16.11.2009 | 
Կրթություն, Գիտություն
ՌՈՒՍԱԿԱՆ TV-ԻՆ` ԷԿՐԱՆԻՑ ԱՅՍ ԿՈՂՄ
ՌՈՒՍԱԿԱՆ TV-ԻՆ` ԷԿՐԱՆԻՑ ԱՅՍ ԿՈՂՄ
«Պրոֆեսիոնալ լրագրությունը մեծ մասնագիտություն է, մեծ արվեստ ու մեծ առաքելություն»,- վստահեցրեց Միխայիլ Շվիդկոյը:

Հայաստանում Ռուսաստանի հեռուստատեսության օրերի շրջանակում նոյեմբերի 16-ին ԵՊՀ էին այցելել ռուսական լրագրության պատվիրակությունը: 13 ներկայացուցիչներից բաղկացած կազմը ղեկավարում էր «Ռուսաստանյան հեռուստատեսության ակադեմիա» հիմնադրամի նախագահ, միջազգային մշակութային համագործակցության գծով ՌԴ նախագահի ներկայացուցիչ Միխայիլ Շվիդկոյը:

 

«Վերջին ժամանակաշրջանում շատ են քննադատում հեռուստատեսությունն ընդհանրապես եւ մարդկանց, ովքեր աշխատում են հեռուստատեսությունում: Սակայն ձեզ վստահաբար կարող եմ ասել, որ ավելի լավ մասնագիտություն, քան լրագրությունն է եւ հատկապես հեռուստատեսային լրագրությունը, աշխարհում չկա»,- ողջունելով ներկա լրագրողներին եւ ԵՊՀ ժուռնալիստիկայի ֆակուլտետի ներկայացուցիչներին` ասաց Միխայիլ Շվիդկոյը:

 

Պատվիրակության ղեկավարը հանդիպման մասնակիցներին ներկայացրեց ռուսաստանյան հեռուստաընկերությունների Հայաստան այցելած ներկայացուցիչներին: Կարճ նախաբանից հետո հյուրերը պատասխանեցին ուսանողների եւ հայաստանյան լրագրողների հարցերին: Կարճատեւ հարց ու պատասխանի ընթացքում բարձրաձայնվեցին թե ընդհանրապես լրագրության եւ թե ռուսաստանյան հեռուստատեսության առջեւ ծառացած խնդիրների, հայաստանյան եւ ռուսաստանյան հեռուստատեսային դաշտի ներկայացուցիչների համագործակցության հեռանկարների մասին:

 

«Կարծում եմ ռուսական լրագրությանը պակասում է բավարար չափով ազատությունը: Պետական գրաքննություն ամեն տեղ էլ կա, դա հերքելն անիմաստ է, սակայն ռուսական լրագրությունում զգալի է նաեւ ինքնագրաքննադատությունը: Ռուսաստանում այսօր լրագրողները գրելուց կամ ցույց տալուց առաջ նախ մտածում են, թե ինչ հետեւանքներ կարող են լինել»,-ասաց «Совершенно секретно» հեռուստաընկերության գլխավոր պրոդյուսեր Էթերի Լեւիեւան: Հանդիպման վերջում ԵՊՀ ռեկտոր Արամ Սիմոնյանը հյուրերին նվիրեց Հայաստանը ներկայացնող լուսանկարչական ալբոմներ: Հյուրերն էլ դատարկաձեռն չէին եկել: ԵՊՀ-ի համար պատրաստված նվերների շարքում էր նաեւ խտասկավառակների մեծ ժողովածու` նվիրված Ռուսաստանի պատմությանը:

Այլ նորություններ
ԵՊՀ-ՈՒՄ ՊԱՀՊԱՆՎԱԾ ԳՐԱՆՑԱՄԱՏՅԱՆԸ՝ ԳԻՏԱԿԱՆ ԱՌԱՋԻՆ ԱՍՏԻՃԱՆՆԵՐԻ ՇՆՈՐՀՄԱՆ ՎԿԱՅԱԳԻՐ
ԵՊՀ-ում պահպանվում է թեկնածուական և դոկտորական ատենախոսությունների պաշտպանությունների վերաբերյալ տեղեկությունների առաջին գրանցամատյանը, ըստ որի՝ թեկնածուական ատենախոսության առաջին պաշտպանությունը տեղի է ունեցել 1938 թվականին, իսկ դոկտորական ատենախոսության պաշտպանությունը՝ 1943 թվականին:
ՏԵՍԱԿԱՆ ԳԻՏԵԼԻՔՆԵՐԸ ՎԵՐԱԾՎՈՒՄ ԵՆ ԳՈՐԾՆԱԿԱՆ ՀՄՏՈՒԹՅՈՒՆՆԵՐԻ․ «ՏՕՊԱՍ» ԾՐԱԳՐԻ ՀԵՐԹԱԿԱՆ ԽՈՐՀՐԴԱԿՑՈՒԹՅՈՒՆԸ ԵՊՀ-ՈՒՄ
Երևանի պետական համալսարանի տնտեսագիտության և կառավարման ֆակուլտետում այսօր տեղի է ունեցել «ՏՕՊԱՍ»-ի (TOPAS- From Theoretical-Oriented to Practical education in Agrarian Studies) «Տեսական ուղղվածությունից գործնական կրթությանը նվիրված Ագրարային կրթության» ծրագրի հերթական խորհրդակցությունը։