵՎԾՈՎՅԱՆ ՀՆԱԳԻՏՈՒԹՅԱՆ ԵՎ ՊԱՏՄՈՒԹՅԱՆ ՎԵՐԱԲԵՐՅԱԼ» ԳԻՏԱԿԱՆ ՀԱՆԴԵՍՈՒՄ
Երևանի պետական համալսարանի համաշխարհային պատմության ամբիոնի դոցենտ, պ.գ.դ. Հակոբ Հարությունյանն իր հերթական հոդվածն է հրատարակել «Նյութեր հին և միջնադարյան մերձսևծովյան հնագիտության և պատմության վերաբերյալ» հայտնի գիտական հանդեսի հերթական համարում:
«ԿԱՆԽԱՐԳԵԼԻՉ ՄԻՋՈՑԱՌՈՒՄՆԵՐԻ ԵՎ ԲՆԱՊԱՀՊԱՆԱԿԱՆ ԽՆԴԻՐՆԵՐԻ ԼՈՒԾՄԱՆ ՀԱՄԱՐ ԽՆԱՅԵԼ ՉԻ ԿԱՐԵԼԻ». ԱՐՄԵՆ ԹՌՉՈՒՆՅԱՆ
Ամբողջ աշխարհն այսօր պայքարում է նոր կորոնավիրուսի (COVID19) դեմ՝ իրականացնելով տարաբնույթ միջոցառումներ: Առողջապահության համաշխարհային կազմակերպության կողմից հայտարարված աշխարհավարակի պատճառ դարձած կորոնավիրուսով այսօր աշխարհում վարակված է ավելի քան 1 մլն մարդ: Հայաստանում նոր կորոնավիրուսային հիվանդության հաստատված ավելի քան 730 դեպք է գրանցվել: Երկրում հաստատված է արտակարգ դրություն: Ստեղծված իրավիճակի, իրականացվող միջոցառումների արդյունավետության և սպասվող քայլերի մասին զրուցել ենք ԵՊՀ կենսաքիմիայի, մանրէաբանության և կենսատեխնոլոգիայի ամբիոնի վարիչ, ՀՀ ԳԱԱ թղթակից անդամ, կենսաբ. գիտ. դոկտոր, պրոֆեսոր Արմեն Թռչունյանի հետ: