27.03.2019 | 
Մշակույթ
«ՄԻ ԿԱԹԻԼ ՄԵՂՐ» ԵՎ «ՇՈՒՆՆ ՈՒ ԿԱՏՈՒՆ» ՖԻԼՄԵՐԻ ԴԻՏՈՒՄ-ՔՆՆԱՐԿՈՒՄ՝ ԵՊՀ ՄՇԱԿՈՒՅԹԻ ԿԵՆՏՐՈՆՈՒՄ
«ՄԻ ԿԱԹԻԼ ՄԵՂՐ» ԵՎ «ՇՈՒՆՆ ՈՒ ԿԱՏՈՒՆ» ՖԻԼՄԵՐԻ ԴԻՏՈՒՄ-ՔՆՆԱՐԿՈՒՄ՝ ԵՊՀ ՄՇԱԿՈՒՅԹԻ ԿԵՆՏՐՈՆՈՒՄ
ԵՊՀ մշակույթի կենտրոնի դահլիճում այսօր տեղի ունեցավ Հովհաննես Թումանյանի համանուն ստեղծագործությունների հիման վրա էկրանավորված «Մի կաթիլ մեղր» խաղարկային և «Շունն ու կատուն» առաջին մուլտիպլիկացիոն ֆիլմերի դիտում- քննարկումը:

Ֆիլմերի ցուցադրությունը պատահական չէր ընտրված հենց մարտի 27-ին, քանի որ ամեն տարի այս օրը թատրոնի աշխատողները, թատերական ռեժիսոր-բեմադրողները,  լուսային օպերատորները, մոնտաժողները, ձևավորողները, թատրոնի սիրահարներն ու նվիրյալները տոնում են Թատրոնի համաշխարհային օրը: Տոնը սահմանվել է 1961 թվականին ՅՈՒՆԵՍԿՕ-ին կից Թատրոնի միջազգային ինստիտուտի 9-րդ կոնգրեսի պատվիրատուների նախաձեռնությամբ: 

 

Միջոցառմանը ներկա էին  Հենրիկ Մալյանի անվան կինոդերասանի թատրոնի արտիստներ Լիզա Ազիզյանը և Կարինե Ոսկանյանը, ՀՀ ազգային կինոկենտրոնի փոխտնօրեն Մարինե Անտոնյանը, ԵՊՀ մշակույթի կենտրոնի տնօրեն Կարինե Դավթյանը:

Մինչև կինոդիտումը սկսելը՝ Կարինե Դավթյանը նշեց, որ այսօր առանձնահատուկ օր է, քանի որ ներկաները վայելելու են թումանյանական հանճարը՝ համեմված թատրոնին ու կինոյին բնորոշ առանձնահատկություններով: 

 

Շնորհավորելով «Թատրոնի համաշխարհային օրը»՝ ՀՀ ազգային կինոկենտրոնի փոխտնօրեն Մարինե  Անտոնյանն ընդգծեց թատրոնի կարևորությունն ու ազդեցությունը մշակութային կյանքի զարգացման գործում. «Ամեն անգամ շունչս պահած ես սպասում եմ վարագույրի բացմանը. այն նման է հեքիաթի, և ես հույս ունեմ, որ  այդ հեքիաթը երբեք չի ավարտվի, այլև ծաղկում և բարգավաճում  կապրի»,- նշեց Անտոնյանը:

 

Հանդիպման ընթացքում Հենրիկ Մալյանի անվան կինոդերասանի թատրոնի արտիստները ներկայացրին Հենրիկ Մալյանի գործունեությունը, թատրոնի և կինոյի զարգացման գործում ունեցած նրա վիթխարի դերը:


Անգին Խաչատրյան
Այլ նորություններ
«ԱՍՏՂԱԶԱՐԴ ԵՐԿԻՆՔՆ ԻՄ ԳԼԽԱՎԵՐԵՎՈՒՄ» ԽՈՐԱԳԻՐԸ ԿՐՈՂ ՀԱՄԵՐԳ՝ ՆՎԻՐՎԱԾ ԼՅՈՒԴՎԻԳ ՎԱՆ ԲԵԹՀՈՎԵՆԻ 250-ԱՄՅԱԿԻՆ
ԵՊՀ մշակույթի կենտրոնում այսօր տեղի ունեցավ Երևանի Կոմիտասի անվան պետական կոնսերվատորիայի Օպերային ստուդիայի՝ «Աստղազարդ երկինքն իմ գլխավերևում» խորագիրը կրող համերգը՝ նվիրված գերմանացի հայտնի կոմպոզիտոր, դաշնակահար, դիրիժոր Լյուդվիգ վան Բեթհովենի 250-ամյակին:
«ՀԻՍՈՒՍ ՔՐԻՍՏՈՍԻ ԿԵՐՊԱՐԸ XX ԴԱՐԻ ԵՎ ԱՐԴԻ ՀԱՅ ԱՐՎԵՍՏՈՒՄ» ԳԻՐՔԸ ՀՈԳԵՎՈՐ ԱՐԺԵՔՆԵՐԻՆ ՄՈՏԵՆԱԼՈՒ ՆՈՐ ՈՒՂԵՆԻՇ
ՀՀ նկարիչների միության մեծ սրահում այսօր տեղի են ունեցել ԵՊՀ հայ արվեստի պատմության և տեսության ամբիոնի դոցենտ, արվեստագիտության թեկնածու Սաթենիկ Վարդանյանի «Հիսուս Քրիստոսի կերպարը XX դարի և արդի հայ արվեստում» գրքի շնորհանդեսը, ինչպես նաև հայ արդի նկարիչների թեմատիկ ստեղծագործությունների ցուցահանդեսը: