09.10.2018 | 
Մշակույթ
ՖՐԱՆՍԻԱԿԱՆ ԵՐԳԻ ՓԱՌԱՏՈՆ ԵՊՀ-ՈՒՄ
ՖՐԱՆՍԻԱԿԱՆ ԵՐԳԻ ՓԱՌԱՏՈՆ ԵՊՀ-ՈՒՄ
Այսօր ԵՊՀ մշակույթի կենտրոնում տեղի ունեցավ Ֆրանսիական երգի փառատոն, որը նվիրված էր Շառլ Ազնավուրին:

Արդեն 9-րդ տարին է՝ Ֆրանկոֆոնիայի օրերին ԵՊՀ մշակույթի կենտրոնը և Ռոմանագերմանական բանասիրության ֆակուլտետի ֆրանսերեն լեզվի ամբիոնը կազմակերպում են Ֆրանսիական երգի փառատոն՝ ունկնդիրներին հաղորդակից դարձնելով ֆրանսիական մշակույթին:

Ավանդական դարձած այս փառատոնն այս տարի նոր ձևաչափ ուներ. այն նվիրված էր աշխարհահռչակ շանսոնյե Շառլ Ազնավուրին:

Այս տարի միջոցառմանը ներկա էին Ռոմանագերմանական բանասիրության ֆակուլտետի դեկան Սամվել Աբրահամյանը, դեկանի տեղակալ Գևորգ Բարսեղյանը, Ֆրանսիական բանասիրության ամբիոնի վարիչ Զավեն Հարությունյանը, Մշակույթի կենտրոնի տնօրեն Կարինե Դավթյանը, դասախոսներ, ուսանողներ: Ներկաները մեկ րոպե լռությամբ հարգեցին Շառլ Ազնավուրի հիշատակը:



Միջոցառմանը բացման խոսքով հանդես եկավ Սամվել Աբրահամյանը, ով նշեց, որ Ֆրանկոֆոնիայի միջազգային կազմակերպության գլխավոր նպատակը ժողովուրդների միջև բարեկամական հարաբերությունները զարգացնելն է:

Երգի փառատոնի ընթացքում հիմնականում հնչեցին Ազնավուրի երգերը, իսկ ԵՊՀ մշակույթի կենտրոնի երգչախմբի կատարմամբ հնչեց «Ave Marian»-ն:

Մշակույթի կենտրոնի երգչուհի Մարիցա Թիլիքյանի «Je suis malade» կատարումից հետո դահլիճում տիրող ֆրանսիական շնչին ձուլվեց սայաթնովյան երգը:

Ազնավուրի երգերի կատարմամբ հանդես եկան Վարսիկ Ղազարյանը, Վահե Մովսիսյանը և Մանան Ասիկյանը: Գայանե Թադևոսյանը երգեց հեղինակային «Regarde moi»-ը, իսկ Մշակույթի կենտրոնի սաները հնչեցրին ֆրանկոֆոն մի քանի պետությունների հայտնի ստեղծագործողների երգերը: 

Կենտրոնի կիթառահարների խումբը «Andante» կատարմամբ հիացրեց ներկաներին:

Ազնավուրյան շնչով ողողված ֆրանսիական երգի փառատոնն ավարտվեց մեծ շանսոնյեին նվիրված տեսանյութով:

Անգին Խաչատրյան

Այլ նորություններ
ԹԱԼԻՇԱԿԱՆ ԵՐԱԺՇՏՈՒԹՅՈՒՆ՝ ԵՊՀ ԻՐԱՆԱԳԻՏՈՒԹՅԱՆ ԱՄԲԻՈՆՈՒՄ
ԵՊՀ իրանագիտության ամբիոնում այսօր տեղի ունեցավ թալիշ երաժշտագետ, ազգագրագետ, մտավորական, «Քադուս» երաժշտական համույթի ղեկավար Արմին Ֆարիդիի «Հայացք Իրանում թալիշական ազգագրական երաժշտությանը» թեմայով դասախոսությունը:
«ԹՈՒՄԱՆՅԱՆԻ ԱԶԳԱՓՐԿԻՉ ԱՌԱՔԵԼՈՒԹՅՈՒՆԸ՝ ԱՐԴԻ ՓԻԼԻՍՈՓԱՅՈՒԹՅԱՆ ԼՈՒՅՍԻ ՆԵՐՔՈ» ԹԵՄԱՅՈՎ ԴԱՍԱԽՈՍՈՒԹՅՈՒՆ՝ ԵՊՀ ՄՇԱԿՈՒՅԹԻ ԿԵՆՏՐՈՆՈՒՄ
ԵՊՀ մշակույթի կենտրոնը «Մշակութային դաստիարակություն» ծրագրի շրջանակում այսօր կազմակերպել էր «Թումանյանի ազգափրկիչ առաքելությունը՝ արդի փիլիսոփայության լույսի ներքո» թեմայով դասախոսություն՝ նվիրված Ամենայն հայոց բանաստեղծ Հովհաննես Թումանյանի 150-ամյակին: Բանախոսը թումանյանագետ Հրայր Ուլուբաբյանն էր: